Kieveko Gobernuak eta errusiazaleek su-etena adostu dute
Kieveko Gobernuko eta errusiazaleen ordezkariek su-etena adostu dute Ukraina ekialdean, ostiral honetan.
Bi aldeen arteko su-etena Minsken egindako bilera batean sinatu dute, indarrean sartuko da 18:00etatik aurrera, Kieven (15:00etan GMT), iragarri du Heidi Tagliavini Europako Segurtasun eta Lankidetzako Antolakundeko Ukrainako krisirako buruak.
“12 puntuko protokolo bat sinatu berri dugu. Garrantzitsuena berehalako su-etenarena da, 18:00etan hasiko da Minsken”, azaldu du Ukrainako krisirako buruak.
Petro Poroxenko Ukrainako presidenteak, Twitterren bitartez, honako hau esan du: “Minsken su-eten bati buruzko akordiorako aurretiazko protokoloa sinatu dute (…), ostiralean sartu behar du indarrean”.
“Protokoloak nazioarteko kontrolaren alde guztiak jasotzen ditu, presoen trukea eta beste gai batzuk”, azaldu du Interfax Errusiako agentziak.
Igor Plotnistski Luganskeko eskualdean matxinoen ordezkariak esan duenez, errusiazaleak “bi aldeko su-etenerako prest” daude, baina “nahitaezko neurri honek inolaz ere” ez du esan nahi errusiazaleek independentziari uko egiten dietenik.
Su-etena indarrean sartu bezain laster, hiru leherketa izan dira Donetsken, Reuters agentziako berriemaileak jakitera eman duenez.
Su-etenaren puntu nagusiak
Bi bandoek armamento pisutsua atzera botatzea adostu dute, tankeei eta artilleria-piezei erreferentzia eginez.
Gainera, gatazkaren gunean dauden herrietan giza-laguntza sartuko da. Lehendabizikoa bihar bertan sar diteke Ukrainian.
Dokumentuak, gainera, beste zenbait puntu adosten ditu, besteak beste, su-etenaren nazioarteko kontrola, Europako Segurtasun eta Lankidetzako Antolakundeak aztertuko duena, edo gaztaren presoen trukea, Poroshenkok jakitera eman duenez, bihar bertan hasiko dena.
EBk Errusiaren aurkako zigorrekin aurrera jarraituko duela esan du Cameronek
David Cameron, Erresuma Batuko lehen ministroak ostiral honetan hitzartutako su-etena ospatu du baina Errusiaren aurkako zigorrek jarraitu egingo dutela argitu du. "Uste dut kontu handiz begiratu behar dugula su-eten baten aurrean gauden, edo benetan konpromezu bat dagoen honen guztiaren atzean eta bakea lortzeko aurrerapausoak ematen diren", esan du.
Su-etena beteko den edo ez eszeptiko agertu da Obama
Barack Obama, AEBko presidentea eszeptiko agertu da su-etenaren aurrean, eta behin eta berriz azpimarratu du "Errusiak Ukrainiako lurraldearen segurtasuna hautsi duela".
Gainera, presidenteak azpimarratu du Estatu Batuek eta Europar Batasunak jarritako zigorrengatik eta honek guztiak ekonomia errusiarrean izan duen eraginagatik soilik onartu duela Errusiak su-eten hau. "Su-etena beteko dela frogatu behar da".
Zure interesekoa izan daiteke
EBren berrarmatzea: Alemaniak Europako armadarik handiena izan nahi du
Europar Batasuna berrarmatzeko moduaz eztabaidatzen ari da, AEBk kontinentean duen presentzia militarra murrizteko mehatxua egin ostean. Ane Irazabal EITBk Berlinen duen korrespontsalak egoeraren gakoak aztertu ditu EITBk ekoitzitako “Europa norabide bila” erreportaje sortako atal honetan.
AEBk eta Iranek elkarri eraso egin dioten arren, su-etenak indarrean jarraitzen duela ziurtatu du Trumpek
AEBko presidentearen arabera, bere Administrazioak Iranekin "negoziatzen" jarraitzen du Ekialde Hurbileko gatazkari amaiera emango dion akordioa lortzeko. Iranek, bere aldetik, "garaipena laster" ospatuko duela iragarri du, eta, aldi berean, Ormuzko itsasartearen "jabetza" aldarrikatu du.
Su-etena urratuta, Israelek Libano bonbardatu eta gutxienez hiru pertsona hil ditu
Israelgo eta Libanoko ordezkariek bake elkarrizketen hirugarren txanda egingo dute Washingtonen (AEB) maiatzaren 14an eta 15ean, AEBko Estatu Departamentuko funtzionario batek ostegun honetan jakitera eman duenez.
Energia nuklearra, berriztagarriak… Europa norabide bila ari da, energia-mendekotasunari aurre egiteko
Energia-mendekotasuna da Europar Batasunak aurrean duen erronka nagusietako bat. Kontsumitzen duen energiaren % 57 kanpotik dator, eta % 43 baino ez da Europan ekoizten. Frantzian, energia nuklearraren auzia eztabaida handia sortzen ari da, eta iritzi kontrajarriak eragin ditu. EITB ekoitzitako "Europa norabide bila" erreportaje-sortak aztertu duen gaietako bat da.
"Europa norabide bila" erreportaje-sortak kontinentearen egoera aztertuko du, egungo agertoki geopolitiko nahasian
Aldaketak etengabe ari dira gertatzen taula geopolitikoan, eta Europa norabide bila dabil. Mikel Reparaz EITBko Nazioarteko arlo-buruak zuzendu duen erreportaje-sorta berriak Europak aurrean dituen erronkak aztertu ditu, egungo bidegurutze geopolitikoan. Gaurtik aurrera izango da ikusgai.
'MV Hondius' gurutzaontzian hantavirus agerraldiak izan duen bilakaera: lehen kasuetatik, kontaktuen jarraipenera
Munduko Osasun Erakundeak jakinarazi du geldialdietan gurutzaontzitik atera ziren bidaiarien eta haien kontaktuen jarraipena egingo duela. Dagoeneko jarri dira harremanetan geldialdi horiek egin ziren herrialdeetako agintariekin.
Iranen aurkako erasoaldia amaitu dela eta Ormuzko itsasartean fase berria abian dela iragarri du Marco Rubiok
Bestalde, Donald Trump Ameriketako Estatu Batuetako presidenteak bertan behera utzi du Ormuzen blokeatuta dauden ontziei laguntza emateko Askatasuna proiektua. Horrez gain, Estatu Batuek Ormuzen nabigazioa eta segurtasuna bermatzeko ebazpena aurkeztuko du NBEko Segurtasun Kontseiluan.
Irango erasoen aurrean defentsa indartuko duela esan du Arabiar Emirerri Batuetako presidenteak
Defentsa Ministerioak astearte honetan jakitera eman duenez, "Iranek jaurtitako" misilak eta droneak atzeman dituzte; hala ere, Teheranek ez du onartu eraso horien erantzulea denik.
Sei jendarme zauritu dira joan den ostegunean hasitako "rave" jendetsuan izandako liskarretan
Egunotan lege-prozesu bat dute martxan Frantzian, horrelako jai klandestinoak saihesteko legea gogortzeko.
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.