Osakidetzako gehiengo sindikalak greba egingo du udazkenean, "kolektibo guztien" lan baldintzak hobetu ditzaten eskatzeko
SMEk Osasun Sailarekin hitzartutako akordioa "partziala" dela salatuta, LAB, SATSE, ELA, CCOO eta UGT sindikatuek mobilizazioak egingo dituzte irailetik aurrera, "aparteko orduetan oinarritutako eredua ez delako jasangarria".
Osakidetzako gehiengo sindikalaren irudia. Argazkia: LAB Sindikatua
Osakidetzako gehiengo sindikalak (LAB, SATSE, ELA, CCOO eta UGT) greba-dinamikari ekingo dio udazkenean, "kolektibo guztientzako" lan-hobekuntzak eskatzeko.
Hedabideen aurrean egindako prentsaurrekoan, Osakidetzako sindikatu nagusiek asteazken honetan salatu dutenez, Euskadiko Sendagileen Sindikatuak Osasun Sailarekin sinatutako akordioak egiturazko arazoak baztertzen ditu. Hori dela eta, "negoziazio globala" egitearen alde egin dute, "kalitatezko eta gainkargarik gabeko osasun publikoa bermatzeko".
Sindikatuek argudiatu dutenez, Osasun Sailaren eta medikuen sindikatuaren (SME) artean lortutako itunak ez die erantzuten ez medikuen ez osasun-sistema publikoaren benetako beharrei. Ohartarazi dutenez, akordio hori ohiko bideetatik kanpo sortu da, eta horrek "Mahai Sektorialaren zeregina ezerezean utzi du", gainerako sindikatuak ere organo horretan ordezkatuta baitaude.
Aldarrikapenak: prekaritatearekin amaitzea eta eredu berria
Sindikatuen arabera, Osasun Sailaren estrategiak heldu gabe uzten ditu ezinbesteko arazoak, hala nola profesionalen gabezia, belaunaldi-erreleboa bermatzeko zailtasunak eta zama asistentzial handia. Salatu dutenez, "azken 25 urteetan egungo antolaketa-krisia betikotu duen autokontzertazio-sisteman oinarritutako eredua" finkatzen ari da.
"Aparteko orduetan oinarritutako eredua ez da jasangarria", ohartarazi dute. Ildo horretan, iragarritako mobilizazioen helburua politiken norabidea "behin betiko aldatzea" da, hiru ardatz nagusiren bidez: Akordio Arautzailea eguneratzea, plantillaren azterketa egitea eta negoziazio kolektiboa defendatzea.
Kohesiorako deia
"NEGOZIAZIOA DEFENDATU. ORAIN DA GARAIA! Baldintza duinak! Kalitatezko osasun publiko baten alde" lelopean egingo dituzte protestak, eta mobilizazioen egutegiaren berri irailean emango dute.
Amaitzeko, gehiengo sindikalak herritarrei dei egin die protestekin bat egin ditzaten, eta argi utzi du grebak ez daudela kolektibo profesional jakin baten aurka bideratuta, Osasun Sailak "kategoriak elkarren aurka jartzeko" darabilen estrategiaren aurka baizik.
Zure interesekoa izan daiteke
Zerga turistikoaren ordenantza onartuta, urtean 8 milioi euro biltzea espero du Donostiako Udalak
Jon Insausti alkateak esan duenez, helburu nagusia da hiria bisitatzen dutenek "zerbitzu publikoak, azpiegiturak, hiri-espazioak, segurtasuna eta beste jarduerak finantzatzen laguntzea, bisitarien eta donostiarren bizi-kalitatearen arteko oreka mantentzeko".
Martinezek ziurtatu du medikuen sindikatuarekin lortutako akordioa ez dela baztertzailea
Eusko Jaurlaritzako Osasun sailburuaren hitzetan, Osakidetzako gainerako kolektibo profesional guztiekin hitz egiten jarraituko du. Iraileko mahai sektorialeko bilerara joateko deia egin die sindikatuen ordezkariei.
Langabeziak behera egin du Euskadin eta Nafarroan bigarren hiruhilekoan, eta bi erkidegoetan Estatuko batezbestekoaren azpiko tasak daude
Euskal Autonomia Erkidegoan 12.400 langabe gutxiago daude, eta tasa % 7,11koa da; Nafarroan, berriz, 3.300 langabe gutxiago daude, % 8,07ko indizearekin.
39 urteko gizon bat larri zauritu da Iruñean lan-istripuz
Presiozko mahuka batek buruan jo du baratzean ari zela.
Alokairuen prezioa % 3 eta % 4 artean jaitsi zen Donostian, Irunen eta Errenterian 2025eko azken hiruhilekoan
2025ean 86.522 alokairu-kontratu sinatu ziren Euskadin, serie historikoko bolumenik handiena. Alokairuen prezioei gehien eusten dion lurraldea Araba da.
Papresak aro berria hasi du, CL Group Industrial taldeak paper fabrika erosi baitu
Gaurtik CL Group Industrial taldeak bere gain hartu du Errenteriako paper fabrikaren ekoizpena.
CCOOk euskara ikasteko denbora eta baliabideak eskatu ditu eta euskarafobia dagoela ukatu du
Euskadi Irratian egin dioten elkarrizketan, Iñigo Garduño CCOOren komunikazio idazkariak langileak auzitegietan defenditzeko egindako bidea azpimarratu du. Halaber, adierazi du ez direla aritu euskararen kontra, euskara ikasteko baliabideak eskatzen baizik.
EAEko arrantzaleek antxoa-kuota ia osoa agortu dute eta hegaluzearen kosteraren buru dira
Esleitutako antxoa-kuotaren % 98,4 harrapatu dute dagoeneko. Euskal ontziek harrapatu dituzte Estatuan arrantzatutako hegaluzearen hamar kilotik sei.
Azkoyen enpresa erosteko 244,5 milioi euroko eskaintza egin du Ohmnia taldeak
Eskaintzaren sustatzaileen ustez, operazioa ezagutza partekatzeko eta industria-irtenbide aurreratuagoak eta balio erantsi handiagokoak garatzen laguntzeko aukera bat da.