Tsipras, Greziaren zorraz EBrekin akordioa lortzeko itxaropentsu
Alexis Tsipras Greziako lehen ministroa "oso baikor" mintzatu da asteazken honetan Bruselan, Europako erakundeetako ordezkariekin hainbat bilera egin ondoren. Are gehiago, Greziaren zorrari eta erreskatearen negoziazioari buruz Europar Batasunarekin akordioa lortzeko itxaropena agertu du.
"Eztabaida hauen ondotik, oso baikorra naiz eta bide onetik goazela uste dut. Oraindik ez dugu adostasunik lortu, baina akordio bideragarri bat aurkitzeko norabide onean goaz", adierazi du Tsiprasek kazetarien aurrean. Greziako lehen ministroa Martin Schulz Europako Parlamentuko presidentearekin, Jean-Claude Juncker Europako Batzordeko presidentearekin eta Donald Tusk Europako Kontseiluko presidentearekin batzartu da.
"Gure helburua Greziako herriaren burujabetza eta gure herritarrek eman diguten agindu argia errespetatzea da, eta, aldi berean, Europar Batasuneko arauak errespetatzea. Marko hori zuzentzea da gure nahia, ez suntsitzea. Marko horren baitan, gure herritarrentzat konponbide bideragarri bat aurkitu dezakegula uste dugu", azpimarratu du Tsiprasek.
"Badakit Europar Batasunaren historian desadostasun asko izan direla, baina azkenaldian akordioak eta itunak ere izan dira. Norabide horretan lan egiteko borondatea daukagu eta bi aldeentzat onargarria izango den akordioa lortzeko lanean ari gara", gaineratu du.
Martin Schulz Europako Parlamentuko presidentea ere oso baikor mintzatu da, Europar Batasunaren eta Greziaren arteko akordioa lortzeko aukeraz galdetuta. "Garai zailak ditugu aurretik, oraindik ez ditugu beharrezko konponbideak esku artean, baina lehen ministro greziarra Europarekin lankidetzan lanean ari dela uste dut eta ez Grezia banatzearen alde, eta hori da bide egokia", adierazi du Schulzek.
"Gure bileraren ondotik, oso baikorra naiz, eta bi aldeak elkar ulertzeko ahaleginetan ari direla uste dut", azaldu du Europako Parlamentuko presidenteak. Horren iritziz, Tsipras Europar Batasunarekin hitz egiteko prest agertu da, eta "elkarrizketa da konpromiso eta konponbide eraikitzaileak sortzeko oinarria".
Europar Batasuneko politika ekonomikoa aldetzeko eskatu dio Tsiprasek Hollanderi
Arratsaldean, François Hollande Frantziako presidentearekin bildu da Tsipras. Bere proposamenak “errealistak” direla eta akordioa “posible” dela esan ostean, Europar Batasuneko politika ekonomikoa goitik behera aldatzeko eskatu dio Tsiprasek Hollanderi.
“Europar Batasuna egonkorra izango bada, politika ekonomikoa aldatu behar da, politika ekonomikoa hazkundea oinarritu behar da”, azaldu du. Tsipras eta Hollande ordu eta erdiz izan dira bilduta Elisioko Jauregian, eta ondoren agerraldi bateratua egin dute.
Azkenen egunetako mezuari eutsiz, Tsiprasek berretsi egin du Grezia ez dela mehatxua Europako gainerako herrialdeentzat, eta proposamen “errealistak” egiten ari direla,
ten ari direla,Zure interesekoa izan daiteke
Frantziak bere base batzuk erabiltzea baimendu die AEBko hegazkinei, "Ekialde Hurbileko bazkideak babesteko"
Macronen Gobernuak baldintza bat jarri du: laguntza-hegazkin estatubatuar horiek ezingo dira erabili Iranen aurkako operazioetarako, baizik eta Ekialde Hurbilean dauden "bazkideak babesteko".
Espainiak Ziprera fragata bat bidaliko du Iranek Erresuma Batuaren base militarra eraso ostean
Defentsa Ministerioak azaldu duenez, Espainiak "Europar Batasunaren eta ekialdeko mugaren defentsarekin duen konpromisoa erakusten du" mugimen horrekin.
13 urteko kartzela zigorra ezarri diote Berlinen turista bilbotar bat larri zauritu zuen atentatuaren egileari
Erasoa iazko otsailean gertatu zen, Europako Hildako Juduen Monumentuaren ondoan. Biktima, Bilboko 30 urteko gazte bat, erasotik bizirik atera zen Alemaniako hiriburuan hainbat egun ospitalean eman ondoren.
Macronek eta EBk babesa adierazi diote Espainiari, Trumpen mehatxu komertzialen aurrean
Sanchezek esker ona adierazi du, EBko erakunde nagusietako presidenteek eta Europako bazkideek (Frantziak, esaterako) laguntza eskaintzeko dei eta mezuak bidali dizkiotelako.
Israelek Iranek izendatutako edozein buruzagi hil egingo duela ohartarazi du Israel Katz Defentsa ministroak
Israelgo aireko armadak asteartean eraso egin zion Ali Khamenei aiatolaren ondorengoa aukeratzeko Adituen Batzordea biltzekoa zen eraikinari, Qom hiri santuan, izendapen prozesua etenarazteko ahaleginean. Hala ere, une horretan 88 erlijio-gizonak ez zeuden eraikinean bilduta.
Trumpek Espainiarekin duen merkataritza-harremana etengo duela mehatxu egin du, Irango gerrarekiko duen jarreragatik
Espainiako Gobernuak Trumpi erantzun dio, eta nabarmendu diu NATO eta Europako Defentsa konpromisoak bete egiten dituela. Era berean, ohartarazi dio EBren eta AEBren arteko akordioak errespetatu beharko dituela, aldebiko harremanak berrikusi nahi baditu.
Sidenor auziko epaileak mediku palestinar bat onartu du biktima eta akusazio partikular gisa
Akusazio partikular horrekin, Sidenorreko hiru arduradunak kontrabando delituaz gain, genozidio delituaren, gizateriaren aurkako delituaren eta gatazka armatuan babestutako pertsonen eta ondasunen aurkako delituan konplize gisa ikertu ahal izateko baldintza beteko litzateke. Fiskalak Sidenorreko erregistroak baliogabetzeko eskatua zuen, eta kontrabandoa ez beste delituen akusazioak erretiratzea, hain zuzen ere, baldintza hori betetzen ez zelako. Ikusteko dago, orain, ikerketak zer norabide hartuko duen.
Von der Leyenek Ekialde Hurbileko krisiaren "ondorioei" aurre egiteko prest egotea eskatu dio EBri
Frantzia prest agertu da Iranen erasoen aurrean Golkoko eta Jordaniako herrialdeen defentsan parte hartzeko, eta Alemaniak, berriz, baztertu egin du Iranen aurkako erasoarekin bat egitea, eta bere tropek eskualdean duten papera autodefentsara mugatuko du.
Israelek Iranen lur azpiko kuartelei eraso die, Teheranen
Israelgo Armadaren arabera, 100 eraso baino gehiago egin ditu lurpeko kuartelen kontra, eta jaurtitzeko baseak eta misil balistikoak ere suntsitu ditu. Azpimarratu duenez, "behar beste denbora" iraungo du gerrak . Larunbatetik, 555 pertsona hil dituzte Iranen, Ilargi Gorriaren arabera.
Petrolioaren prezioak gora egin du eta gorabeherak daude itsas eta aire trafikoan, Ormuzko itsasarteko tentsioaren ondorioz
Ontzi enpresa nagusiek ez dute handik igaro nahi, eta zer gertatuko zain daude. Halaber, 3.000 hegaldi baino gehiago bertan behera utzi dituzte asteburuan, Ekialde Hurbileko gatazka lehertu denetik.