Suitzak ateak itxi ditu

Atzerriko langileen sarrera mugatuz Suitzarrek hartutako erabakiak  ondorioak izango ditu herrialde honek Europar Batasunarekin dituen harremanetan.

Kasu honetan atzerritarra izateak ez du esan nahi soilik afrikarrei edo Asiako herritarrei muga jarriko zaiela, alemaniarrei edo frantziarrei ere eragingo die Suitzan atzoko erreferendumaren ostean langile atzerritarrei ezarriko zaizkien mugak.

Suitza ez da Europar Batasuneko kide, beraz ez dago Europar Batasuneko araudien menpe, baina akordio garrantzitusak ditu  izenpetuak Europar Batasunarekin.

Besteak beste, Suitza Europako eremu ekonomikoko kide da eta horri esker Suitzako produktuak aduana ordaindu gabe sartzen dira  Batasunean, eta hor dago Schengengo hitzarmena ere, horri esker  suitzarrak inungo arazorik gabe askatasun osoz ibili daitezkeelarik Batasuneko herrialdeetan barrena.

Europako  langileei  ateak ixteko erabakia beraz zilegia da eta  Suitza herrialde burujabea da erabaki hori hartzeko, baina ezin dena egin da suitzarrek merkatu bakarraren abantaila guztiak izan eta arazoak  sortzen dituzten haiei iskin egitea.

Suitza arazo bat da Europarentzat arrazoi askorengatik, besteak beste bankuen gaineko informazioa ezkutuan gordetzeagatik, horrek  paradisu fiskal bihurtzen duelarik.

Norbaitek esan beharko die suitzarrei ezin dietela kanpokoei ate guztiak itxi eta gainerakoei eurenak zabalik izan ditzaten eskatu.