Yanukovichen Gobernuko zenbait kargudun herrialdetik atera dira
Viktor Yanukovichen Gobernuko zenbait kargudun herrialdetik ateratzen saiatu dira azken orduotan, Radak Ukrainako presidentea kargutik kentzea onartu eta gero, Segodnya bertoko egunkariak zabaldu duenez.
Mykola Azarov lehen ministro ohia herrialdetik ateratzea lortu duenetako bat da eta, Segodnya egunkariaren arabera, Errusiara joan da, arrazoia zehaztu gabe.
Ukrainako Mugetako Estatu Zerbitzuak ez die Viktor Pshonka fiskalburu nagusiari ez Alexander Klimenko Sarrera eta Behar ministro ohiari herrialdetik alde egitea, Ukrainako segurtasun indarrek jarritako kontrol batean atzeman eta gero.
Azkenik, Mijail Dobkin Jarkiveko gobernadoreak eta Gennafy Kernes bertoko alkateak alde egitea lortu dutela uste dute, Yanukovichekin Eskualdetako Alderdiaren Batzarrean izan ondoren.
Hiru hilabete luzeren ondoren, Ukrainako oposizioak Viktor Yanukovich presidentea Gobernutik kentzea lortu eta kartzelatutako Yulia Timoschenko lehen ministro ohia askatu zuen atzo, larunbata.
"Diktadurarenak egin du", esan zuen Timoschenkok kalera atera bezain laster. 2010etik espetxean sartu zuten, zazpi urteko kartzela zigorra ezarrita, larderiagatik.
Bestalde, Ukrainako mugetako guardiek esan zuten Viktor Yanukovich boteretik kendutako presidentea hegazkinez irteten saiatu zela eta galarazi egin zutela, mugetako kontrolak saihesten saiatu behar da, ziurtatu zutenez.
"Ez duzue etsitzeko eskubiderik"
Yulia Timoschenkok Kieveko Independentzia Plazara heldu ondoren, "protestak bertan behera uzteko eskubiderik ez" dutela esan zien manifestariei, herrialdean "benetako aldaketa bat lortu arte".
"Ez duzue plazatik joateko eskubiderik aldaketa sakon bat gauzatu arte", esan zuen Timoschenkok gurpildun auki batetik.
Etorkizunaren inguruan, Timoschenkok lanean jarraitzeko borondatea duela ziurtatu du. "Lanera bueltatuko naiz. Ez dut minutu bat ere ez galduko zuon ama lurrean zoriontsuak izan zaitezen. Gora Ukraina!", esan zuen.
Yulia Timoshenko Ukrainako lehen ministro ohia eta oposizioaren burua aske uzteko agindu zuen larunbat honetan Ukrainako Parlamentuak.
Gaurko osoko bilkuran Timoshenko berehala aske uztea agintzen duen ebazpena onartu zue Ukrainako Parlamentuak. Parlamentuaren gehiengo zabalak, bi herenak baino gehiagok, babestu zuten ebazpena. Onartutako adierazpenak Jarkov hiriko ospitale batean giltzapetuta dagoen buruzagia berehala aske uztea ekarriko du, oposizioaren arabera.
Ukrainako Parlamentuko presidente berria izendatu dute
Oleksander Turchinov Batkivshchyna alderdiko presidenteordea izendatu zuten Ukrainako Parlamentuko presidente, haren aurrekoak ordu batzuk lehenago, osasun arazoak tarteko, dimisioa eman ostean.
Viktor Yanukovich Ukrainako presidenteak eta oposizioko buruek herrialdeak bizi duen krisiari amaiera emateko, akordioa sinatu eta biharamunean etorri zen aldaketa.
Ruslas Koshulinski Ukrainako parlamentuko presidente ordeak iragarri zuen albistea, egiten zituzten ezohiko osoko bilkuraren hasieran. Halaber, Igor Kaletnik Parlamentuko lehen presidenteordeak ere dimisioa eman zuen.
Zure interesekoa izan daiteke
Brexitak irabazi eta 10 urtera, "rejoin": dimisioak, ekonomia ahula eta independentismoaren gorakada Erresuma Batuan
Hamarkada bat pasa da Erresuma Batua EBtik atera zenetik, eta tarte horretan Keir Starmer dimisioa emango duen seigarren lehen ministroa da; ekonomiak ez du suspertzea lortu, eta independentismoak indarra hartu du Eskozian, Galesen eta Ipar Irlandan.
Hurrengo bi hilabeetan Irango petrolioa saltzeko baimena eman du AEBk, negoziazioak ondo doazelako
Pakistanek eta Qatarrek, Burgenstocken (Suitza) egiten ari diren negoziazioetako bitartekariek, adierazi dutenez, lehenengo saioa "giro positiboan egin da" eta "aurrerapauso pozgarriak" izan dira.
Zergatik eman du dimisioa Keir Starmerrek? Hauek dira kolokan utzi zuten polemikak
Agintariaren dimisioaren ondorioz, Erresuma Batuak zazpigarren lehen ministroa izango du hamar urtean.
Keir Starmerrek Erresuma Batuko lehen ministro kargua utziko duela iragarri du
Ordezkoa bilatzeko prozesua uztailaren 9an hasiko da, eta egun horretatik aurrera hautagaitzak aurkeztu ahal izango dira alderdia zuzentzeko eta lehen ministro kargua lortzeko. Starmerrek adierazi du bere asmoa trantsizio ordenatu bat erraztea dela, eta erreleboa modu egonkorrean gertatzea.
Abelardo de la Espriella ultraeskuindarrak irabazi ditu Kolonbiako hauteskundeak, %1eko aldearekin
Hautagai ultraeskuindarrak 250.000 boto atera dizkio Ivan Cepeda ezkertiarrari bigarren itzuliko aurre-zenbaketan, eta oposizioak 33.000 mahai inpugnatu dituela iragarri du. Gustavo Petro presidenteak adierazi du oraindik ezin duela presidente berria izendatu.
Trumpen mehatxu berrien ostean, Iranek iragarri du eten egin dituela AEBrekiko negoziazioak, baina Qatarrek dio aurrera jarraitzen dutela
JD Vance AEBko presidenteordea ari da bilera horietan AEB ordezkatzen eta Trumpek ezer esan aurretik, elkarrizketetan "aurrerapauso handiak" eman dituztela adierazi du.
Iranek Libanon "arazoak" sortzen baditu, AEBk erasoei berrekingo diela ohartarazi du Trumpek
Irango Gobernuaren ordezkaritza bat eta AEBkoaren bat Suitzako bainuetxe batean elkartu dira, Teherango programa nuklearrari eta joan den astean adostutako bakerako memorandumari buruz hitz egiteko.
AEBren eta Iranen arteko bake-negoziazioak abian dira, Libanon, Ormuzko itsasartean eta garapen nuklearrean arreta jarrita
Negoziazioak ostiralean hastea espero zen, baina Iranek bertan behera utzi zituen egun horretan, Israelek Libanoko hegoaldean egindako erasoen ondorioz. Teheranek behin-behineko akordioa osorik betetzeko eskatu du, gerrari amaiera emateko.
Starmerrek Erresuma Batuko lehen ministro kargua utziko duela iragar lezake astelehen honetan
Maiatzeko udal hauteskundeetan laboristek nabarmen egin zuten behera, eskuin muturraren mesedetan. Lehen ministroak bere gain hartu zuen porrot horren erantzukizuna, eta bere irudia kolokan dago ordutik.
Inoizko hauteskunde polarizatuenen bigarren itzulia Kolonbian
Hauteskunde aurreko aurreikuspenen arabera, Abelardo de la Espriella ultraeskuindarrak botoen % 50 inguru lor ditzake eta Ivan Cepeda ofizialistak, berriz, botoen % 44. Ikusteko dago iragarpenek asmatzen duten ala ez.