Mursi epaituko dute Egipton, Qatarri sekretuak jakinaraztea egotzita
Mohamed Mursi Egiptoko presidente ohia eta beste hamar pertsona epaituko dituzte Egipton, segurtasun nazionalari buruzko sekretuak Qatarri jakinaraztea egotzita. Hisham Barakat Egiptoko fiskal nagusiak Kairoko Zigor Auzitegiaren aurrean agertzera deitu ditu aipaturiko hamaika lagunak.
Halaber, segurtasun nazionalari buruzko sekretuak Qatarreko Al Jazeera telebista kateari jakinaraztea ere leporatzen diete aipaturiko hamaika lagunei. Egiptoko Fiskaltzak argitaratutako oharraren arabera, Mursi presidente ohiak onura atera zion bere karguari, eta Ahmed Abdelati bere bulegoko zuzendariaren eta zortzi espioien laguntzaz, isilpeko dokumentuak eman zizkien Qatarreko Gobernuari eta Al Jazeera hedabideari. Trukean, milioi bat dolar eskuratu ei zituen.
Presidente kargua baliatuta, Anaia Musulmanen hainbat kide Gobernuko postuetan ezartzea ere leporatzen dio Fiskaltzak Mursiri.
Mursiren kontrako kritikak eta Anaia Musulmanekiko atsekabea tarteko, Anaia Musulmanek isilpeko dokumentuak Qatarri eta Al Jazeera hedabideari emateko agindua eman ei zioten Mursiri, beti ere Fiskaltzaren arabera. Emandako dokumentu horien artean daude, besteak beste, Egiptoko Indar Armatuen txosten estrategikoak eta soldaduen hedapenari buruzko informazioa, armen nolakotasunari buruzko xehetasunak, barne eta atzerri politikako dokumentuak, edota zerbitzu sekretuen eta Egiptoko Segurtasun eta Defentsa departamentuetako testuak.
Hainbat epaiketa daude abian Mursiren kontra: manifestarien heriotzan zerikusia izateagatik, espioitza kasu batean nahastuta egoteagatik, eta 2011n Wadi Natrun kartzelatik ihes egiteagatik.
Albiste gehiago mundua
Gazako Zerrendako Gobernuak ohartarazi du hegoaldea "gainpopulatuta" dagoela jada
"Gazako hiriaren okupazioak krisi humanitario berri bat sortzea du helburu, ia 700 eguneko genozidioak iraun duen tragediari gehituta", azpimarratu du Gazako Gobernuak.
Kazetarien protesta Londresen, Israelek Gazan kazetarien aurka egindako erasoak gaitzesteko
Azken orduetan Israelen bonbardaketen ondorioz bost kazetari hil direla salatu dute, eta guztira orain arte 200 baino gehiago hil direla gogorarazi dute. Gainera, gutuna igorri diote Starmer lehen ministroari, kazetarien segurtasuna bermatzeko behar diren neurriak hartzeko eskatuz.
Alemania derrigorrezko soldadutza berreskuratzear da
Alemaniako Gobernuak borondatezko erreklutamendu sistema berria aurkeztu du. Hala ere, ez dute baztertu derrigorrezko soldaduska ezartzea —2011n kendu zuten—, sistema berriaren bidez ez badute soldadu nahikorik lortzen.
Harrika hartu dute Milei Buenos Airesen, hauteskunde-ekitaldi batean
Eraso egin zioten Javier Milei Argentinako presidenteari, hauteskunde karabanan zebilela, Lomas de Zamora herrian; oposizio peronistaren "gotorlekuan", alegia. Manifestariek harriak eta beste objektu batzuk jaurti zizkioten presidenteari.
Global Sumud Flotilla, Palestinaren alde ontziak mundu osoan mugiaraziko dituen ekimena
Ekimenak dozenaka itsasontzi, 44 herrialde eta milaka boluntario biltzen ditu Israelek Gazan egiten ari den blokeoa salatzeko eta "giza eskubideak defendatzen dituzten" portuak aldarrikatzeko.
Beste gorpu bat aurkitu dute Sena ibaian, duela bi aste beste lau aurkitu zituzten lekutik gertu
Fiskaltzak ikerketa abiatu du biktima horrek beste laurekin zerikusia duen argitzeko. Dagoeneko susmagarri bat atxilotu dute.
Gutxienez bi haur hil dira Minneapolisen, eskola katoliko batean izandako tiroketan
Minneapolisko poliziaburuak emandako datuen arabera, armatutako gizon bat eraikinaren kanpoaldetik tiroka hasi da, leihotik, elizako bankuetan eserita zeuden haurren aurka. Zortzi eta hamar urteko bi haur hil dira, eta 17 pertsona zauritu dira, horietatik 14 umeak ziren eta bi oso larri daude. Erasotzaileak bere buruaz beste egin du, eta Robin Westman izenez identifikatu dute.
Kayed Hammad, kazetari gazatarra: "Kazetariak Israelgo Armadaren jomuga nagusietakoak dira, milizianoak baino gehiago"
Kayed Hammadek, orain ia 2 hilabete Gazako infernutik Espainiara heltzea lortu zuen kazetariak, hitz egin digu, etsipenak jota. Haren ustez, nabarmen argia da Gazako kazetariak Israelgo armadaren jomuga direla, eta Nasser Ospitalearen aurkako eraso bikoitza ez zela akatsa izan. Berak ez omen zuen kazetari txalekorik erabiltzen, seguruago sentitzen zelako jantzi gabe ibiltzen.
Israelek dio bahituak askatzeko "akordio integral" bat nahi duela; Hamas, ordea, erantzunaren zain
Hamasek onartutako azken proposamenak erantzunik gabe jarraitzen du, eta AEBk iragarri du "bilera handia" egingo dela, Etxe Zurian.
Mikel Ayestaran: "Ez dago inolako aldaketarik Benjamin Netanhayuren Gobernuaren estrategian"
Israelgo Segurtasun Kontseiluaren bileraren ondoren, ez dirudi Netanyahuren Gobernuak Gazako okupazioa gelditzeko asmorik duenik. Erabaki horrek haserre handia sortu du bahituen familien artean. Manifestazio jendetsuak izan dira gaur Israelgo kaleetan, ehunka mila pertsona atera dira; hala ere, ekintzak ez dira masiboak izan.