OMSk ebolaren aurkako sendagai esperimentalen erabilera onartu du
Osasun Munduko Erakundeko (OMS) Etika Batzordeak onartu du ebolak kutsatuta dauden Afrikako biktimek sendagai esperimentalak hartzea, horren eraginkortasuna baieztatuta ez dagoen arren.
"Agerraldi honen berezitasunak aintzat hartuta, eta zenbait baldintza betez gero, Batzordeak adostu du sendagaiak erabiltzea etikoa dela", tratamendu edo prebentzio mailan, nahiz eta "eraginkortasuna baieztatuta ez duten eta ondorioak zeintzuk diren ezagutzen ez diren",OMSren oharrak dioenez.
Alabaina, OMSek ukatu egin du Liberiara ebolaren kontrako sendagai esperimentalak bidali izana.
"OMSk ez du inolako erantzukizunik sendagaiaren bidalketarekin, ez dugulako inolako sendagairik erreserban", argitu du Fadela Chaib OMSren bozeramaleak.
Gainera, zehaztu du sendagai berri bat erabiltzea herrialde bakoitzeko osasun agintariek erabaki behar dutela, eta ekoizten duten laborategiekin adostu, eta baieztatu du ez dela beharrezkoa OMSk erabilera onartzea.
Liberiak sendagaia jasoko du
Etxe Zuriak ebolaren aurkako botika esperimentalaren lagin batzuk bidaliko dizkio Liberiako Gobernuari, herrialde horretan kutsatutako medikuei emateko asmoz.
“Estatu Batuetako Gobernuko ordezkari batek ekarriko ditu, astearen amaieran”, adierazi du Liberiako Gobernuak ohar batean.
Atzo bertan, Ellen Johnson-Sirleaf Liberiako presidenteak botika esperimental horren laginak bidaltzeko eskatu zion Obamaren Gobernuari.
Botika horrek ebolaren aurkako borroka bultzatuko lukeela eta herritarrei itxaropena igorriko liekeela adierazi zuen Johson-Sirleafek.
“Hemen kutsatu diren estatubatuarrei botika eman dietela jakin dugu eta, hortaz, botika ongietorria izango da Liberian”, esan du.
Bestalde, ebolak jota hil direnen gorpuak erraustea defendatu du Liberiako presidenteak, kutsadura berriak saihesteko helburuarekin.
Milatik gora hildako
Bestalde, Osasun Munduko Erakundeak 1.013era igo du Afrikan ebolagatik hildako pertsonen kopurua.
Abuztuaren 9ra arte, Liberian 29 lagun hil dira, Sierra Leonan 17 eta Guinean, berriz, sei.
Albiste gehiago mundua
Ehunka hedabidek, tartean EITBk, bat egin dute Gazako kazetarien hilketaren aurkako ekintza globalarekin
50 herrialdetako 200 komunikabidek baino gehiagok bat egingo dute astelehen honetan Mugarik Gabeko Erreportariek (RSF) bultzatutako mobilizazio globalarekin, "Gazako kazetarien aurka propio egindako sarraskia" salatzeko eta atzerriko prentsari Zerrendan oztoporik gabe sartzen uztea eskatzeko.
Israelek ziurtatu du Abu Obaida, Hamasen beso armatuaren bozeramailea, hil duela larunbat honetan Gazan izandako eraso batean
Armada eta inteligentzia zerbitzuak zoriondu ondoren, Katzek Gaza hiriko okupazioarekin jarraitzeko eskatu die. Brigadek eta Hamas mugimenduak ez dute balizko erailketa horri buruzko adierazpenik egin.
Ukrainako Odesa hiriari eraso dio Errusiak, eta 29.000 etxebizitza argindarrik gabe utzi ditu
Halaber, gutxienez hiru zibil hil eta sei zauritu ditu azken 24 orduetan Donetsk eskualdearen aurka egindako erasoetan.
Global Sumud Flotilla Gazara bidean da jada, 22 ontzi eta 300 pertsona baino gehiagorekin
15:30ean abiatu da Bartzelonako portutik, gutxienez 44 herrialdetako ordezkariekin, lau euskal herritar tartean, Gazako genozidioa eta blokeoa salatzeko helburuarekin. 5.000 pertsona inguru elkartu dira Bartzelonako portuan, flotillari babesa eman eta agurtzeko.
Arratsaldean abiatuko da Bartzelonatik Gazara janaria eta sendagaiak eramango dituen flotilla
15:00etan aterako dira hogei ontzi inguru, gutxienez 44 herrialdetako ordezkariekin, lau euskal herritar tartean, genozidioa eta blokeoa salatzeko helburuarekin. Albares ministroak ziurtatu duenez, Espainiako Gobernuak "babes diplomatiko eta kontsular osoa" eskainiko die Bartzelonatik Gazara abiatuko den ontzidi humanitarioan parte hartzen duten Espainiako herritarrei.
Israelek 100 gazatar baino gehiago hil ditu larunbatetik, eta Gaza hiria suntsitzen jarraitzen du
2023ko urriaren 7an Hamasek egindako erasoari erantzunez Israelek Gazan erasoaldia hasi zuenetik, 63.000 pertsona hil eta 159.000 baino gehiago zauritu ditu.
SCOren goi-bilera Txinan, Putinen eta Indiaren parte-hartzearekin
Errusiako presidenteak Shanghaiko Elkarlan Erakundearen goi-bileran hasiko du Txinara egingo duen lau eguneko bisita ofiziala. Hainbat urtetako liskarren eta tentsioaren ostean, Txina eta India "lagunak eta bizilagun onak" izan behar direla esan dio Xi Jinping Txinako presidenteak Narendra Modi Indiako lehen ministroari igande honetan.
Ehunka lagun joan dira Euskal Herritik Bartzelonara igande honetan Gazara abiatuko den flotillari babesa ematera
Bart gauean autobusak atera dira euskal hiriburuetatik Gazako Zerrendara janaria eta sendagaiak eramateko eta Israelen blokeoa eta genozidioa salatzeko abiatuko den flotillari babesa ematera.
Abbasek eta palestinar kargudunek NBEren Batzar Nagusian parte hartzeko debekua berriro aztertzeko eskatu dio EBk AEBri
NBEren goi bilera irailaren 9an abiatuko da New Yorken, eta eztabaida orokorra 23tik 27ra bitartean egingo da. Bestalde, Kaja Kallas Europako Batasuneko Kanpo Politikako buruak onartu du Israeli jarri ahal dizkioten zigorren inguruan EBko kideen artean ikusten den zatiketak sinesgarritasun galera eragin duela Europako herritarren aurrean.
Bi gizon atxilotu dituzte Indonesian, Espainiako emakume bat hil dutelakoan
Indonesian, uztailaren biaz geroztik desagertuta zegoen 72 urteko emakume espainiar bat hilda aurkitu zuen gaur bertako poliziak. Matilde Muñoz, jatorri galiziarra zuen emakumea, Lombok uhartean desagertu zen, eta hango hondartza batean aurkitu zuten gaur beren gorpua. Heriotzarekin lotuta bi pertsona atxilotu ditu poliziak, eta lapurreta eta hilketa leporatu dizkiete. Indonesiako Poliziak ziurtatu duenez, espainiarraren hilketa planifikatu zuten aitortu dituzten bi atxilotuek. Senggigi herrian bizi diren 34 eta 30 urteko bi gizon dira. Kontakizunaren arabera, Balitik gertu dagoen herri bateko hotel batean zegoen emakumea, lapurreta egin asmoz leihotik bere gelara sartu zirenean.