Epaile federal batek blokeatu egin ditu Trumpen deportazio azkarrak, derrigorrezko prozesua urratzen dutelakoan
Urtarrilean, Trumpek etorkinen "berehalako kanporatzeak" berrezarri zituen, lehen agintaldian (2017-2021) egin zuen moduan.
Migratzaileak. Argazkia: EFE
Epaile federal batek aldi baterako blokeatu du bart Donald Trumpen gobernuak paperik gabeko etorkinak modu azkarrean deportatzeko hartutako neurria, eta arrazoia eman die eskubide zibilen aldeko taldeei.
Urtarrilean, Trumpek etorkinen "berehalako kanporatzea" berrezarri zuen, bere lehen agintaldian (2017-2021) egin zuen bezala, AEBn bi urte edo gehiago daramatzatela frogatu ezin duten paperik gabeko pertsonen deportazio azkarra ahalbidetzeko.
Jia Cobb Washingtongo epaileak, baina, Trumpek agindutako deportazio masiboen aurkako ebazpena eman du, hau da, kanpainako neurri izarra baliogabetu du, izan ere, horren ustez, "azkartasuna lehenesten du" eta "Gobernua akats baten ondorioz behar ez diren pertsonak deportatzera eramango du".
Deportazio azkarren politika Askatasun Zibilen Batasun Amerikarrak (ACLU) salatu zuen, AEBko etorkinen aldeko gobernuz kanpoko erakunde nagusiak, etorkinen aldeko beste erakunde baten izenean (Make The Road New York), eta horren eragina blokeatzea eskatu zuen. Epaileak onartu egin du eskaera.
Ostiral gauean argitaratutako 48 orrialdeko ebazpenean epaileak esan duenez, ez du zalantzan jartzen deportazio azkarren jatorrizko politikaren konstituzionaltasuna, baizik eta politika horren hedapena.
Salaketaren arabera, hain zuzen ere, neurriak Bosgarren Emendakina urratzen du, nork bere burua defendatzeko legezko prozesu justua izateko eskubidea.
Cobbek gaineratu duenez, "prozesu labur hori defendatzeko, Gobernuak argudio harrigarria ematen du: herrialdean legez kanpo sartu direnek ez dutela Bosgarren Emendakina baliatuta prozesu bat izateko eskubiderik, eta Kongresuak ematen dien edozein grazia onartu behar dutela".
"Hori zuzena balitz, estatubatuar herritarrak ez direnak ez ezik, guztiok egongo ginateke arriskuan", gaineratu du epaileak.
Zure interesekoa izan daiteke
Iranek murrizketak ezarri ditu berriro Ormuzko itsasartean
AEBk Irango portuei ezarritako blokeoa altxatu ezean, itsasartea berriro zarratuko zuela ohartarazi zuen Teheranek, eta ohartarazpena bete egin du gaur. Donal Trump AEBko presidenteak ere ez du tentsioa baretu, eta jakinarazi du asteazkenerako Iranekin akordioa lortzen ez badu "bonbak berriro jaurtitzen" hasiko dela.
Iranek iragarri du Ormuzko itsasartea "erabat zabalik" egongo dela su etena indarrean dagoen bitartean
Israelen eta Libanoren arteko menia indarrean sartu berritan egin du iragarpena Irango Atzerri ministroak. Adierazi duenez, Irango Portu eta Itsas Erakundeak "jakinarazitako eta koordinatutako" bidea jarraitu beharko dute ontziek.
EBk dio Ormuzen irekiera albiste ona dela baina azpimarratu du joan-etorriek doakoak izan behar dutela
"Bertatik igarotzearren bidesaria ordainarazteak aurrekari arriskutsua ezarriko luke", adierazi du Kaja Kallas Europar Batasuneko Kanpo Arazoetarako goi ordezkariak. Bestalde, krisiaren harira eta Frantziak eta Erresuma Batuak deituta, Parisen bildu dira 50 herrialde eta nazioarteko erakunde. Iragarri dutenez, Persiar golkotik igarotzen diren ontziei "laguntza eta babesa" emango dien itsas misio "neutrala" abiatuko dute.
Israel su etena urratzen ari dela dioten mezuei entzungor, etxera itzultzen hasi dira milaka libanoar
Libanoren eta Israelen arteko menia gauerdian sartu da indarrean. Lehen orduotan, Libanoko Armadak salatu du Israelgoak su etena urratu duela, eta Hezbollahk ohartarazi du "hatza kakoan" dutela bere matxinoek. Ohartarazpenei entzungor, etxera bueltatzeari ekin diote milaka libanoar, eta ilarak sortu dira hegoaldeko hainbat autobidetan.
Israel eta Libanoren arteko 10 eguneko su-etena iragarri du Trumpek
Menia bi nazioen arteko "segurtasun eta bake akordio iraunkorra" lortzeko negoziazioak ahalbidetzera bideratuta dago. Tregoa luzatu ahal izango da negoziazioek aurrera egiten badute.
"Antisemitismo modu berriei" aurre egiteko lege-proposamenak polemika bizia eragin du Frantzian
Caroline Yadan diputatuaren ekimenak Asanblea Nazionala eta iritzi publikoa zatitu ditu. Kritikoek ohartarazi dute Israelen aurkako kritikak isilarazteko erabili daitekeela legea, besteak beste.
Repsolek Venezuelan egiten dituen operazioen kontrola berreskuratu du, eta gehiago ekoizteko baldintzak hitzartu ditu
Repsolen Venezuelako ekoizpena 45.000 upel gordin ingurukoa da gaur egun, batez ere Petroquiriquire petrolio-hobian. Konpainia prest dago petrolioaren ekoizpen gordina % 50 handitzeko 12 hilabeteko epean.
Libanoko presidenteak funtsezkotzat jo du Israelek atzera egitea su-etena ahalbidetzeko
Bi aldeen arteko liskar armatuek 2.000 hildako inguru eta milioi bat desplazatu baino gehiago utzi dituzte jada. Netanyahuren Gobernuak eraso armatuak justifikatzeko azaldu du talde islamistak koheteak jaurtitzen dituela.
Bruselak telelana derrigorrez ezartzea proposatu du, prezioen igoeraren eta Ormuzeko tentsioaren aurrean
Europako Batzordea neurri sorta bat prestatzen ari da prezioen igoerari aurre egiteko. Oraindik zirriborroa bada ere, datorren astean aurkeztuko dute, estatu kideek berehala aplika dezaten.
Azken hamarkadetako gatazka krudel eta bortitzenetako bat bizi dute Sudanen
Hiru urte bete dira Afrikako herrialde handienean gerra hasi zenetik, baina ezkutuan egon izan da. Ez dao¡go hildakoen kopuru zehatza jakiterik: 150.000 izan daitezke, baina kopurua askoz handiagoa izan liteke. Gosete latza dago han, eta milioika desplazatu eragin ditu. Urteurrenean, goi-bilera egin dute Berlinen laguntza humanitarioa bideratu eta irtenbide politikoa bilatzeko asmoz, baina borrokan ari diren bi aldeek ez dute parte hartu.