Putin: 'Ukrainako krisia ez da operazio militarrekin konponduko'
Vladimir Putin Errusiako presidentearen ustez, Ukrainako krisia ez da konponduko operazio militarrak areagotuz bakarrik, edo errusieraz hitz egiten duten herrialdeko ekialdeko eskualdeetako ordezkariekin hitz egin gabe. Minsken (Bielorrusia) egin ditu adierazpen horiek, Petro Poroshenko Ukrainako presidentearekin bildu baino lehen.
Halaber, Putinek esan du ekonomia errusiarrak 10.000 milioi errubloko galera izan lezakeela (2.770 milioi dolarrekoa) produktu europarrak Errusiara Ukrainaren bidez heltzekotan. Kievek merkataritza-akordioa sinatu du Europar Batasunarekin, hori islatzeko.
Ildo horretan, Putinek ohartarazi du Moskuk merkatarizako neurriak hartuko lituzkeela, hori gertatuko balitz, eta esan du Bielorrusian eta Kazakhstanen ere eragina izango lukeela (Errusia liderra duen aduana-ituneko bazkideak dira bi herrialde horiek).
Poroshenko: "Europaren eta munduaren etorkizuna Minsken erabakiko da"
Bere aldetik, Petro Poroshenko Ukraino presidenteak ziurtatu du Europaren eta munduaren etorkizuna Minskeko goi-bileran erabakiko dutela. Vladimir Putin eta Europar Batasuneko ordezkariak ere bertan egongo dira.
"Goi-bilera honetan, munduaren eta Europaren etorkizuna dago jokoan. Horrela ikusten dut nik", esan du Poroshenkok, bileraren hasieran, Errusiako agentzien arabera.
Poroshenkok, halaber, Ukrainako ekialderako bere bake plana babesteko eskatu du. Plan horretan, Errusiaren aldeko milizien desarmea eta Ukrainako deszentralizazioa proposatu ditu; hala ere, krisiari amaiera emateko beste bideak ere eztabaidatzeko prest dago.
Putin eta Poroshenko, aurrez aurre
Putin eta Poroshenko Minsken bildu dira gaur, Ukrainako krisiaz hitz egiteko, bi agintarien bozeramaleek jakinarazi dutenez.
"Bi presidenteak bilduta daude orain", esan du Dimitri Peskov Kremlineko bozeramaleak, RT Errusiako hedabidearen arabera.
"Aldebiko bilera hasi berri da Poroshenko presidentea eta Putin presidentearen artean", Ukrainako Gobernuak Twitter sare sozialean duen kontuaren bidez jakinarazi duenez.
Putinen eta Poroshenkoren arteko batzarra ez zegoen aurreikusita. Minsken goi mailako zenbait ordezkari politiko bildu dira gaur Ukrainak eta EBk Eurrusiako aduanen batasunaren inguruan egindako akordioaren ondorioez hitz egiteko.
Ekainaren 6az geroztik bi presidenteek izandako lehenengo bilera izan da gaurkoa. Ekainean, Normandiako lehorreratzearen 70. urteurrena dela eta, bi presidenteek solasaldi labur bat izan zuten.
Tentsioa, Ukrainan atxilotuta dauden soldadu errusiarrengatik
Bi herrialden arteko tentsioek gora egin dute, azken orduetan; izan ere, Ukrainan atxilotuta dauden soldadu errusiar batzuk erakusten dituen bideo bat zabaldu dute azken orduetan.
Ukrainako Gobernuaren arabera, atxilotutako soldadu horiek ez zuten muga "nahi gabe" zeharkatu, Moskuk esaten duenez, baizik eta misio berezi bat egiteko. "Ez zen akats bat izan", esan du Andri Lisenko bozeramaile militar ukrainarrak, telebistaz emandako prentsaurreko batean.
Astelehenean zabaldu zuten Ukrainako segurtasun zerbitzuek bideoa, Kieven aldeko indarrek harrapatutako soldaduena. Muga zeharkatu duten hamar paraxutista izango lirateke, eta infanteriako zenbait ibilgailurekin batera igaro omen dira Ukrainara.
Zure interesekoa izan daiteke
Brexitak irabazi eta 10 urtera, "rejoin": dimisioak, ekonomia ahula eta independentismoaren gorakada Erresuma Batuan
Hamarkada bat pasa da Erresuma Batua EBtik atera zenetik, eta tarte horretan Keir Starmer dimisioa emango duen seigarren lehen ministroa da; ekonomiak ez du suspertzea lortu, eta independentismoak indarra hartu du Eskozian, Galesen eta Ipar Irlandan.
Hurrengo bi hilabeetan Irango petrolioa saltzeko baimena eman du AEBk, negoziazioak ondo doazelako
Pakistanek eta Qatarrek, Burgenstocken (Suitza) egiten ari diren negoziazioetako bitartekariek, adierazi dutenez, lehenengo saioa "giro positiboan egin da" eta "aurrerapauso pozgarriak" izan dira.
Zergatik eman du dimisioa Keir Starmerrek? Hauek dira kolokan utzi zuten polemikak
Agintariaren dimisioaren ondorioz, Erresuma Batuak zazpigarren lehen ministroa izango du hamar urtean.
Keir Starmerrek Erresuma Batuko lehen ministro kargua utziko duela iragarri du
Ordezkoa bilatzeko prozesua uztailaren 9an hasiko da, eta egun horretatik aurrera hautagaitzak aurkeztu ahal izango dira alderdia zuzentzeko eta lehen ministro kargua lortzeko. Starmerrek adierazi du bere asmoa trantsizio ordenatu bat erraztea dela, eta erreleboa modu egonkorrean gertatzea.
Abelardo de la Espriella ultraeskuindarrak irabazi ditu Kolonbiako hauteskundeak, %1eko aldearekin
Hautagai ultraeskuindarrak 250.000 boto atera dizkio Ivan Cepeda ezkertiarrari bigarren itzuliko aurre-zenbaketan, eta oposizioak 33.000 mahai inpugnatu dituela iragarri du. Gustavo Petro presidenteak adierazi du oraindik ezin duela presidente berria izendatu.
Trumpen mehatxu berrien ostean, Iranek iragarri du eten egin dituela AEBrekiko negoziazioak, baina Qatarrek dio aurrera jarraitzen dutela
JD Vance AEBko presidenteordea ari da bilera horietan AEB ordezkatzen eta Trumpek ezer esan aurretik, elkarrizketetan "aurrerapauso handiak" eman dituztela adierazi du.
Iranek Libanon "arazoak" sortzen baditu, AEBk erasoei berrekingo diela ohartarazi du Trumpek
Irango Gobernuaren ordezkaritza bat eta AEBkoaren bat Suitzako bainuetxe batean elkartu dira, Teherango programa nuklearrari eta joan den astean adostutako bakerako memorandumari buruz hitz egiteko.
AEBren eta Iranen arteko bake-negoziazioak abian dira, Libanon, Ormuzko itsasartean eta garapen nuklearrean arreta jarrita
Negoziazioak ostiralean hastea espero zen, baina Iranek bertan behera utzi zituen egun horretan, Israelek Libanoko hegoaldean egindako erasoen ondorioz. Teheranek behin-behineko akordioa osorik betetzeko eskatu du, gerrari amaiera emateko.
Starmerrek Erresuma Batuko lehen ministro kargua utziko duela iragar lezake astelehen honetan
Maiatzeko udal hauteskundeetan laboristek nabarmen egin zuten behera, eskuin muturraren mesedetan. Lehen ministroak bere gain hartu zuen porrot horren erantzukizuna, eta bere irudia kolokan dago ordutik.
Inoizko hauteskunde polarizatuenen bigarren itzulia Kolonbian
Hauteskunde aurreko aurreikuspenen arabera, Abelardo de la Espriella ultraeskuindarrak botoen % 50 inguru lor ditzake eta Ivan Cepeda ofizialistak, berriz, botoen % 44. Ikusteko dago iragarpenek asmatzen duten ala ez.