Trumpek aurreratu du AEBk eta Iranek igandean sinatuko dutela gerrari amaiera emango dion akordioa
Irango Gobernuak, aldiz, baztertu egin du AEBrekin datozen 24 orduetan akordioa sinatuko duenik, Pakistango lehen ministroak eta Trumpek berak gaur bertan esandakoa ukatuz. "Datozen egunetan" itxiko dute ituna, zehaztu duenaren arabera.
AEBko presidente Donald Trumpek iragarri du igandean hitzartuko dutela AEBk eta Iranek gerrari amaiera emangio dion bake akordioa, eta horrenbestez, berehala irekiko dutela Ormuzko Itsasartea.
"Akordioa bihar bertan sinatuko dugu, eta behin sinatuta Ormuz GUZTIONTZAKO ZABALIK egongo da", idatzi du Truth Social sare sozialean.
Trumpen mezua Pakistanek gaur goizean iragarritakoaren haritik dator. Izan ere, bitartekari lanetan ari den aipatu herrialdeak jakitera eman du 24 orduren buruan sinatuko dutela ituna telematikoki.
Nolanahi ere, mezu hori zabaldu eta gutxira, Irango Atzerri Ministerioak baztertu egin du akordioa bihar sinatuko denik, eta "datozen egunetan" itxiko dutela zehaztu du.
Bere mezuan, Trumpek ziurtatu du lortu dutela Islamiar Errepublikak bere anbizio nuklearrei uko egitea: "Dagoeneko ez dute nahi arma nuklear bat, eta ez dute izango; ez erosita, ezta beste edozein modutan ere", baieztatu du.
AEBko gobernuburuaren esanetan, akordioak ez du Iranekin "diru trukerik" jasotzen, eta AEBri utziko omen dio Iranen uranioa suntsitzen.
Iranek baztertu egin du bihar ituna egongo denik
Irango Gobernuak baztertu egin du AEBrekin datozen 24 orduetan akordioa sinatuko duenik, Pakistango lehen ministroak gaur bertan esandakoa ukatuz. "Datozen egunetan" itxiko dute ituna, zehaztu duenaren arabera.
"Bihar ez dugu ezer sinatuko, itxaron egin beharko dugu data zehatza jakiteko", esan du Atzerri Gaietako iraniar bozeramaile Esmaeil Baqaeik, Irango IRIB telebista publikoak jaso duenez.
Gerraren amaiera
Baqeik azaldu du litekeena dela datozen egunetan akordioa ixtea, nahiz eta azpimarratu duen "zuhur" jokatu behar dutela horri buruz hitz egitean.
Iraniar eledunak berretsi du testuan gerraren amaieraz hitz egiten dela, baina oraingoz ez diotela gai nuklearrari heldu.
Pakistanek esan du 24 orduan iritsiko dela akordioa
Shehbaz Sharif Pakistango lehen ministroak gaur goizean iragarri duenez, AEBk eta Iranek "inoiz baino gertuago" dute bake akordioa.
"Inoiz baino hurbilago gaude bake akordio bat lortzetik. Datozen 24 orduetan bake ituna elektronikoki sinatzeko prestatzen ari da Pakistan, eta hurrengo astean elkarrizketa teknikoak hasiko dituzte ", adierazi du Sharifek X.
"Behin betiko testu adostua" lortu zen
Era berean, Pakistango agintariak eskerrak eman dizkie AEBri eta Irani "negoziazio prozesuan erakutsitako jarregatik", eta aliatuei babesa agertu die, akordio hori bake iraunkorra izango dela iritzita.
Sharifek berak goizaldean baieztatu du Washingtonek eta Teheranek "behin betiko testu adostua" lortu dutela.
"Iran da gerraren irabazlea"
Pakistanek baieztatutako bide telematikoa bat dator Abas Araqchi Irango Atzerri ministroak larunbat honetan bertan aurreratutakoarekin. Bere iritziz, akordioak bi zati ditu; lehenengoa, atzerrian blokeatutako aktibo irandarrak askatzean, Ormuzeko itsasartearen blokeoari amaiera ematean eta fronte guztietan, Libanon barne, liskarrak amaitzean oinarritzen da.
Zentzu horretan, Irango telebistan Araqchik esan du "Iran gerraren irabazlea" dela. Bitartean, AEBko presidente Donald Trumpen Administrazioak ere akordioa gertu zegoela aurreratu du, eta "helburu nagusiak" betetzea, Ormuz berriro irekitzea eta Irango programa atomikoa desegiteko oinarriak ezartzea jarri ditu lehentasun.
Zure interesekoa izan daiteke
AEBk eta Saudi Arabiak Iranen aldeko miliziei eraso egin diete Iraken, drone bidezko eraso baten ondoren
Bonbardaketek Herri Mobilizazioaren Indarretako 20 kide hil eta 32 zauritu dituzte gutxienez, eta Irakek larrialdiko bilera deitu du tentsioak gora egin duelako.
Fujimorismoa itzuli da: Keiko Fujimorik presidente karguaren zina egin du
Alberto Fujimori presidente ohiaren (1990-2000) alabak laugarren saiakeran lortu du presidente izatea. Aurreko hauteskundeetan bigarren itzulian galdu zuen. Azken hamarkadan herrialdeak bizi izan duen ezegonkortasun politikoari aurre egin beharko dio, eta gobernatzeko akordioak lortu beharko ditu, ez baitu eta gehiengo osorik. Gainera, Keiko Fujimorik Trumpengana gerturatzeko asmoa duela iragarri du, eta horrek aldaketa ekar dezake politikan, Peruko ekonomiaren bazkide nagusia Txina baita.
Girondako sutea berraktibatu da fokuetako batean, eta beste 4.000 turista ebakuatu dituzte
Sutea gaur gauetik dago egonkortuta, baina agintariak fenomeno meteorologiko kaltegarrietarako prestatzen ari dira. Puntu horietako bat berriro aktibatu da haizearen norabidea aldatu da eta.
Gutxienez 18 hildako eta dozenaka zauritu utzi ditu Japon hego-mendebaldea astindu duen 7,1 indarreko lurrikarak
Kumamotoko merkataritza-gune batean leherketa izan da, eta baliteke hildako gehiago egotea. Tsunami alerta bertan behera utzi dute.
15 urteko mutil bat atxilotu dute Seattleko tiroketarekin lotura duelakoan
Gutxienez hiru pertsona hil eta lau zauritu ziren gastronomia-jaialdi ezagun batean izandako tiroketan. Poliziak bigarren susmagarri baten bila jarraitzen du.
Macronek iragarri du Landetako sutea "kontrolpean" dagoela, baina Girondakoak "oso gogor" jarraitzen duela
Girondako departamenduan piztutako sutearen harira, Eliseoko buruak esan du "borrokan" jarraitzen dutela. "Egonkortu egin da, gutxigorabehera, baina oso gogorra izaten jarraitzen du, eta oso zuhurrak izan behar gara datozen orduetan eta egunetan", ohartarazi du.
Iranen aurkako bonbardaketak gelditzeko agindu du Trumpek, akordio bat negoziatzeko
Hala ere, ohartarazi du erasoei berriro ekingo diela elkarrizketek porrot egiten badute.
Gutxienez hiru pertsona hil eta lau zauritu dira tiroketa batean Seattle hirian
Tiroketa gastronomia jaialdi batean gertatu da. Alkatearen arabera, pertsona bat atxilotu dute gertaerarekin lotura duelakoan.
Kolonoek izua zabaltzen jarraitzen dute, Israelgo Gobernuak Zisjordaniaren aurkako setioa larriagotzen duen bitartean
Israel Katz Israelgo Defentsa ministroak iragarri du "terrorismoaren aurkako" operazioak datozen asteetan ere luzatuko direla. Palestinako Aginte Nazionalak "premiazko nazioarteko interbentzioa" eskatu du.
Girondako suteak 240 etxebizitza suntsitu ditu eta 75 suhiltzaile zauritu dira
42.000 hektarea kiskali ditu jada, eta 220.000 pertsona ebakuatu behar izan dituzte. Agintariek, hala ere, baztertu egin dute Bordele husteko aukera, oraingoz. Macron presidenteak ministerio arteko bilera deitu du astelehen goizerako, krisia aztertzeko.