700 pertsona inguru hil dira Israelek Libanon egindako erasoetan
Israelgo Gobernuak Libano "hartzeko" mehatxua egin du ostegun honetan, Hezbollahren "mehatxuari" aurre egiteko asmoz. "Bakea eta Segurtasuna agindu genien iparraldeko komunitateei, eta horixe da, hain zuzen ere, egingo duguna", azpimarratu du Israelek.
Israelgo Armadaren erasoak, Libanon. Argazkia: EFE
Ia 700 pertsona hil dira azken egunotan Israelgo Armadak Libanon egindako erasoetan, tokiko agintariek ostegun honetan jakitera eman dutenez. Hezbollah talde xiitak jaurtitako lehergaiei erantzuteko asmoz egin dituzte bonbardaketa horiek. AEBk eta Israelek otsailaren 28an Iranen aurka abiatutako erasoaldian Ali Khmenei aiatola hil ostean hasi ziren erasoak Libanon.
Dagoeneko 687 dira hildakoak, tartean 98 haur eta 52 emakume, Libanoko Informazio Ministerioak ohar batean azaldu duenez. "Israelek ekintza armatuak herrialdean zabaltzeko mehatxu egiten jarraitzen du", deitoratu du Paul Morcos Informazio ministroak.
Israelgo Gobernuak Libano "hartzeko" mehatxua egin du ostegun honetan, Hezbollah taldearen "mehatxuari" aurre egiteko, taldeak jaurtitako lehergaiei erantzuteko egindako bonbardaketa eta lurreko erasoaldien baitan.
Hala, Israel Katz Israelgo Defentsa ministroak Armadari aginduak eman dizkio "Libanon jarduerak hedatzeko eta iparraldeko guneetan Bakea eta Segurtasuna berrezartzeko presta dadin". "Bakea eta Segurtasuna agindu genien iparraldeko komunitateei, eta horixe da, hain zuzen ere, egingo duguna", azpimarratu du.
Gaur goizaldean, Hezbollah taldeak 200 bat lehergai jaurti ditu Israelgo iparraldearen kontra, Armadako estimazio baten arabera, Iranekin koordinatutako eraso batean. Iparraldeko herritarrak ezustean harrapatu ditu, baina ez du hildakorik eragin.
Israelgo Indar Armatuek Libano hegoaldeko biztanleentzako ebakuazio-agindua zabaldu dute ostegun honetan, Litani ibaiaren iparraldean dagoen eremua gehituta. Eskaera, zehazki, Zahrani ibaiaren hegoaldean, iparralderago, dauden eremuetako biztanleei zuzenduta dago.
Israelek iragarri du beste erasoaldi bat abiatuko duela Beiruten
Testuinguru horretan, Israelgo Armadak iragarri du beste erasoaldi bat abiatuko duela Beiruten (Libanoko hiriburua) aurka.
Eraso horiek goizaldean gutxienez 12 pertsona hil eta 28 zauritu ostean iragarri dira, duela hamar egun baino gehiago Israelek aireko erasoaldia hasi zuenetik Libanoko hiriburuan izandako erasorik okerrena da.
Zure interesekoa izan daiteke
Putinek su-etena proposatu du Ukrainan maiatzaren 9rako, eta Trumpek babesa eman dio
Putinek eta Ukrainako lider Volodimir Zelenskik antzeko bi tregoa labur adostu zituzten 2025ean. Nolanahi ere, Zelenskik gutxienez 30 eguneko su-etena eskatzen du, baina Moskuk uko egin dio horri.
Arabiar Emirerri Batuek LPEEtik erretiratuko direla iragarri dute, Ormuzeko itsasarteko krisia dela eta
1967tik LPEEko kide izan zen Arabiar Emirerri Batuetatik irteteak desordena eragin eta taldea ahuldu dezake, petrolio ekoizleen prezio justu eta egonkorrak bermatzeko desadostasunak egon arren fronte batu bat erakutsi nahi izan baitu.
Zer da inor "biziraule izendatzea"? Etxe Zuriaren aurkako atentatu baten ondoren aktibatu ahal den protokoloa
AEBko presidentearen segurtasunari buruzko eztabaida puri-purian dagoela, zabaldu da ez zutela biziraule izendatzeko sistema ezartzea aurreikusi. Protokolo horren arabera, kabineteko kide bat isolatzen dute, atentaturen bat gertatuz gero presidente kargua har dezan.
Trumpek Jimmy Kimmel kaleratzea eskatu du, Etxe Zuriari buruz egindako parodiagatik
Ostegunean, Jimmy Kimmel Live programan, Kimmelek Etxe Zuriko korrespontsalen afaria animatzeko aukeratutako komediantea izan balitz esango lukeenaz parodia egin zuen. Parodiaren une batean, Kimmelek esan zuen: "Begira Melaniari, hain ederra. Trump anderea, alargundu zain dagoenaren distira duzu". Etxe Zuriko maizterrek gaitzetsi egin zituzten hitzak; Melaniak "gorroto eta indarkeriaren" erretorikatzat jo ditu.
AEBn indarkeria politikoa "beti" egon izan dela adierazi du Trumpek
AEBko presidenteak ez du uste indarkeria politiko gehiago dagoela, baina ohartarazi du demokraten gorroto diskurtsoa "arriskutsua" dela.
Siziliatik 50 ontzitik gora itsasoratuta, Gazara bidean da Global Sumud Flotillaren misiorik handiena
Global Sumud Flotillak orain arte koordinatutako itsas mobilizazio zibil handiena dago martxan, eta eurekin doaz Open Arms erreskate-ontzia eta Greenpeacen Arctic Sunrise ontzia ere. "Horiek gure ondoan egoteak misioaren gaitasun operatiboa indartzen du eta erakusten du Israelen legez kanpoko blokeoari aurre egiteko eta sarbide humanitario segurua bermatzeko ahaleginen inguruko adostasun globala gero eta handiagoa dela", azpimarratu du Global Sumud Flotillak.
AEBrekin negoziatzen jarraitzeko "baldintza espezifikoak" ezarri dituztela adierazi du Iranek
Irango hedabideen arabera, Ormuzko itsasartea zabaltzeko eta programa nuklearrari buruzko negoziazioak atzeratzeko proposatu du Iranek. Ameriketako Estatu Batuetako Armada Irango portuak blokeatzen hasi zenetik 38 itsasontziri Ormuzko itsasartetik igarotzea galarazi die.
Washingtongo erasoaren ustezko egileak Trumpen Gobernuaren kontrako idatzi bat utzi zuen
1.052 hitz dituen manifestu horretan, AEBko presidentearen Administrazioko goi kargudunak lehenesten ditu helburuen artean, FBIko zuzendari Kash Patel salbu.
Trumpek esan du kristautasunaren kontrako arrazoiek bultzatuta jardun zuela tiroketaren ustezko egileak
Trumpek susmagarria "antikristaua" dela nabarmendu duen arren, AEBko fiskal nagusia zuhurrago agertu da; adierazi du gailu elektronikoen analisiak Administrazioaren aurkako erasoa izan dela egiaztatu duela, baina esan du ikerketak 24 ordu baino ez dituela bete eta arrazoi ofizialak analisipean jarraitzen dutela.
Txernobylgo tragediaren 40. urteurrena oroitu dute Ukrainan
Kieven, Txernobylgo heroien monumentuaren aurrean oroimen ekitaldia egin zuten bart, historiako hondamendi nuklearrik larriena gertatu zenetik 40 urte bete direnean. Leherketa gertatu eta gero, istripua izan zuen erreaktorera joan ziren larrialdi-zerbitzuetako taldeak omentzeko eraiki zen monumentua.