Estatu Islamikoak Steven Sotloff kazetari estatubatuarra hil du
Estatu Islamikoak bideo bat zabaldu du astearte honetan, miliziano baten hilketa erakusten duten irudiak zabaltzeko. Miliziano sunnita bat Steven Sotloff kazetari estatubatuarrari burua mozten ageri omen da bertan, SITE jihadisten foroak jarraitzen dituen webguneak jakitera eman duenez.
Gainera, milizianoak David Haines britainiar bahitua ere hilko dutela mehatxatu du, eta "AEBekin Estatu Islamikoaren aurka duten aliantza oso txarra" dela esan die estatubatuarren aliatuei, eta horrekin hausteko eskatu die. Hamahiru egun bete dira James Foley kazetariarekin gauza bera egin zutela.
Bideoan, belauniko eta laranjaz jantzita, Sotloffek (duela urtebete bahitu zuten, Sirian) zer dela eta berpiztu duen "Estatu Islamikoaren aurkako gerra" galdetu dio Obamari, eta gogora ekarri dio Iraketik eta Afganistandik irten eta Guantanamo itxiko zuela agindu ondoren irabazi zituela hauteskundeak.
Bideoan ageri den jihadista ustez Foleyri lepoa moztu zion bera da, eta CIA ikertzen ari da ez ote zituzten biak egun berean hil.
Abuztuaren 19an, Estatu Islamikoak bideo bat zabaldu zuen, AEBk Iraken aireko erasoaldia gelditu ezean Sotloffi burua moztuko ziotela mehatxatuz. "AEBko herritar honen bizia zure erabakiaren esku dago, Obama", esan zuen.
Bideo hartan, jihadista batek James Foley kazetari estatubatuarra hil zuen. Hura ere, duela bi urte bahitu zuten, Sirian. Erresuma Batuko Gobernuak orduan zabaldu zuenez, bideoan ikus daitekeen hiltzailea britainiarra zen, inguru hartara bidaiatu ostean erradikalizatu zen herritarra.
Josh Earnest Etxe Zuriko bozeramaileak esan du oraindik ezin dutela baieztatu bideoa egiazkoa den, baina AEBko Gobernua benetakoa den zehazteko lanean ari dela nabarmendu du.
Ameriketako Estatu Batuek beste 350 soldadu bidali dituzte Bagdadera, bertan bizi diren estatubatuarrak babestera.
Albiste gehiago mundua
Pablo Ibarren defentsak dio lekuko berri batek badakiela nortzuk izan ziren hilketa hirukoitzaren benetako egileak
Ekainaren 26an 31 urte beteko dira gaueko klub baten jabea eta bi modelo hil zituztela. Ibar hilketa hirukoitz horrengatik zigortu zuten, baina beti errugabetzat jo du bere burua.
Iranek eta Israelek misil gehiago jaurti dizkiote elkarri
Iranek atzo iragarri zuen aukera guztiak mahai gainean dituela, eta erantzunaren neurria aztertzen ari direla. Bien bitartean, Donald Trump AEBko presidentea pozik agertu da erasoak eragindako ondorioekin, eta Iranek “erregimen aldaketa” behar duela esan du.
Albiste izango da: AEBen erasoa Iranen, Cerdan kasua eta San Joan bezpera
eitb.eus-ek gaur egingo dituen albiste nagusien laburpena
Ormuzko itsasartea, petrolioa eta gasa komertzializatzeko gune estrategikoa, ixteko gomendatu du Irango Parlamentuak
Azken hitza, hala ere, Segurtasun Nazionaleko Kontseilu Gorenak eta Ali Khamenei aiatolak, Irango buruzagi gorenak, izango dute. Persiar golkoaren eta Omango golkoaren artean dago Ormuzko itsasartea, eta tarterik estuenean 54 kilometro ditu. Batez beste 13 zisterna-ontzi igarotzen dira egunero bertatik, eta 15 milioi petrolio-upel baino gehiago garraiatzen dituzte. Itxiko balitz, mundu osoan izango luke eragina.
Mikel Ayestaran: "Hemendik aurrera, Iranek bi fronte izango ditu: batetik, Israel; eta, bestetik, AEBren baseak Ekialde Hurbilean"
EITBren Ekialde Hurbileko korrespontsalaren esanetan, "Iranek uste du eskualdeko base kopurua ez dela indarraren erakusle, ahultasunarena baizik, denak babesteko gatz izango duelako AEBk".
Iranek ez du aukerarik baztertzen, AEBk instalazio nuklearren aurka eraso egin ostean
Irango Atzerri ministroak adierazi duenez, AEBk "Nazio Batuen Gutuna, nazioarteko zuzenbidea eta Arma Nuklearrak Ez Ugaritzeko Ituna urratu ditu Irango instalazio nuklear baketsuei eraso eginda", Nazio Batuen Segurtasun Kontseiluko kide iraunkor gisa. Erasoak "sumingarriak" direla esan, eta "ondorio iraunkorrak" izango dituztela gaineratu du.
AEBk Irango azpiegitura nuklearrak bonbardatu ditu
Iranen hiru instalazio nuklear bonbardatu ostean, Donald Trump AEBko presidenteak "bakea edo tragedia" aukeratzeko eskatu dio Irani. Oposizio demokratak Konstituzioa urratu izana leporatu dio Trumpi, Kongresuaren baimen espliziturik gabe egin duelako beste herrialde baten aurkako ekintza militarra. JD Vanceren hitzetan, bere herrialdea "ez dago Iranekin gerran, haren asmo nuklearrekin baizik".
Guterresek gaitzetsi egin du AEBk Irani egindako erasoa, eta diplomaziaren bideari eusteko eskatu du
Egoeraren larritasunaz ohartarazi du Nazio Batuen Erakundeko buruak. Indarkeria ekintzak areagotzeak, bai Iranen, bai mundu osoan, "ondorio katastrofikoak" izan ditzakeela uste du. Nazioarteko komunitateak tentsioa baretzeko eta elkarrizketarako deia egin du.
Martxa jendetsuak Erroman eta Londresen, Gazako erasoaldia amaitzea, Israelekin haustea eta Europaren berrarmatzea gelditzea eskatzeko
Londresko Palestinaren aldeko Martxa Nazionalean parte hartu dutenek oihuka eskatu dute Israelek Palestinako lurraldean "okupazioa" amaitzea eta Israelek Irani egindako bonbardaketak bertan behera uztea. Erroman, milaka lagunek Europaren berrarmatzea gelditzeko eta bakea berrezartzeko eskatu dute.
Trumpek esan du Espainiak "oso gutxi" ordaintzen duela NATOko kide gisa
Horrekin batera, AEBko presidenteak berretsi du erakundeko kide guztiek BPGaren % 5 inbertitu beharko luketela defentsan.