Greziak publiko egin ditu Eurotaldeko negoziazioen dokumentuak
Greziako Finantza Ministerioak Interneten aireratu ditu erreskateari buruz Eurotaldean egin dituzten azken bi bileretako negoziazioaren dokumentuak, tartean Yanis Varoufakis ministroak estatu kideekin ateak itxita egindako adierazpenak.
Era berean, Pierre Moscovici komisarioak aurkeztu omen zuen dokumentu bat ere publikatu dute. Varoufakisek esan zuen dokumentu hori sinatzeko prest zegoela, egungo mailegua luzatzea onartzen zuelako, baina Eurotaldearen bilera hasi baino lehenago erretiratu zuten proposamena, eta Atenasek onartezintzat jo zuen eta negoziazioak haustea eragin zuen beste batekin ordezkatu zuten.
Eurotaldean egindako agerraldian Varoufakisek adierazi zuenez, "gure Gobernua prest dago maileguaren kontratua abuztu amaierara arte, edo Eurotaldeak egoki jotzen duen datara arte, luza dadila eskatzeko, epe horretan baldintza batzuk adosteko, eta epea amaitzen denean Europako Batzordeak berrikusteko". Horrela, "Greziak eta bere kideek Greziaren Hazkunderako eta Oparotasunerako Kontratu berri bat elkarrekin diseinatzeko aukera egongo da", gaineratu zuen.
Atenasek mailegu kontratuaren baldintzak errespetatzea, egungo aurrekontua edo finantza egonkortasuna arriskuan jarriko lukeen neurririk ez hartzea, eta zorraren kitapenik ez ezartzea eskaintzen zion Eurotaldeari. Horren truke, kideei "neurri atzerakoirik" ("pentsioen murrizketa edo BEZaren igoera", esaterako) ez inposatzeko eskatzen zien.
Negoziatzeko dokumentu horietan, Greziak aitortzen du "finantzazio beharra" duela 2015erako, eta datozen hilabeteetarako "kezka handia eta premiazkoa" dela. Urtarrilaren amaieran, erreskatearen kontratuan aurreikusten zena baino 2.000 milioi euro gutxiago jaso zituzten zerga bidez; eta Nazioarteko Diru Funtsari, Europako Banku Zentralari eta beste hartzekodun batzuei 17.000 milioi euro baino gehiago eman behar dizkiete aurten.
Bankuen premiazko finantziaziorako laguntza handitu dute
Bestalde, Europako Banku Zentralaren Gobernu Kontseiluak Greziako bankuen premiazko finantziaziorako laguntza handitzea erabaki du. Hala, banku zentral nazionalaren bitartez egin ahalko diete aurre Greziako bankuek finantziazio beharrei.
EBZk Greziaren eskakizuna bete du, eta 3.300 milioi euro gehiago (68.300 milioi euro, guztira) bideratuko ditu laguntzetara, The Wall Street Journal egunkariak jakitera eman duenez.
Albiste gehiago mundua
Mikel Ayestaran: "Ez dago inolako aldaketarik Benjamin Netanhayuren Gobernuaren estrategian"
Israelgo Segurtasun Kontseiluaren bileraren ondoren, ez dirudi Netanyahuren Gobernuak Gazako okupazioa gelditzeko asmorik duenik. Erabaki horrek haserre handia sortu du bahituen familien artean. Gaur ehunka mila pertsona atera dira Israelgo kaleetara manifestazio jendetsuetan, baina ez masiboetan.
Astelehenean bonbardatu zuen ospitalean “Hamasen kamera bat” zegoela argudiatu du Israelek, ebidentziarik aurkeztu gabe
Israelgo Armadak "hasierako ikerketa" bat aurkeztu du astelehenean gertatutakoaren inguruan, baina ez du ebidentziarik eskaini bere defentsa frogatzeko. Erasoetan, 20 pertsona hil zituzten, tartean bost kazetari.
Netanyahuren aurkako protesta jendetsua Tel Aviven
Milaka pertsona kalera atera dira Israelgo Gobernuari presioa egiteko eta bahituak askatzea ekarriko duen Gazarako su-eten akordioa sinatzea eskatzeko. Egunean zehar, Israelgo hainbat hiritan martxak egin dituzte eta herrialdeko errepide garrantzitsuenetako batzuk blokeatu dituzte. Orain arte izandako mobilizaziorik jendetsuenak izan dira gaurkoak.
Hiru hildako eta 10 zauritu inguru utzi ditu Kajiki tifoiak Vietnamen
Kajiki tifoia "oso indartsu eta arriskutsutzat" jo dute Vietnamgo agintariek. Nghe An eta Ha Tinh probintzien artean jo du lurra, 90 eta 117 km/h arteko haizeekin eta 150 km/h-ko ufadekin.
Hondar-ekaitz ikusgarri batek Arizonako Phoenix hiria estali du
Ekaitzarekin batera, tximista ugari eta 110 km/h-tik gorako haize-boladak izan dira. AEBtako aireportu garrantzitsuenetakoa den Sky Harbor Nazioarteko Aireportuan hainbat hegaldi bertan behera utzi behar izan dituzte.
Mikel Ayestaran: "Ez dago itxaropen handirik bahituak askatzeko negoziazioen inguruan"
Israelgo Segurtasun Kontseiluaren gaurko bileran bi gai nagusi izango dituzte mahai gainean: Gazako hiriaren inbasioa eta bahituak askatzeko negoziazioak. Nahiz eta Hamasek bitartekarien azken proposamena onartu, Netanyahuk baldintzak aldatu ditu eta bahitu guztiak batera askatzea eta Hamas armagabetzea eskatzen ditu. Familiek badakite euren azken aukera dela, eta hainbat protesta deitu dituzte gaurko.
Sozialistek ez dute Bayrouren konfiantza mozioa babestuko, eta Frantziako Gobernuaren etorkizuna kolokan jarri dute
Aurrerakoiak eta ultraeskuindarrak irailaren 8an ados jarriz gero, Exekutiboak dimisioa aurkeztu beharko du.
Helikoptero bat urmael batean erori da Frantzian, sute bat itzaltzeko ura hartzen ari zenean
Istripua Rosporden herrian gertatu da, Frantziako Finistere departamentuan, sute bat itzaltzeko lanetan ari zen helikoptero bat ura kargatzera joan denean. Maniobra egiten ari zela biraka hasi da eta azkenean uretara erori da. Zorionez, bi bidaiariak onik atera dira.
Gazan kazetarien hilketengatik justizia eskatu du NBEk
Gutxienez 245 kazetari palestinar hil dituzte Gazan 2023ko urriaren 7an gerra hasi zenetik, bertako Gobernuaren arabera.
Bayrouren hordagoa: bere Gobernua erorarazi lezakeen konfiantza mozioa egin du
Urte politikoaren hasiera malkartsu dator Frantziako Estatuan, bereziki aurrekontuak direla eta. François Bayrou lehen ministroak 40.000 milioi euroko murrizketak iragarri zituen 2026ko kontuetarako, eta hautsak harrotu zituen. Gauzak horrela, gaur jakinarazi du konfiantza mozioa egingo duela Asanblea Nazionalean, irailaren 8an.