Anaia Musulmanek azken egunetako atentatuak gaitzetsi dituzte
Anaia Musulmanen kofradia azken egunetan Egipton izan diren atentatuetatik bereizi da eta horiek gaitzetsi ditu. Ohar batean, gaur Cairon sei hildako utzi dituen atentatua ere gaitzetsi du.
“Indarkeria ekintza guztiak eta hilketa guztiak” gaitzetsi ditu kofradiak, “nork egin eta jasaten dituen kontuan izan gabe”.
Gaineratu duenez, “kofradiak orain zazpi hilabete hasitako iraultza baketsuarekin jarraituko du”.
“Estatu golpe batek kendu zuen herria, eta ordutik, odol isuria etengabekoa da, errugabeei bizitza kentzen zaie eta nazioaren seme ohoragarriak atxilotzen dira”, esan dute. Gobernuari egotzi dizkiete ekintza horiek.
Kofradiaren aburuz, atentatuak “ke-bonba” bat dira, “erabaki gogor eta injustu bat hartu baino lehen gertatzen baitira beti”.
Diotenez, “azken hilabeteetan izandako milaka hildakoen eta zaurituen arduraduna Barne Ministerioa da”.
“2011ko urtarrilaren 25eko iraultza gogoratzeko desberdintasunak alde batera uztea eskatzen dugu, eta berriz ere iraultza bizitzea, hori bahitu nahi duten arren”, amaitu dute.
Bestalde, Legitimitatearen Defentsaren Aliantzak salatu dutenez, “Egiptoko agintariek eta haien komunikabideek iraultza desitxuratu nahi dut eta ekintza hauek Anaia Musulmanak gaizto moduan jartzeko erabiltzen dituzte”.
Hosni Mubarak presidentearen porrota ekarri zuen iraultzak hiru urte beteko ditu bihar eta Egiptoko agintariak larrialdi eta segurtasun plana jarri dute abian.
Salah Abdel Sadek Estatuko Informazio Zerbitzuko presidenteak Cairon gaur sei hildako eragin dituen atentatua gaitzetsi du.
Zure interesekoa izan daiteke
700 pertsona inguru hil dira Israelek Libanon egindako erasoetan
Israelgo Gobernuak Libano "hartzeko" mehatxua egin du ostegun honetan, Hezbollahren "mehatxuari" aurre egiteko asmoz. "Bakea eta Segurtasuna agindu genien iparraldeko komunitateei, eta horixe da, hain zuzen ere, egingo duguna", azpimarratu du Israelek.
Ormuzko itsasarteak itxita jarraitu behar duela azpimarratu du Irango buruzagi goren berriak
Ormuzko itsasartea blokeaturik jarraitu behar duela esan du Mojtaba Khameneik, "etsaiari presio egiteko", inguruko ontzien aurkako erasoen ostean. "Irango indar armatuek aberria menderatzeko, eta, litekeena, zatitzeko itxaropena kendu diete etsaiei", adierazi du Khameneik.
Irango gerrak egunean 10 milioi petrolio upel galtzea eragin du, eta upelaren prezioa 100 dolarren bueltan jarri du
Energiaren Nazioarteko Agentziaren (IEA) azken txostenaren arabera, Ormuzko itsasartean itsas-trafikoa etetearen ondorioz, egunean 10 milioi upel galdu da merkatuetan. Ormuzko itsasarteko fluxua % 10 baino gutxiagora murriztu da, krisia hasi aurreko egoerarekin alderatuz gero. Izan ere, 15 milioi upel petrolio gordin igarotzen ziren egunean, eta 5 milioi upel petroliotik eratorrita produktuekin. Munduko eskaintzaren % 20 inguru.
Iranek bere gain hartu du "AEBren ontzi" baten aurka Persiar golkoaren iparraldean egin den erasoa
Gainera, Iranek bi petrolio-ontziri eta karga-ontzi bati eraso egin die Persiar golkoan, Ormuzko itsasartetik gertu. Bien bitartean, Israelgo armadak Libano bonbardatzen jarraitzen du, eta azken orduetan iragarri beste erasoaldi bat abiatuko duela Teheranen dituen helburuen aurka.
AEBk 172 milioi upel aterako dituzte beren petrolio erreserba estrategikoetatik
Ormuzko itsasartetik igarotzen ari ziren itsasontzien aurkako azken erasoen ondotik, Brent upelaren prezioa 100 dolarretik gora igo da.
Kalte-ordainak eta "berme irmoak" eskatu ditu Iranek AEBrekin eta Israelekin duen gatazka amaitzeko
Masud Pezexkian presidenteak adierazi du Teheran eskualdean bakea ezartzeko "konprometitua" dagoela, eta "autodefentsarako" eskubideaz mintzatu da.
Trumpek berriz esan du Espainiak ez duela Defentsan "laguntzen", eta merkataritza-harremana etengo duela mehatxu egin du
Donald Trump AEBko presidenteak asteazken honetan esan duenez, Espainiako Gobernuak "ez du laguntzen" Defentsaren alorrean, eta bien arteko merkataritza-harremana etengo duela mehatxu egin du berriro.
Ormuzko itsasartean misio bat egiteko baldintzak ez direla betetzen onartu du Macronek
Hala ere, azpimarratu du "antolatu" egin behar direla, inguruan dauden merkantzia-ontziei eskolta emateko.
Brent upela egonkor dago, 88 dolarrean, petrolio-erreserbak merkaturatzeko zain
The Wall Street Journal egunkariak asteazken honetan argitaratu duenez, Nazioarteko Energia Agentziak (IAE) inoizko petrolio erreserben kopuru handiena merkaturatzea proposatu du, petrolioaren prezioak murrizteko, eta IAEko herrialdeek 2022an Errusiak Ukraina inbaditu zuenean jarri zituzten 182 milioi petrolio upelak baino gehiago lirateke.
AEBren arabera, Ormuzko itsasartean minak jartzen ari ziren Irango 16 itsasontzi suntsitu dituzte
AEBko Komando Zentralak bideo bat zabaldu du, Irango ontzien aurkako erasoak ikusgai. Adierazi dutenez, operazioaren helburua da nabigazioa berriz martxan jartzea.