Eskoziaren independentziaren aldeko botoak igo egin dira
Eskoziarren % 41,6k Eskozia Erresuma Batuaren parte ez izatearen alde agertu dira, argitaratutako azken inkestaren arabera. Batasunaren alde daudenen aldea murriztuz doa.
Survation enpresak Daily Mail egunkariarentzako egindako inkestaren arabera, sei puntutan murriztu da bi aldeen arteko distantzia, Eskoziako independentzia erreferendum historikoa egiteko hiru aste baino gutxiago geratzen diren honetan.
Independentziaren aldekoak % 41,6 dira, duela hilabete % 37,2 zirela. Batasunaren defendatzaileak, aldiz, % 47,6 dira; duela hiru aste % 50,3 ziren.
Inkesta 16 urte baino gehiagoko 1.001 eskoziarrei egin diete, astelehen honetan independentziari buruzko telebistako bigarren eztabaida egin ostean. Analisten arabera, Alex Salmond Eskoziako lehen ministroak irabazi zuen.
Gaur argitaratutako datuen arabera, galdekatutako % 24,6k independentziaren alde egingo dutela azaldu dute, Salmonden eta Alistair Darling ministro ohiaren arteko eztabaida ikusi ostean.
"Historiako fusiorik onena", Cameronen ustez
David Cameron Britainia Handiko lehen ministroak Eskozian bigarren eguna egin du, batasunaren aldeko kanpaina babesteko. Kanpaina hori “historiako fusiorik onenatzat” jo du, Salmondek independentziaren aldeko defentsa indartu duen bitartean.
Salmondek Eskoziako Gobernuan jarraituko du erreferendumak porrot eginez gero
Bestalde, Alex Salmond Eskoziako lehen ministroak ostiral honetan esan duenez, Gobernu autonomoaren buru izaten jarraituko du, irailaren 18ko Eskoziaren independentziaren aldeko erreferendumak porrot eginez gero ere.
BBCko irrati programa bati eskainitako elkarrizketa batean, politiko nazionalistak esan du 2011n horretarako hautatu zutela, gehiengo osoz, eta Eskoziako lehen ministro izaten jarraituko duela azaldu du, eskoziarrek independentziaren alde egiten ez badute ere. Emaitza loteslea izango da.
Zure interesekoa izan daiteke
Preso politikoentzako amnistia legea onartzeko lehen pausoa eman du Venezuelako Parlamentuak
Delcy Rodriguez presidente arduradunak bultzatutako eta ostegunean lehen bozketan onartutako proiektuak 1999tik preso politikoak hartzen ditu barne -chavismoa boterera iritsi zenetik honakoak-, eta giza eskubideen urraketa larriengatik auzipetuak edo zigortuak daudenak kanpo uzten ditu. Orain kontsulta prozesua zabalduko da eta, ondoren, bigarren eztabaida batean onartu beharko da.
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.