Ekuadorrek asilo politikoa eman dio Julian Assangeri
Ekuadorreko Gobernuak aditzera emandakoaren arabera, Julian Assange WikiLeakseko sortzaileari asilo politikoa ematea erabaki du.
Ricardo Patiño Kanpo Harremanetako ministroak prentsaurrekoan eman du erabakiaren berri. Patiñoren hitzetan, erabakia nazioarteko zuzenbideari jarraituta eta AEBetara estraditatzeak bizia arriskuan jarriko lukeela kontuan izanda hartu dute.
Ekuadorreko erabakiak "desengainua" sortu du Erresuma Batuan. Komunikatu batean aditzera eman dutenez, Erresuma Batuko legediari jarraituta eta aukera guztiak agortuta, "Gobernuak Assange Suediara estraditatzera derrigortuta dago".
Hala ere, Erresuna Batuko Gobernuak "irtenbide bat negoziatzearen alde" dagoela azpimarratu du, Assange Suediara estraditatzeko helburuarekin.
"Eginkizun hori bete behar dugu. Ekuadorreko Gobernuaren erabakiak ez du ezer aldatzen", adierazi dute. "Gure legeen arabera, Assangek agintari britaniarrengana jotzeko aukera guztiak agortu ditu, eta gure betebeharra Suediara estraditatzea da", gaineratu du.
Ekuadorren enbaxadan ekainaren 19tik
Assange Ekuadorren enbaxadan dago, Londresen, ekainaren 19tik. Asilo politikoa eskatu zion Hego-amerikako herrialdeari "babesik gabe" dagoelakoan.
Wikileaksen fundatzaileak dio AEBen "jazarpen politikoaren" biktima dela, Irakeko eta Afganistango gerretako txosten sekretuak zabaltzeagatik.
Assangek Ekuadorren ausardia eskertu du asilo politikoa ematean
Jualian Assange Wikileakseko sortzaileak Ekuadorreko Gobernuaren “ausardia” eskertu du asilo politikoa ematean, ustez biktima den “jazarpenaz” babesteko.
"Esker onekoa naiz Ekuadorreko herriarekin, Rafael Correarekin eta horren Gobernuarekin”, esan du Assangek ohar baten bidez”. “Ez da Erresuma Batua, ezta jaio nintzen hiria, Australia, izan jazarpenetik babestea egin duena, Latinoamerikako nazio independiente eta ausarta baizik”, nabarmendu du.
Erresuma Batuak Julian Assangeri Enbaxadatik irtetea debekatu dio
Willian Hague Erresuma Batuko Kanpo Arazoetako ministroak esan du Gobernuak ez duela onartuko Julian Assange Ekuadorrera joateko baimena; ondorioz, Ekuadorreko Enbaxada Londresen utziko balu atxilotu egin dezakete.
Haguek azaldu duenez, bere Administrazioarentzat “legezko obligazioa” dago Assange Suediara estraditatzeko, Ekuadorreko Gobernuak asilo politikoa eman arren.
Amerikako Estatuen Erakundeak ostiralean erabakiko du kantzilerren bilera deitu edo ez
Amerikako Estatuen Erakundeko Kontseilu iraunkorrak Erresuma Batuari eta Ekuadorri buruzko ohiz kanpoko bilera itxi du ostiralerako bilera bat deituta; bertan ordezkariek kantzilerren bilera bat deitu edo ez erabakiko dute Julian Assange Wikileakseko sortzailearen kasua aztertzeko.
Ordezkariak 15:00etan bilduko dira (19:00 GMT) ostiral honetan Ekuadorrek aurkeztutako irtenbide proposamenaren inguruan bozkatzeko. Ekuadorrek kantzilerren bilera abuztuaren 23an, 10:00etan (14:00 GMT) egitea eskatu du.
Zure interesekoa izan daiteke
Milaka zuzik Eskoziako Lerwick herriko kaleak argitu dituzte Up Helly Aa jaialdi bikingoan
Jaialdi hau urtero ospatzen da Eskoziako Shetland uharteetan, Gabonetako denboraldiaren amaiera ospatzeko. Ekitaldirik ikusgarriena Lerwickeko kaleetan zehar egiten den zuzi-prozesioa da, bikingoen itsasontzi baten erreplika bati zuziak jaurtita amaitzen dena.
Kevin Warshek jaso du Trumpen babesa Erreserba Federalean (Fed) Jerome Powell ordezkatzeko
AEBko Senatuak izendapena berretsi behar du orain, Etxe Zuriak AEBko Banku Zentralari egindako presioen testuinguruan. Erakunde horren independentzia, ordea, funtsezkoa da inflazioa kontrolatzeko eta enplegua bultzatzeko.
Zelenskik uko egin dio Donbas uzteari eta Estatu Batuen segurtasun bermeak eskatu ditu bake akordioa sinatu aurretik
Ukrainako presidenteak esan du ez dela kontzesiorik egongo eta Washingtonekin egindako ituna giltzarria dela Errusiaren inbasio berri bat saihesteko.
Trumpek "asaldatzaile" eta "matxino" deitu dio ICEko agenteek Minneapolisen hildako Alex Prettiri
37 urteko erizaina hil baino 11 egun lehenago agenteei aurre egiten eta auto federal bati ostikoka erakusten duen bideo bat argitaratu ostean egin ditu adierazpenok AEBko presidenteak.
AEBk muga zergak ezartzearekin mehatxu egin die Kubari petrolioa saltzen dien herrialdeei
Kubako Gobernuak gogor gaitzetsi du Ameriketako Estatu Batuek ezarri nahi dien petrolio blokeoa, herrialdearen aurkako "eraso ekintza bortitza" dela iritzita.
Venezuelako aire-espazioa hegaldi komertzialei zabaltzeko agindu du Trumpek
Eguna amaitu aurretik beharrezko izapideak egiteko agindua eman du AEBko presidenteak. Bi herrialdeen arteko zuzeneko hegaldiak etenda daude 2019tik.
Iranen aurkako zigor gehiago adostu ditu EBk, errepresioa leporatuta
Drone eta misiletarako materialak eskuratzea zailtzea dute helburu, eta, aldi berean, aho batez erabaki dute Guardia Iraultzaile Islamikoa erakunde terrorista izendatzea. Gainera, errusiarren aurkako zigor berriak onartu dituzte, Ukrainako gerrarekin lotuta.
Alex Pretti ICEko agenteei aurre egiten, tiroz hil baino 11 egun lehenago, irudiotan
Estatu Batuetako albiste-atari batek argitaratutako irudietan ageri denez, Alex Pretti, urtarrilaren 24an Minneapolisen ICEko agenteek hildako 37 urteko erizaina, urtarrilaren 13an ere gogor jo zuen migrazio-poliziak, beste protesta batean.
Iranek adierazi du hitz egiteko prest dagoela, baina mehatxuen aurrean bere burua "inoiz ez bezala" defendatuko duela
Estatu Batuek Teherango erregimenari mehatxu egin diote behin baino gehiagotan, eta flota militar handia mobilizatu dute Ekialde Ertaineko eskualdera.
Ilhan Omar kongresista demokratari substantzia kimiko batekin eraso egin diote Minneapolisen
Donald Trumpen Administrazioa immigrazioaren aurka egiten dabiltzan sarekadak kritikatzen ari zela gertatu da Ilhan Omarren aurkako erasoa. Segurtasun indarrek erasotzailea atxilotu egin dute, eta jatorri somaliarreko kongresistak hitzaldiari ekin dio berriro. Ilhan Omar Donald Trumpen jomuga izan da azken asteetan ICEren aurka egindako kritikengatik.