Suitzak baztertu egin du biztanleria 10 milioira mugatzea
Boto emaileen % 55ek egin dute Suitzako Alderdi Popularrak sustatutako ekimenaren kontra. Proiektuak immigrazioari muga jarri eta asilo arauak gogortzea zuen helburu.
Hautesleku bat, Bernatik gertu. Argazkia: EFE
Suitzak ez du biztanleria 10 milioira mugatuko. Maiz egiten duten bezala, erreferenduma izan dute gaur herrialde helveziarrean. Oraingoan, hazkunde demografikoa geldiarazteko neurriak onartu ala ez erabaki behar zuten suitzarrek. Zehazki, 2050. urterako biztanleria 10 milioira mugatu ala ez —9 milioi pasatxo dira egun—.
SVP Suitzako Alderdi Popularrak proposatu eta sustatu du "10 milioiko Suitzari ez" ekimena, azken urteotan atzerritarren kopurua kontrolik gabe igo dela argudiatuta.
SRF Suitzako irrati-telebista publikoak baieztatu ditu emaitzak. Boto emaileen % 55ek egin dute ekimenaren kontra.
Suitzako biztanleria azkar hazi da azken urteotan. 2002an, 7,3 milioi biztanle ziren, eta 2026an, berriz, 9,1 milioi. Hau da, 24 urtean ia % 25 egin du gora.
Biztanleriaren ia heren bat, atzerrian jaioa
Hazkunde demografikoaren % 80 immigrazioari dagokio, suitzarrek batez beste 1,3 seme-alaba baitituzte. Gaur egun, biztanleriaren % 27 (2 milioitik gora) atzerrian jaiotakoa da, eta portzentajea handiagoa da mugako kantoietan.
2050ean biztanleria 10 milioira mugatzea nahi zuen Alderdi Popularrak, eta horretarako immigrazioa (EBtik heldutakoa tartean) mugatzea eta asilo arauak gogortzea proposatzen zuen. SVPk honako argudioak erabili ditu kanpainan: etxebizitza merkeak topatzeko zailtasunak daudela, garraio publikoa gainezka joaten dela eta hiri nagusietan auto ilarak izaten direla.
Europako Alderdi Popularrak, SVPren aliatuak, porrota onartu du, eta emaitza "errespetatu behar dela" nabarmendu. Suitzako Alderdi Popularrak erreferendumean izandako parte hartze handia azpimarratu du. Horren ustez, datu horrek argi erakusten du gizartean kezka badagoela gaiarekin, eta komeni da auzia agendan mantentzea.
Hirietan eta landa eremuetan oso bestelako emaitzak izan dira. Ipar-ekialdean, adibidez, atzerrian jaiotako herritar gutxi daude, eta boto emaileen % 66k babestu dute ekimena.
Lasaitua hartu dute ekimenaren kontrakoek
SVP alderdiak ez beste taldeek eta patronalak pozez hartu dituzte emaitzak. Beldur ziren baiezkoak irabaztekotan Suitzaren eta Europar Batasunaren (EB) arteko harremanari kalte egingo ziola. Suitza ez da estatu kidea, baina Pertsonen Zirkulazio Askeko Akordioa du; itun horri esker, EBko herritarrek Suitzan sartu, bizi eta lan egiteko eskubidea dute, suitzarren eskubide bertsuekin.
Ekimena aurrera atera izan balitz, sektore batzuek (osasuna eta eraikuntza, esaterako) atzerriko langileekiko duten mendekotasunari eragingo lioke, baita beste herrialde batzuetako langile kualifikatuen beharrizan handiari ere.
Zure interesekoa izan daiteke
AEBk eta Saudi Arabiak Iranen aldeko miliziei eraso egin diete Iraken, drone bidezko eraso baten ondoren
Bonbardaketek Herri Mobilizazioaren Indarretako 20 kide hil eta 32 zauritu dituzte gutxienez, eta Irakek larrialdiko bilera deitu du tentsioak gora egin duelako.
Fujimorismoa itzuli da: Keiko Fujimorik presidente karguaren zina egin du
Alberto Fujimori presidente ohiaren (1990-2000) alabak laugarren saiakeran lortu du presidente izatea. Aurreko hauteskundeetan bigarren itzulian galdu zuen. Azken hamarkadan herrialdeak bizi izan duen ezegonkortasun politikoari aurre egin beharko dio, eta gobernatzeko akordioak lortu beharko ditu, ez baitu eta gehiengo osorik. Gainera, Keiko Fujimorik Trumpengana gerturatzeko asmoa duela iragarri du, eta horrek aldaketa ekar dezake politikan, Peruko ekonomiaren bazkide nagusia Txina baita.
Girondako sutea berraktibatu da fokuetako batean, eta beste 4.000 turista ebakuatu dituzte
Sutea gaur gauetik dago egonkortuta, baina agintariak fenomeno meteorologiko kaltegarrietarako prestatzen ari dira. Puntu horietako bat berriro aktibatu da haizearen norabidea aldatu da eta.
Gutxienez 18 hildako eta dozenaka zauritu utzi ditu Japon hego-mendebaldea astindu duen 7,1 indarreko lurrikarak
Kumamotoko merkataritza-gune batean leherketa izan da, eta baliteke hildako gehiago egotea. Tsunami alerta bertan behera utzi dute.
15 urteko mutil bat atxilotu dute Seattleko tiroketarekin lotura duelakoan
Gutxienez hiru pertsona hil eta lau zauritu ziren gastronomia-jaialdi ezagun batean izandako tiroketan. Poliziak bigarren susmagarri baten bila jarraitzen du.
Macronek iragarri du Landetako sutea "kontrolpean" dagoela, baina Girondakoak "oso gogor" jarraitzen duela
Girondako departamenduan piztutako sutearen harira, Eliseoko buruak esan du "borrokan" jarraitzen dutela. "Egonkortu egin da, gutxigorabehera, baina oso gogorra izaten jarraitzen du, eta oso zuhurrak izan behar gara datozen orduetan eta egunetan", ohartarazi du.
Iranen aurkako bonbardaketak gelditzeko agindu du Trumpek, akordio bat negoziatzeko
Hala ere, ohartarazi du erasoei berriro ekingo diela elkarrizketek porrot egiten badute.
Gutxienez hiru pertsona hil eta lau zauritu dira tiroketa batean Seattle hirian
Tiroketa gastronomia jaialdi batean gertatu da. Alkatearen arabera, pertsona bat atxilotu dute gertaerarekin lotura duelakoan.
Kolonoek izua zabaltzen jarraitzen dute, Israelgo Gobernuak Zisjordaniaren aurkako setioa larriagotzen duen bitartean
Israel Katz Israelgo Defentsa ministroak iragarri du "terrorismoaren aurkako" operazioak datozen asteetan ere luzatuko direla. Palestinako Aginte Nazionalak "premiazko nazioarteko interbentzioa" eskatu du.
Girondako suteak 240 etxebizitza suntsitu ditu eta 75 suhiltzaile zauritu dira
42.000 hektarea kiskali ditu jada, eta 220.000 pertsona ebakuatu behar izan dituzte. Agintariek, hala ere, baztertu egin dute Bordele husteko aukera, oraingoz. Macron presidenteak ministerio arteko bilera deitu du astelehen goizerako, krisia aztertzeko.