'Su-eten iraunkorra' adostu dute Ukraina ekialdean
Petro Poroxenko Ukrainako presidenteak eta Vladimiri Putin Errusiakoak "su-eten iraunkorra" adostu dute Ukraina ekialdeko eskualdeetarako, bi presidenteek telefono bidez hitz egin ostean Ukrainako Gobernuak jakitera eman duenez.
"Donbassen (Donetsk eta Luhansk hartzen dituen eskualdea) su-eten iraunkorra ezartzeko akordioa lotu dute telefono elkarrizketa horretan", adierazi du Ukrainako Gobernuak prentsa-ohar batean.
Prentsa oharrean azpimarratu dutenez, "ados jarri dira" gatazka armatua dagoen eremuan "bakea ezartzeko eman beharreko pausoen inguruan".
Errusiak gezurtatu egin du
Dmitri Peskov Kremlineko bozeramaileak, baina, ukatu egin du Putinek Poroxenkorekin su-eten iraunkorra adostu izana, Errusia ez dela gatazkan parte hartzen ari argudiatuta, RIA Novosti albiste-agentzia errusiarraren arabera.
"Putinek eta Poroxenkok milizien eta indar ukrainarren arteko su-eten bat adosteko eman beharreko pausoez hitz egin dute. Baina Errusiak ezin du su-etenik adostu, ez baita gatazkan parte hartzen ari", adierazi dio Peskovek agentziari.
Une egokian
Milizia errusiazaleek azken asteotan Ukraina ekialdean egin dituzten erasoaldi arrakastatsuen ostean iritsi da balizko akordioa. Izan ere, egun gutxitan Kieven esku zeuden hainbat herri berreskuratu dituzte eta hirugarren fronte bat ireki dute Donetsken.
Gainera, Europar Batasunak Errusiari Ukrainako krisian esku hartzeagatik isun gehiago jarri bezperan lortu dute akordioa.
Zure interesekoa izan daiteke
Su-etena urratuta, Israelek Libano bonbardatu eta gutxienez hiru pertsona hil ditu
Israelgo eta Libanoko ordezkariek bake elkarrizketen hirugarren txanda egingo dute Washingtonen (AEB) maiatzaren 14an eta 15ean, AEBko Estatu Departamentuko funtzionario batek ostegun honetan jakitera eman duenez.
Energia nuklearra, berriztagarriak… Europa norabide bila ari da, energia-mendekotasunari aurre egiteko
Energia-mendekotasuna da Europar Batasunak aurrean duen erronka nagusietako bat. Kontsumitzen duen energiaren % 57 kanpotik dator, eta % 43 baino ez da Europan ekoizten. Frantzian, energia nuklearraren auzia eztabaida handia sortzen ari da, eta iritzi kontrajarriak eragin ditu. EITB ekoitzitako "Europa norabide bila" erreportaje-sortak aztertu duen gaietako bat da.
"Europa norabide bila" erreportaje-sortak kontinentearen egoera aztertuko du, egungo agertoki geopolitiko nahasian
Aldaketak etengabe ari dira gertatzen taula geopolitikoan, eta Europa norabide bila dabil. Mikel Reparaz EITBko Nazioarteko arlo-buruak zuzendu duen erreportaje-sorta berriak Europak aurrean dituen erronkak aztertu ditu, egungo bidegurutze geopolitikoan. Gaurtik aurrera izango da ikusgai.
'MV Hondius' gurutzaontzian hantavirus agerraldiak izan duen bilakaera: lehen kasuetatik, kontaktuen jarraipenera
Munduko Osasun Erakundeak jakinarazi du geldialdietan gurutzaontzitik atera ziren bidaiarien eta haien kontaktuen jarraipena egingo duela. Dagoeneko jarri dira harremanetan geldialdi horiek egin ziren herrialdeetako agintariekin.
Iranen aurkako erasoaldia amaitu dela eta Ormuzko itsasartean fase berria abian dela iragarri du Marco Rubiok
Bestalde, Donald Trump Ameriketako Estatu Batuetako presidenteak bertan behera utzi du Ormuzen blokeatuta dauden ontziei laguntza emateko Askatasuna proiektua. Horrez gain, Estatu Batuek Ormuzen nabigazioa eta segurtasuna bermatzeko ebazpena aurkeztuko du NBEko Segurtasun Kontseiluan.
Irango erasoen aurrean defentsa indartuko duela esan du Arabiar Emirerri Batuetako presidenteak
Defentsa Ministerioak astearte honetan jakitera eman duenez, "Iranek jaurtitako" misilak eta droneak atzeman dituzte; hala ere, Teheranek ez du onartu eraso horien erantzulea denik.
Sei jendarme zauritu dira joan den ostegunean hasitako "rave" jendetsuan izandako liskarretan
Egunotan lege-prozesu bat dute martxan Frantzian, horrelako jai klandestinoak saihesteko legea gogortzeko.
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.