Erdoganek 10 ministro aldatu ditu, ustelkeria eskandalu baten ondorioz
Recep Tayyip Erdogan Turkiako lehen ministroak 10 ministro aldatu ditu (guztira 25 dira), ustelkeria eskandalu baten ondorioz, agintariak berak iragarri duenez. Aldez aurretik, Barne, Ingurumen eta Ekonomia ministroek dimisioa eman zuten.
Hori horrela, Efkan Ala idazkariordeak Muamer Guler Barne ministroaren lekua hartuko du. Ingurumen ministroa Idris Guluce izango da, eta Ekonomiakoa, Nihat Zeybekci.
Egemen Bagis Europar Batasunerako ministroa ere kargutik kendu dute, eta, horren lekuan, Mevlut Çavusoglu AKP alderdiko Justizia alorreko arduraduna jarri du Erdoganek.
Besteak beste, hauek dira gainerako ministro berriak: Bekir Bozdag (Justizia), Aysenur Islam Aile (Gizarte Gaiak) eta Lufti Evan (Garraioa).
Ustelkeria auzia
Poliziak 24 pertsona atxilotu ditu orain arte, tartean bi ministroren seme-alabak. Horren aurrean, Turkiako Gobernuak 70 polizia kargugabetu ditu, horien artean Istanbuleko poliziaburua.
Hain zuzen ere, diru truke etxebizitza publikoak eraikitzeko esleipenak ematen zituen ustelkeria sare bat ikertzen ari da Polizia.
Albiste gehiago mundua
Igande honetan abiatuko da Bartzelonatik Gazara janaria eta sendagaiak eramango dituen flotilla
14:00ean atera dira berrogeita hamar ontzi inguruak, gutxienez 44 herrialdetako ordezkariekin, lau euskal herritar tartean, genozidioa eta blokeoa salatzeko helburuarekin. Albares ministroak ziurtatu duenez, Espainiako Gobernuak "babes diplomatiko eta kontsular osoa" eskainiko die igandean Bartzelonatik Gazara abiatuko den ontzidi humanitarioan parte hartzen duten Espainiako herritarrei.
Abbasek eta palestinar kargudunek NBEren Batzar Nagusian parte hartzeko debekua berriro aztertzeko eskatu dio EBk AEBri
NBEren goi bilera irailaren 9an abiatuko da New Yorken, eta eztabaida orokorra 23tik 27ra bitartean egingo da. Bestalde, Kaja Kallas Europako Batasuneko Kanpo Politikako buruak onartu du Israeli jarri ahal dizkioten zigorren inguruan EBko kideen artean ikusten den zatiketak sinesgarritasun galera eragin duela Europako herritarren aurrean.
Bi gizon atxilotu dituzte Indonesian, Espainiako emakume bat hil dutelakoan
Indonesian, uztailaren biaz geroztik desagertuta zegoen 72 urteko emakume espainiar bat hilda aurkitu zuen gaur bertako poliziak. Matilde Muñoz, jatorri galiziarra zuen emakumea, Lombok uhartean desagertu zen, eta hango hondartza batean aurkitu zuten gaur beren gorpua. Heriotzarekin lotuta bi pertsona atxilotu ditu poliziak, eta lapurreta eta hilketa leporatu dizkiete. Indonesiako Poliziak ziurtatu duenez, espainiarraren hilketa planifikatu zuten aitortu dituzten bi atxilotuek. Senggigi herrian bizi diren 34 eta 30 urteko bi gizon dira. Kontakizunaren arabera, Balitik gertu dagoen herri bateko hotel batean zegoen emakumea, lapurreta egin asmoz leihotik bere gelara sartu zirenean.
Palestinaren aldeko manifestazio jendetsua egin dute Veneziako Mostran
"Palestina libre" oihukatuz, Veneziako Mostraren inguruko kaleak hartu dituzte milaka lagunek arratsaldean. Palestinako banderak eta koloreak nonahi, eta genozidioa gelditzea eskatzeko pankarta ugari zeramatzatela, Israelek Gazan duen jokabidea salatzeko manifestazio jendetsua egin dute.
Israelek Yemengo huthien lehen ministroa hil du Sana hiriburuaren aurkako eraso batean
Israelgo Armadak ostegunean Sana hiriburuaren aurka egindako erasoan hil zen. Erasoaren unean Defentsa ministroa eta Estatu Nagusiko buruarekin bilera egiten ari zen, baina momentuz ez dute horien egoeraren berri eman.
Andri Parubi Ukrainako Parlamentuko presidente ohia hil dute atentatu batean
Tirokatu egin dute Lviv hirian. Poliziak ikerketa abiatu du, baina oraingoz ez dute inor atxilotu. Volodimir Zelenski Ukrainako presidenteak doluminak eman dizkio hildakoaren familiari, eta "hiltzailea zigortzeko eta ikertzeko beharrezkoak diren baliabideak" erabiliko dituztela ziurtatu du.
Espainiak "Gazarako ekintza-plan bat" bidali die EBko buruzagiei
Jose Manuel Albares Espainiako Atzerri Gaietarako ministroaren arabera, "une guztiz erabakigarria da", "erantzun indartsua" eskatzen duena, "ezer ez egiteak ez duelako ezer konpondu". Irtenbide bakarra bi estatu sortzea dela esan du, eta palestinarren ordezkariek NBEren konferentzian parte hartzeko aukerarik ez izatea gaitzetsi du.
Palestinaren aldeko artista juduen kolektibo batek BBCren kontzertu bat eten du, Londresen
"MSOk odola du eskuetan", oihukatu dute Jewish Artists for Palestine (Artista juduak Palestinaren alde) taldeko aktibistek Melbourneko Orkestra Sinfonikoak (MSO) ostiralean Londresko Royal Albert Hall aretoan eskaini duen emanaldian. Urtero udako kontzertuak antolatu ohi ditu BBCk, 'BBC Proms' ekimenaren baitan.
Epaile federal batek blokeatu egin ditu Trumpen deportazio azkarrak, derrigorrezko prozesua urratzen dutelakoan
Urtarrilean, Trumpek etorkinen "berehalako kanporatzeak" berrezarri zituen, lehen agintaldian (2017-2021) egin zuen moduan.
Tropa ukrainarrak Ukrainan bertan prestatzearen alde agertu da Europar Batasuna, balizko su-eten batean
Europar Batasuna eta EBko estatu kideak Ukrainako Armadaren formatzaile handienak dira, eta 80.000 soldadutik gora formatu dituzte orain arte EBko herrialdeetan.