49 hildako Egipton, Poliziaren eta manifestarien arteko istiluetan
Gutxienez 49 lagun hil dira larunbat honetan Egipton, Poliziaren eta Mohamed Mursi presidentearen aldeko manifestarien artean izandako istiluetan, Egiptoko Osasun Ministerioak baieztatu duenez. Halaber, 300 pertsona ere atxilotu ditu Poliziak.
Ahmed Kamel Egiptoko Osasun Ministerioko bozeramaileak baieztatu duenez, istiluetan beste 247 pertsona zauritu dira.
Lehenago, Egiptoko Poliziak hainbat tiro egin ditu zerura Kairo erdialdean bilduta zeuden milaka manifestari sakabanatzeko. Gaur, Hosni Mubarak presidentea boteretik kendu zuen iraultzaren hirugarren urteurrena gogoratu dute.
Zenbait lekukoren arabera, Poliziak negarra eragiteko gasa eta perdigoiak erabili ditu Kairoko Tahrir plazara zihoazen manifestariak sakabanatzeko. Manifestariek jarduneko Gobernuaren kontra protesta egin dute.
Ordu batzuk lehenago pertsona bat zauritu da Kairon, Polizia akademia baten inguruan eztanda egin duen bonba baten ondorioz. Azken egunetan indarkeria oldea bizi dute herrialdean, eta atzo, hain justu, sei pertsona hil ziren.
1.079 atxilotu, larunbateko manifestazioetan, herrialde osoan; adingabe bat hil da
Egiptoko segurtasun-indarrek 1.079 lagun atxilotu ditu larunbatean, armak, molotov koktelak, su-eragileak eta gailu piroteknikoak eta lehergailuak izateagatik; ustez, Hosni Mubarak kendu zuten errebolten hirugarren urteurrenaren manifestazioetan erabiltzeko zen material guzti hori. Barne Ministerioak, "Al Ahram" egunkariari esan diotenez, hainbat komisariari eta kaleetan dauden tropei eta poliziei erasotzeko ahalegin batzuk saihestu ditu.
Ekintza horietan, iturri horien arabera, segurtasun-indarrek Anai Musulmanen kide bat atxilotu dute, Abdel Nabi Tamam Mohamed Jalifa, eta bere arreba ere, Helwan hiriko komisaria bati erasotzeko erabiliko zuten arsenal bana izateagatik.
Larunbatetik iganderako gauean, bitartean, adingabe bat hil da, Mohamed Mursiren aldekoen eta Egiptoko segurtasun-indarren arteko liskarretan. Mansurako Unibertsitatetik gertu jazo da gertakaria hori. Larunbatean zehar, 29 lagun hil ziren istilu horietan.
Helikoptero militar batek lurra jo du
Helikoptero militar batek lurra jo du Sinai penintsularen iparraldean, Xinhua Txinako albiste agentziak jakinarazi duenez.
"Tripulazioko kideak bilatzeko lanak hasi dituzte", adierazi du Ahmed Mohamed Ali militarren bozeramaileak. Ezbeharra zerk eragin duen ikertzen ari dira orain.
Al Ahram estatuko egunkariak azaldu duenez, arrazoi teknikoak tarteko izan du ezbeharra helikopteroak. Hori dela eta, pilotuak paraxutean jauzi egin duela gaineratu dute.
Tentsioak gora egin du Egipton, uztailean Armadak Mohamed Mursi presidentea Gobernutik kendu eta militarrak boterera heldu zirenetik. Geroztik, Armadaren aldekoen eta Mursiren aldekoen arteko istiluak etengabeakoak dira eta ehunka lagun hil dira.
Hosni Mubarak presidentearen porrota ekarri zuen iraultzak hiru urte beteko ditu gaur eta Egiptoko agintariak larrialdi eta segurtasun plana jarri dute abian.
Albiste gehiago mundua
Europak Ukrainaren gaineko koordinazioa areagotu du Kieven aurkako erasoaren ostean
Zelenskik eta Von der Leyenek bide diplomatiko bikoitza bideratuko dute, Europar Batasuna laguntza militar eta mugetarako neurri berriak prestatzen ari den bitartean.
Errusiak 18 pertsona hil ditu, tartean hiru adingabe, droneekin eta misilekin Kieven egindako erasoetan
50 pertsona zauritu dira, eta erasoek etxebizitza-eraikinak, merkataritza-gune bat, haurtzaindegi bat, erredakzio bat eta EBk Ukrainan duen ordezkaritzaren eraikina kaltetu dituzte.
Gazako Zerrendako Gobernuak ohartarazi du hegoaldea "gainpopulatuta" dagoela
"Gazako hiria okupatzeak krisi humanitario bat sortzea du helburu, ia 700 eguneko genozidioak iraun duen tragediari gehituta", azpimarratu du Gazako Gobernuak.
Kazetarien protesta Londresen, Israelek Gazan kazetarien aurka egindako erasoak gaitzesteko
Azken orduetan Israelen bonbardaketen ondorioz bost kazetari hil direla salatu dute, eta guztira orain arte 200 baino gehiago hil direla gogorarazi dute. Gainera, gutuna igorri diote Starmer lehen ministroari, kazetarien segurtasuna bermatzeko behar diren neurriak hartzeko eskatuz.
Alemania derrigorrezko soldadutza berreskuratzear da
Alemaniako Gobernuak borondatezko erreklutamendu sistema berria aurkeztu du. Hala ere, ez dute baztertu derrigorrezko soldaduska ezartzea —2011n kendu zuten—, sistema berriaren bidez ez badute soldadu nahikorik lortzen.
Harrika hartu dute Milei Buenos Airesen, hauteskunde-ekitaldi batean
Eraso egin zioten Javier Milei Argentinako presidenteari, hauteskunde karabanan zebilela, Lomas de Zamora herrian; oposizio peronistaren "gotorlekuan", alegia. Manifestariek harriak eta beste objektu batzuk jaurti zizkioten presidenteari.
Global Sumud Flotilla, Palestinaren alde ontziak mundu osoan mugiaraziko dituen ekimena
Ekimenak dozenaka itsasontzi, 44 herrialde eta milaka boluntario biltzen ditu Israelek Gazan egiten ari den blokeoa salatzeko eta "giza eskubideak defendatzen dituzten" portuak aldarrikatzeko.
Beste gorpu bat aurkitu dute Sena ibaian, duela bi aste beste lau aurkitu zituzten lekutik gertu
Fiskaltzak ikerketa abiatu du biktima horrek beste laurekin zerikusia duen argitzeko. Dagoeneko susmagarri bat atxilotu dute.
Gutxienez bi haur hil dira Minneapolisen, eskola katoliko batean izandako tiroketan
Minneapolisko poliziaburuak emandako datuen arabera, armatutako gizon bat eraikinaren kanpoaldetik tiroka hasi da, leihotik, elizako bankuetan eserita zeuden haurren aurka. Zortzi eta hamar urteko bi haur hil dira, eta 17 pertsona zauritu dira, horietatik 14 umeak ziren eta bi oso larri daude. Erasotzaileak bere buruaz beste egin du, eta Robin Westman izenez identifikatu dute.
Kayed Hammad, kazetari gazatarra: "Kazetariak Israelgo Armadaren jomuga nagusietakoak dira, milizianoak baino gehiago"
Kayed Hammadek, orain ia 2 hilabete Gazako infernutik Espainiara heltzea lortu zuen kazetariak, hitz egin digu, etsipenak jota. Haren ustez, nabarmen argia da Gazako kazetariak Israelgo armadaren jomuga direla, eta Nasser Ospitalearen aurkako eraso bikoitza ez zela akatsa izan. Berak ez omen zuen kazetari txalekorik erabiltzen, seguruago sentitzen zelako jantzi gabe ibiltzen.