Israelek Zisjordaniako eremu zabalak Estatuaren zati gisa erregistratu ditu, 1967tik lehen aldiz
Palestinako Aginte Nazionalak salatu duenez, Palestinako lurralde gehiena 'de facto' anexionatu du.
Israelgo propaganda, Nablusen (Zisjordania iparraldea). Artxiboko argazkia: Europa Press
Israelgo Gobernuak beste urrats bat gehiago eman du, eta, 1967az geroztik lehen aldiz, Zisjordaniako eremu zabalak "Estatuaren jabetza" gisa erregistratzeko egitasmoa onartu du gaur, KAN Israelgo irrati-telebista publikoak jakitera eman duenez.
Bezalel Smotrich Fintza ministroak, Yariv Levin Justizia ministroak eta Israel Katz Defentsa ministroak aurkeztu dute egitasmoa. Horien esanetan, nekazaritza ustiategiak arautu eta Zisjordaniako eremu okupatuen estatusa argitzeko hartu dute erabakia. Aurretik ere, Israelek egina zuen lurrok erregistratzeko saiakera, baina konplexutasun burokratikoa tarteko, bertan behera utzi zuen.
Israelgo hedabideak zabaldutakoaren arabera, Palestinako Agintaritza Zisjordaniako C eremuan sustatzen ari den "legez kanpoko asentamendu prozesuen" aurkako neurria da.
Katzen aburuz, "Israelgo Estatuak Zisjordanian askatasunez, legearen arabera eta erabateko kontrolez jarduteko neurria da".
Palestinako Aginte Nazionala: "Nazioarteko zuzenbidearen urraketa nabarmena da"
Mahmud Abbas Palestinako Aginte Nazionaleko presidentea Israelen planaren aurka agertu da, eta "okupatutako lurralde palestinarraren anexioa" salatu du.
"Segurtasunaren eta egonkortasunaren aurkako mehatxua da, eta nazioarteko zuzenbidearen eta nazioarteko zilegitasunaren ebazpenen urraketa nabarmena", gaitzetsi du, WAFA albiste-agentzia ofizialak zabaldutako ohar batean.
"Alde bakarreko neurri horiek ez diote inolako zilegitasunik emango Palestinako Estatuaren lurreko okupazioari, eta ez dute aldatuko Zisjordania, Jerusalem ekialdea eta Gazako Zerrenda barne, nazioarteko zuzenbidearen eta nazioarteko legitimitatearen arabera, okupatutako lurralde palestinarra delako egitate juridiko eta historikoa", aldarrikatu du.
Zure interesekoa izan daiteke
Iranen aurkako erasoek 3.643 eraikin zibili eragin diete, eta hiru ospitale zerbitzutik kanpo geratu dira
OMEk baieztatu du Irango osasun sistemaren aurkako hainbat eraso izan direla, eta azpimarratu du nazioarteko zuzenbide humanitarioak babesten duela osasungintzara bideratutako edozein instalazio edo eraikin.
Frantziak bere base batzuk erabiltzea baimendu die AEBko hegazkinei, "Ekialde Hurbileko bazkideak babesteko"
Macronen Gobernuak baldintza bat jarri du: laguntza-hegazkin estatubatuar horiek ezingo dira erabili Iranen aurkako operazioetarako, baizik eta Ekialde Hurbilean dauden "bazkideak babesteko".
Espainiak Ziprera fragata bat bidaliko du Iranek Erresuma Batuaren base militarra eraso ostean
Defentsa Ministerioak azaldu duenez, Espainiak "Europar Batasunaren eta ekialdeko mugaren defentsarekin duen konpromisoa erakusten du" mugimen horrekin.
13 urteko kartzela zigorra ezarri diote Berlinen turista bilbotar bat larri zauritu zuen atentatuaren egileari
Erasoa iazko otsailean gertatu zen, Europako Hildako Juduen Monumentuaren ondoan. Biktima, Bilboko 30 urteko gazte bat, erasotik bizirik atera zen Alemaniako hiriburuan hainbat egun ospitalean eman ondoren.
Macronek eta EBk babesa adierazi diote Espainiari, Trumpen mehatxu komertzialen aurrean
Sanchezek esker ona adierazi du, EBko erakunde nagusietako presidenteek eta Europako bazkideek (Frantziak, esaterako) laguntza eskaintzeko dei eta mezuak bidali dizkiotelako.
Israelek Iranek izendatutako edozein buruzagi hil egingo duela ohartarazi du Israel Katz Defentsa ministroak
Israelgo aireko armadak asteartean eraso egin zion Ali Khamenei aiatolaren ondorengoa aukeratzeko Adituen Batzordea biltzekoa zen eraikinari, Qom hiri santuan, izendapen prozesua etenarazteko ahaleginean. Hala ere, une horretan 88 erlijio-gizonak ez zeuden eraikinean bilduta.
Trumpek Espainiarekin duen merkataritza-harremana etengo duela mehatxu egin du, Irango gerrarekiko duen jarreragatik
Espainiako Gobernuak Trumpi erantzun dio, eta nabarmendu diu NATO eta Europako Defentsa konpromisoak bete egiten dituela. Era berean, ohartarazi dio EBren eta AEBren arteko akordioak errespetatu beharko dituela, aldebiko harremanak berrikusi nahi baditu.
Sidenor auziko epaileak mediku palestinar bat onartu du biktima eta akusazio partikular gisa
Akusazio partikular horrekin, Sidenorreko hiru arduradunak kontrabando delituaz gain, genozidio delituaren, gizateriaren aurkako delituaren eta gatazka armatuan babestutako pertsonen eta ondasunen aurkako delituan konplize gisa ikertu ahal izateko baldintza beteko litzateke. Fiskalak Sidenorreko erregistroak baliogabetzeko eskatua zuen, eta kontrabandoa ez beste delituen akusazioak erretiratzea, hain zuzen ere, baldintza hori betetzen ez zelako. Ikusteko dago, orain, ikerketak zer norabide hartuko duen.
Von der Leyenek Ekialde Hurbileko krisiaren "ondorioei" aurre egiteko prest egotea eskatu dio EBri
Frantzia prest agertu da Iranen erasoen aurrean Golkoko eta Jordaniako herrialdeen defentsan parte hartzeko, eta Alemaniak, berriz, baztertu egin du Iranen aurkako erasoarekin bat egitea, eta bere tropek eskualdean duten papera autodefentsara mugatuko du.
Israelek Iranen lur azpiko kuartelei eraso die, Teheranen
Israelgo Armadaren arabera, 100 eraso baino gehiago egin ditu lurpeko kuartelen kontra, eta jaurtitzeko baseak eta misil balistikoak ere suntsitu ditu. Azpimarratu duenez, "behar beste denbora" iraungo du gerrak . Larunbatetik, 555 pertsona hil dituzte Iranen, Ilargi Gorriaren arabera.