Areagotu egin dira Armadaren eta errusiazaleen arteko erasoak Ukrainan
Gutxienez, lau zibil dira, tartean bi haur, Ukrainako Armadak herrialdearen ekitaldean igande honetan egin dituen bonbardaketatan. Eraso horiek arriskuan jar dezakete bi aldeek adostutako su-etena.
Ukrainako Gobernuak berri eman duenez, 7 eta 16 urteko bi mutiko hil dira Vuhlehirsk hirian, Gobernuaren eraikin baten kontra jaurtitako misil batek harrapatuta. Bestalde, errusiazaleek salatu dute beste bi pertsona ere hil dituztela Gorlovka hirian, autobus geltoki baten kontra egindako erasoan. Halaber, 16 lagun zauritu direla adierazi dute.
Errusiazaleen esku dauden posizioen aurkako bonbardaketa masiboa hasi du Ukrainako Armadak igande honetan, Petro Poroshenko Ukrainako presidentearen aholkulariak Facebooken bidez jakinarazi duenez.
Donetskeko Gobernuaren aholkulari Alexander Kiriakovek azaldu duenez, erasoak gutxi batzuk dira oraindik ere, baina indar handikoak, eta hainbat etxebizitzen aurka, alegia. Halaber, "hildako eta zauritu kopuru handia" egon daitezkeela iragarri du.
Su-etena, bertan behera
Zentzu horretan, Errusiaren aldeko milizia separatistek ere bonbardaketak areagotu direla salatu dute. Ukrainako Armadak tankeak ditu Donetsk hirian kanpoaldean.
"Ukrainako militarrek denetarik dute: artilleria, Grad misilak, morteroak eta jaurti-granadak", esan du Vladimir Motuzenko Donetskeko aholkulari militarrak.
Joan den abenduan "isiltasun ituna" sinatu zuten bi aldeek Donbass eskualdean, 2014ko irailean Minsken hitzartutako su-etena abiatzeko. Gaurko erasoak amaiera eman dio su-etenari.
Errusiaren aldeko miliziek atzo iragarri zutenez, Donetskeko aireportua haien mende dago, azken hilabeteetan borroka biziak izan ostean.
OSCEren eskaera
OSCE Europako Segurtasunerako eta Lankidetzarako Elkarteko begiraleek bonbardaketa berehala amaitzea exijitu dute, Russia Todayk zabaldu duenez.
Bestalde, kezka da nagusi Errusian. Dmitri Peskov Kremlineko bozeramaileak esan duenez, "Mosku oso kezkatuta dago Ukrainako ekialdeko erasoak areagotu direlako, eta horrek irtenbide baketsua lortzea zailtzen duelako". "Kieveko Gobernuak gerra berriro piztu nahi du", egotzi dio.
5.000 pertsona inguru hil dira joan den otsailetik hona Donetsk eta Luganskeko eskualdeetan, altxamendu separatistaren aurka Kieveko Gobernuak operazio militarra abiatu zuenetik.
Zure interesekoa izan daiteke
Hamar palestinar zauritu dituzte, bi tiroz, Israelgo kolonoek Zisjordanian egindako beste erasoa batean
Aita Santuak "Zisjordaniako populazio zibil palestinarraren aurkako indarkeriak bertan behera uztea" eskatu du, eta nazioarteko komunitateari premiaz eskatu dio "bi Estatuen konponbidea aurrera eraman dezatela, bake justu eta iraunkor baterako".
Gazan "gauero 30-40 pertsona hiltzeko" deia egin du Ben Gvir Israelgo ministroak
"Uste dut hilketa selektiboak egin beharko liratekeela Gazan, gauero 30-40 pertsona desagerraraziz. Ez soilik berehalako mehatxua direnak; badira han bizitzea merezi ez duten pertsonak. Ez lukete bizi behar. Ez dira pertsonak ere", esan du Segurtasun ministroak.
Landetako suteak hobera egin du, baina oraindik ez dute kontrolpean
Suak 1.700 hektareari eragin dio jada eta 550 suhiltzaile inguru ari dira itzaltzeko lanetan. 650 lagun atera behar izan dituzte euren etxeetatik eta kanpingetatik eta 50 pertsonak gaur gauean itzultzeko baimena jaso dute.
AEBk Hamasi hitzeman dio Israel Gazatik erretiratuko dela armagabetzeak aurrera egin ahala
Jared Kushnerrek Egipton azpimarratu du 2025ean adostutako bake-plana ez dela berriro negoziatuko eta haren baldintzak beteko direla.
Landetako baso-sutea berpiztu egin da eta 1.600 hektarea erre ditu
Luglon udalerriaren hegoaldean hasi zen sua, Mont-de-Marsanetik 30 kilometrora, eta Garein ingurura zabaldu da. 700 pertsona inguru ebakuatu dituzte prebentzioz.
7,7 graduko lurrikara batek hildakoak eragin ditu Indonesian
Lurrikarak Flores uhartea astindu du goizaldean, eta iparraldeko kostaldearen parean eta 15 kilometroko sakoneran izan du epizentroa. 2.000 pertsona ebakuatu dituzte, baina zaurituak eta kalte materialak eragin ditu.
Trumpek esan du Ormuzko itsasartea AEBko lurraldetzat joko duela "laster"
Iran "garaitu" ostean egingo duela eta Washingtonen baimenik gabe itsasontziek ezingo dutela itsasartea zeharkatu adierazi du. Teheranen hitzetan, "ezin da txioak, hegazkin-ontziak, dekretuak edo hauteskundeetako hitzaldiak baliatuta bereganatu".
Frantziako Konstituzionalak baliogabetu egin du 15 urtez azpikoei sare sozialak erabiltzeko debekua
Epai horren harira, Emmanuel Macron Frantziako presidenteak Sebastien Lecornu lehen ministroari eskatu dio Gobernuak "testu juridikoki sendoa" presta dezala, epaia bera eta Europako araudia aintzat hartuta, eta erreforma "2027ko udaberria baino lehen" indarrean sartzeko asmoari eusten diola gaineratu du.
Kolonbian 285 dira jada lurrikararen ondorioz hildakoak, eta 379 desagertu daude oraindik
7,4 graduko lurrikararen epizentroa San Jose del Palmarren izan zen, Ozeano Bareko kostaldean dagoen Choco departamenduko herrian. Azken datuen arabera, 3.975 pertsona zauritu eta 45.523 familia kaltetu dira. Horrez gain, 12.828 etxebizitza suntsitu dira.
20 elefanteren heriotza misteriotsuak alarma piztu du Kenyan
Amboseli parke nazionalean, Kenyako turismo-gune nagusietako batean, gutxienez 20 elefanteren heriotza zerk eragin duen ikertzen ari dira. Animaliek sintoma berberak dituzte: paralisia, ibiltzeko zailtasunak eta arnasa hartzeko arazoak. Fauna basatiak garrantzia handia du bertako ekonomian, eta kezka gero eta handiagoa da. Albaitariek, zientzialariek eta agintariek ikertzen jarraitzen dute heriotza horiek zerk eragin dituen argitzeko.