Papandreuk Sozialista Demokratikoen Mugimendua alderdia sortu du
Yorgos Papandreu Greziako lehen ministro ohia haren aitak sortutako Alderdi Sozialista Panhelenikoa (Pasok) alderditik aldendu da behin betikoz, alderdi berria sortuta.
Atenaseko Benaki Museoan izandako ekitaldian Papandreuk azaldu duenez, Sozialista Demokratikoen Mugimendua izeneko alderdia sortzea erabaki du, "herrialdeak aldaketa aurrerakoia behar duelako, ezkerreko eta eskuineko kontserbadurismoen aurka".
Papandreuk, 63 urtekoa, ez du Pasok alderdia kritikatu, vaina Gobernuko bazkide diren Demokrazia Berria alderdiaren aurka egin du. "Herrialdea gidatzeko kontserbadoreek egindako kudeaketak ahulago egin gaitu, defizita handitu du, eta infernuaren amildegira eraman du herrialdea", salatu du Papandreuk. "Inork inposatuko ez digun plan greziar bat eratzeko borrokatuko du alderdi berri honek", iragarri du lehen ministro ohiak.
Zentzu horretan, Papandreu Pasok alderditik aldendu da "sozialista demokraten paper autonomoa behar dugulako, ezin baitugu eskuinaren jarraitzaile hutsak izan".
"Gure baloreak sozialismoa, elkartasuna eta justizia soziala dira. Hitzarmen sozial berriarekin bat egiten dugu, eta desberdintasunen aurka borrokatzeko konprometituak gaude", aldarrikatu du Papandreuk.
Babesik gabe
Papandreu Greziako lehen ministroa izan zen krisi ekonomikoak euro zonaldea gogor astindu zuen garaian. 2011an herritarren babesa galdu zuen, Grezian bizi zuten krisi ekonomikoa arintzeko gai izan ez baitzen.
Politika utzi ostean, haren alderdiak (Pasok) eta Demokrazia Berriak hainbat erreforma adostu zituzten, epe luzera ekonomia greziarra hobetzeko asmoz.
Samaras: 'Syrizak amildegira eramango du herrialdea'
Bestalde, Andonis Samaras lehen ministro greziarrak hauteskunde-kanpainari hasiera eman dio, eta Syriza oposizioko indar politiko nagusiaren aurka egin du. "Syrizak hauteskundeak irabaziz gero, amildegira eramango du herrialdea".
Samarasen ustez, "2020 urtera arte, Europako diru-funtsetatik 43.000 milioi euro galduko ditu Greziak". Halaber, lehen ministroak iragarri duenez, hartzekodunekin akordiorik lotzen ez bada, Greziako bankuek 15.000 milioi euroko likidezia galduko dute, "Europako Banku Zentralaren diru-emariak bertan behera geratuko baitziren".
Gainera, Gobernuak azken urteetan abiatutako neurriak eta lortutako onurak azpimarratu ditu Samarasek, eta herritarrak horretaz ohartuko diren itxaropena azaldu du. Azkenik, hauteskundeetan irabaziz gero, hartzekodunekin berehalako akordioa adostuko dutela hitzeman du, zorra murrizteko asmoz, baina horren xehetasunik eskaini gabe.
Hauteskundeak Grezian
Greziak hauteskunde orokorrak egingo ditu datozen urtarrilaren 25ean. Antonis Samaras lehen ministroak hauteskundeak deitzera behartuta ikusi du haren burua, Errepublikako presidentea aukeratzeko Parlamentuko indar politikoek adostasunik lortu ez zutelako.
Inkesten arabera, SYRIZA muturreko ezkerreko koalizioa herrialdearen lehen indar politiko bihurtuko da, eta hurbiletik Demokrazia Berria egungo Gobernuaren alderdiak jarraituko dio. Halaber, baliteke Pasok, 60ko hamarkadatik Grezian nagusia izan den alderdia, Parlamentutik kanpo geratzea, hainbat adituen aburuz.
adituen aburuz.Zure interesekoa izan daiteke
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".