Rubiok AEBen eta Europaren arteko harremanak hurbildu nahi ditu baina kontinente zaharrak independentzia sustatu nahi du
Marco Rubio AEBetako Estatu idazkariak Europarekiko harremanak goraipatu ditu larunbat honetan Municheko Segurtasun Konferentzian, eta arindu egin du herrialdeko presidenteorde J.D. Vancek duela urtebete emandako hitzaldi gogorraren tonua.
Marco Rubio AEBetako Estatu idazkariak Europarekiko harremanak goraipatu ditu larunbat honetan Municheko Segurtasun Konferentzian, eta leundu egin du herrialdeko presidenteorde J.D. Vancek duela urtebete emandako hitzaldi gogorraren tonua, baina Kontinente Zaharrarekiko harremanean aldaketen alde egin du.
Rubiok, funtsean, adierazi du AEBk ez duela Europatik bereizi nahi, baizik eta aspaldiko adiskidetasuna biziberritu eta "gizateriaren zibilizaziorik handiena berritu". Munduko ordena berri bat "saihestezina" dela aldarrikatu du eta guztiek batera zuzendu beharko luketela defendatu du. Hori bai, Trumpen esanetara.
Duela urtebete, Vancek toki berean ohartarazi zuen Europarako mehatxurik handiena ez zetorrela Errusiatik edo Txinatik, "barrutik" baizik. "Funtsezkoak diren balioak galdu" dituela esan zuen, "adierazpen askatasuna galdu" dela eta ultraeskuina bezalako "ahots alternatiboei" betoak jarri zaizkiela.
Gaur Rubiok adierazi duenez, AEBk Europarekin dituen desadostasunak bi potentzien arteko lotura ekonomikoa eta militarra ez ezik, espirituala eta kulturala ere kolokan jartzen dute, eta desadostasun horiek migrazioa, klima eta merkataritza politiken inguruan dituztela nabarmenduz, gainditzearen alde egin du.
AEB "oparotasunaren mende berri baterako bidea marrazten ari da" esan du, eta "zuekin, gure aliatu preziatuenekin eta gure lagun zaharrenekin batera egin nahi dugu", gaineratu du Rubiok, baina AEB kanpo politikan bakarrik jarduteko prest dagoela ere esan du.
"Europa indartsua izatea nahi dugu, Europak bizirik iraun behar duela uste dugu, gure patua berearekin lotuta dagoela eta beti egongo dela badakigu", gaineratu du.
Frantziak dio Rubioren mezuak ez duela EB "independente" baterako estrategia aldatuko
Jean-Noel Barrot Frantziako Atzerri ministroak esan du Marco Rubioren adierazpenek ez dutela Parisek "Europa independente eta indartsu bat" sustatzeko duen "estrategia aldatuko".
Frantziako ministroak adierazi duenez, "Munichen entzuten diren hitzaldiak bikainak izan arren", Parisek Europaren aldeko bide orriarekin jarraituko du. "Erronka batzuk ezin ditiu nazio bakar batek konpondu, nahiz eta oso aberatsa eta boteretsua izan", adierazi du Atzerri ministroak.
Von der Leyenek aldarrikatu du Europari independentzia sustatzea beste aukerarik ez zaiola geratzen
Ursula von der Leyen Europako Batzordeko presidenteak argudiatu duenez, egungo errealitateak argi uzten du Europak independetea izan beharra daukala, barne zein kanpo mehatxuei aurre egin behar baitie. Hala, AEBekin harreman berri bat hasteko, Europa bere segurtasun, defentsa, merkataritza eta teknologia digitalean oinarritu behar dela esan du.
"Gure Batasuna barrutik ahultzen saiatzen diren kanpoko indarren mehatxu argiari aurre egin behar diogu. Lehia eta botere-harreman etsaien itzulera bizitzen ari gara. Europako bizimoduari desafio egiten diote modu berrietan. Esparru guztietan, lurralde-esparrutik hasi eta muga-zerga edo erregulazio teknologikoetaraino. Horrek guztiak errealitate bat adierazten du: Europak independentzia handitzea beste aukerarik ez du", ohartarazi du Von der Leyenek Municheko Segurtasun Konferentzian egindako agerraldian.
Amnistia Internazionalak Rubiok Munichen egindako hitzaldia salatu du, munduaren ikuspegi "izugarri arrazista" duelako
Agnes Callamard Amnesty Internationaleko idazkari nagusiak Rubiok emandako hitzaldia salatu du, egungo errealitatearen ikuspegi "izugarri arrazista" erakutsi omen duelako, AEB zein Europaren arteko harremanak mendebaldeko zibilizazioaren ordezkari izatean oinarritzen direla esan duelako.
Zure interesekoa izan daiteke
Errusiako drone batek Errumaniako etxebizitza eraikin bat jo du, eta "bortxaketa larria" izan da EBren ustez
Ez da lehen aldia Errusiako drone bat Errumaniako aireko espazioan sartzen dena, baina bai etxebizitza baten kontra egiten duena. Bi pertsona zauritu dira. NATOk ohartarazi du aliatuak defendatzeko prest dagoela, eta Errumaniak "pareko erantzuna" iragarri du.
Blue Origin suziri batek eztanda egin du Floridan, jaurti aurreko proba batean
Suziria pizte estatikoaren proba batean lehertu da, etorkizunean jaurtiketa orbital bat egin aurretik.
Frantziak XVII. mendeko lege esklabista bat baliogabetu du
Luis XIV.ak 1685ean sinatutako legeak, "Kode beltza" izenekoak, esklabuak ondasun higiezinen pare jarri zituen. Esklabutza 1848an abolitu zuten, baina "Kode beltza" ez dute gaur arte indargabetu. Frantziako sistema kolonialak 1,5-2 milioi pertsona egin zituen esklabu, adituek egindako kalkuluen arabera.
AEBk dio Iranekin aurreakordioa lortu duela, baina honek ukatu egin du itxita dagoela
Axios hedabideak aurreratutako informazioaren arabera, Iranek “murrizketarik gabe” ahalbidetuko luke nabigazioa Ormuzeko itsasartean. Tasnim agentzia irandarrak ukatu egin du elkar ulertze batera iritsi izana, eta testua oraindik amaitu gabe dagoela gaineratu du.
Israelek Libano bonbardatu du berriro eta gutxienez 17 hildako utzi ditu
Era berean, Benjamin Netanyahu Israelgo lehen ministroak Gazako Zerrendaren % 70 kontrolatzeko agindua eman dio Israelgo Armadari.
Gizon bat atxilotu dute Berlinen turista bilbotar bati egindako erasoaren egileari ustez laguntzeagatik
Erasoa iazko otsailean gertatu zen Europako Hildako Juduen Monumentuaren ondoan. Biktima, Bilboko 30 urteko gazte bat, erasotik bizirik atera zen Alemaniako hiriburuan hainbat egun ospitalean eman ondoren. Erasoaren egileari 13 urteko kartzela-zigorra ezarri zioten martxoan, hilketa saiakera, lesio larriak eta Estatu Islamikoaren kide izatea egotzita, eta orain arte ez da ezagutu ustezko laguntzaile baten existentzia.
Porrota Enhanced Games txapelketan: milioika dolar saritan eta dopin librea, ofiziala izango ez den errekor bakar baten truke
Enhanced Gamesek, substantzia debekatuak erabiltzea baimentzen zuen kirol-esperimentu polemikoak, kale egin du. Kristian Gkolomeev igerilariak lehiaketaren errekor bakarra lortu du: milioi bat dolar irabazi du, baina bere errekorra ez da ofiziala izango. 42 parte-hartzaileetatik 38k dopatzeko substantziak erabili zituzten: % 91k testosterona eta % 71k giza hazkundearen hormona. Dopinaren Aurkako Munduko Agentziak eta federazioek atleten osasunerako arriskuaz ohartarazi dute.
Txina gero eta gertuago da Ilargitik: Shenzhou-23 ontzia bart abiatu da Tiangong espazio estaziora
Shenzhou-23 espazio-ontzia bart abiatu da Txinako Gobi basamortutik, helburu argi batekin: 2030erako astronautak Ilargira bidaltzea. Txina gainontzeko potentziak baino hamarkadak geroago batu bada ere espazioko lasterketara, urte gutxitan denei aurrea hartzen ari zaie, eta orain AEBen lehiakide gogorrena da espazioan.
Osasunaren Mundu Erakundeak 900 ebola-kasu baino gehiago zenbatu ditu RDCn, susmagarriak eta baieztatuak batuta
Tedros Adhanom Ghebreyesus Agentziako zuzendari nagusiak aitortu du zailtasunak daudela agerraldi ari aurre egiteko, Ituri probintzian batez ere; eskualde hori da krisiaren epizentroa eta bertan lau pertsonatik batek laguntza humanitarioa behar du eta bost biztanletik herrialdeko baste puntu batzuetatik ihesi iritsitakoak dira.
Marco Rubiok ziurtatu du AEBk ez dutela "akordio txar bat" egingo eta Iranen erantzuna falta dela
Irango Gobernuak jakinarazi du bake akordioa lortzeko bidean AEBrekin abiatutako elkarrizketatan aurrerapausoak egon direla. Dena den, argi utzi du ezin daitekeela esan "ituna berehala iritsiko denik". Halaber, berretsi du etapa honetan ez direla Teheranen programa nuklearrari buruz eztabaidatzen ari.