Estatu Islamikoak zabaldutako bideoa benetakoa dela baieztatu dute
Etxe Zuriak asteazken honetan baieztatu du Estatu Islamikoak James Foley kazetari estatubatuarrari burua mozten dioten bideoa benetakoa dela. Foley 2012ko azaroan bahitu zuten Sirian.
"James Foley eta Steven Sotloff estatubatuarrak ageri diren bideoa ikertu berri dute AEBko Inteligentzia Zerbitzuek. Bideoa benetakoa dela baieztatu dugu", esan du Caitlin Hayden, Etxe Zuriko Segurtasun Nazionalerako Kontseiluko bozeramaileak.
Atzo, asteartea, Yihadusten foro ezberdinetan zabaldutako bideoan Foley haren familia agurtzen ikus zitekeen eta, Iraken esku hartzeagatik, AEBko Gobernuari egozten zion bere exekuzioaren errua. Ondoren, inglesez hitz egiten zuen gizonezko batek lepoa mozten zion kazetariari kamera aurrean.
Irudietan, Foley estatubaturraz gain, Seteve Joel Sotloff kazetari estatubatuarra ere ageri zen, bahitutako beste kazetari bat, alegia, eta grabaketaren arabera, honen bizitza "Obamak hartuko zituen erabakien" esku zegoen.
Foleyren familiak 2013ko urtarrilean agiri batean jakinarazi zuen 2012ko azaroan armatutako zenbait gizonek bahitu zutela Foley Siriako ipar-ekialdean.
Astelehenean, Estatu Islamikoak mehatxu egin zion AEBko Gobernuari, Irakeko erasoak bertan behera utzi ezean estatubatuarren kontrako erasoak egingo zituztela esanez.
Obama, atsekabetuta
Barack Obama presidente estatubatuarra "atsekabetuta" agertu da 2012an Sirian bahitutako James Foley kazetariaren hilketarekin. Haren ustez "mundo osoa astindu duen indarkeria ekintza" da hau.
Obamak jakinarazi du Foleyren familiarekin hitz egin duela, telefonoz: "Esan diet denok dugula bihotza apurtuta, galera honengatik, eta haien ondoan gaudela. Gaur, AEBko herritarrek Jim maite zutenen alde egingo dute otoitz".
Nabarmendu duenez, "mundo osoa dago ados gauza batean: Estatu Islamiarra bezalako talde terroristek ez dute inolako zentzurik XXI. mendean. Jende honek porrot egingo du, etorkizuna eraikitzen dutenena baita, ez suntsitzen dutena", esan du.
Cameron: "Oso kezkagarria da Foleyren hiltzailea britainiarra izan ahal izatea"
David Cameron Erresuma Batuko lehen ministroaren ustez, "oso kezkagarria" da James Folyeren hiltzailea britainiarra izateko aukera egotea. "Gaitzetsi nahi dut gertakaria, ankerra eta oso zakarra izan da; hilketa bat da, inolako justifikaziorik ez duen hilketa bat", esan du prentsaurrekoen, Downing Streeten.
Cameronek argitu duenez, agintari britainiarrek oraindik ez dute identifikatu Foley hil duen gizonezkoa nor den. “"Baina -gehitu du- ikusi ahal izan dugunagatik, baliteke britainiarra izatea”" zehaztu du.
John McCain senatari errepublikanoak, bitartean, eskatu du AEB Iraken egiten ari diren bonbardaketak “areagotzea”, James Foleyrekin jazotakoaren ostean.
Zure interesekoa izan daiteke
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.