Frantziak bere base batzuk erabiltzea baimendu die AEBko hegazkinei, "Ekialde Hurbileko bazkideak babesteko"
Macronen Gobernuak baldintza bat jarri du: laguntza-hegazkin estatubatuar horiek ezingo dira erabili Iranen aurkako operazioetarako, baizik eta Ekialde Hurbilean dauden "bazkideak babesteko".
Frantziako Gobernuak bere base militar batzuk —Frantzian bertan dituenak— erabiltzea baimendu die Ameriketako Estatu Batuetako laguntza-hegazkinei, Ekialde Hurbilean dauden "bazkideak babesteko".
Frantziako Armadako bozemaile batek jakinarazi du berria. Bere hitzetan, Frantziako hainbat base militar erabiltzeko baimena dute AEBko laguntza-hegazkinek, "aldi baterako". Hasiera batean, zabaldu da Frantziak Ekialde Hurbilean dituen baseak erabiltzeko baimena izango dutela estatubatuarrek, baina informazio hori okerra dela azaldu du Armadako eledunak.
Nolanahi ere, baldintza bat jarri du Emmanuel Macronek zuzentzen duen Gobernuak: laguntza-hegazkinak ezingo dira erabili Iranen aurkako operazioak egiteko, Ekialde Hurbilean dauden bazkideei laguntza emateko baizik.
Espainiako Gobernuak AEBri Morongo (Sevilla) eta Rotako (Cadiz) base militarrak erabiltzea ukatu eta bi egunera iritsi da Parisen erabakia. Pedro Sanchezen Gobernuak esan zuen Iranen aurkako operazioak ez zuela tokirik Nazioarteko Zuzenbidean, eta erabaki horrek Donald Trump AEBko presidentearen haserrea eragin zuen: Espainiarekin merkataritza-harremanak etengo zituela mehatxu egin zuen buruzagi errepublikanoak.
Macronek berehala agertu zion elkartasuna Sanchezi. Presidente frantziarrak ere berretsi zuen Iranen kontrako erasoak ez duela Nazioarteko Zuzenbidea errespetatzen. "Parisek ezin du bat egin", adierazi zuen.
Joan den larunbatean AEBk eta Israelek Iranen aurkako erasoa abiatu zutenetik, gatazka eskualdeko hainbat herrialdetara zabaldu da. Iranek gogor erantzun du, Israelen eta estatubatuarrek Ekialde Hurbilean dituzten interesen aurka erasoak eginez.
Bost egunetan, mila pertsona baino gehiago hil dira Iranen, bertako agintarien arabera. Tartean, Ali Jamenei Irango buruzagi gorena eta Armadako hainbat buruzagi.
Zure interesekoa izan daiteke
Iranek murrizketak ezarri ditu berriro Ormuzko itsasartean
AEBk Irango portuei ezarritako blokeoa altxatu ezean, itsasartea berriro zarratuko zuela ohartarazi zuen Teheranek, eta ohartarazpena bete egin du gaur. Donal Trump AEBko presidenteak ere ez du tentsioa baretu, eta jakinarazi du asteazkenerako Iranekin akordioa lortzen ez badu "bonbak berriro jaurtitzen" hasiko dela.
Iranek iragarri du Ormuzko itsasartea "erabat zabalik" egongo dela su etena indarrean dagoen bitartean
Israelen eta Libanoren arteko menia indarrean sartu berritan egin du iragarpena Irango Atzerri ministroak. Adierazi duenez, Irango Portu eta Itsas Erakundeak "jakinarazitako eta koordinatutako" bidea jarraitu beharko dute ontziek.
EBk dio Ormuzen irekiera albiste ona dela baina azpimarratu du joan-etorriek doakoak izan behar dutela
"Bertatik igarotzearren bidesaria ordainarazteak aurrekari arriskutsua ezarriko luke", adierazi du Kaja Kallas Europar Batasuneko Kanpo Arazoetarako goi ordezkariak. Bestalde, krisiaren harira eta Frantziak eta Erresuma Batuak deituta, Parisen bildu dira 50 herrialde eta nazioarteko erakunde. Iragarri dutenez, Persiar golkotik igarotzen diren ontziei "laguntza eta babesa" emango dien itsas misio "neutrala" abiatuko dute.
Israel su etena urratzen ari dela dioten mezuei entzungor, etxera itzultzen hasi dira milaka libanoar
Libanoren eta Israelen arteko menia gauerdian sartu da indarrean. Lehen orduotan, Libanoko Armadak salatu du Israelgoak su etena urratu duela, eta Hezbollahk ohartarazi du "hatza kakoan" dutela bere matxinoek. Ohartarazpenei entzungor, etxera bueltatzeari ekin diote milaka libanoar, eta ilarak sortu dira hegoaldeko hainbat autobidetan.
Israel eta Libanoren arteko 10 eguneko su-etena iragarri du Trumpek
Menia bi nazioen arteko "segurtasun eta bake akordio iraunkorra" lortzeko negoziazioak ahalbidetzera bideratuta dago. Tregoa luzatu ahal izango da negoziazioek aurrera egiten badute.
"Antisemitismo modu berriei" aurre egiteko lege-proposamenak polemika bizia eragin du Frantzian
Caroline Yadan diputatuaren ekimenak Asanblea Nazionala eta iritzi publikoa zatitu ditu. Kritikoek ohartarazi dute Israelen aurkako kritikak isilarazteko erabili daitekeela legea, besteak beste.
Repsolek Venezuelan egiten dituen operazioen kontrola berreskuratu du, eta gehiago ekoizteko baldintzak hitzartu ditu
Repsolen Venezuelako ekoizpena 45.000 upel gordin ingurukoa da gaur egun, batez ere Petroquiriquire petrolio-hobian. Konpainia prest dago petrolioaren ekoizpen gordina % 50 handitzeko 12 hilabeteko epean.
Libanoko presidenteak funtsezkotzat jo du Israelek atzera egitea su-etena ahalbidetzeko
Bi aldeen arteko liskar armatuek 2.000 hildako inguru eta milioi bat desplazatu baino gehiago utzi dituzte jada. Netanyahuren Gobernuak eraso armatuak justifikatzeko azaldu du talde islamistak koheteak jaurtitzen dituela.
Bruselak telelana derrigorrez ezartzea proposatu du, prezioen igoeraren eta Ormuzeko tentsioaren aurrean
Europako Batzordea neurri sorta bat prestatzen ari da prezioen igoerari aurre egiteko. Oraindik zirriborroa bada ere, datorren astean aurkeztuko dute, estatu kideek berehala aplika dezaten.
Azken hamarkadetako gatazka krudel eta bortitzenetako bat bizi dute Sudanen
Hiru urte bete dira Afrikako herrialde handienean gerra hasi zenetik, baina ezkutuan egon izan da. Ez dao¡go hildakoen kopuru zehatza jakiterik: 150.000 izan daitezke, baina kopurua askoz handiagoa izan liteke. Gosete latza dago han, eta milioika desplazatu eragin ditu. Urteurrenean, goi-bilera egin dute Berlinen laguntza humanitarioa bideratu eta irtenbide politikoa bilatzeko asmoz, baina borrokan ari diren bi aldeek ez dute parte hartu.