Hezbollak Libanotik eraso dio Israeli, eta Israelgo Armadak Beirut bonbardatu du
Donald Trump AEBko presidenteak Venezuelaren antzeko trantsizioa proposatu du Iraneraok, eta erasoaldiak "lau aste edo gutxiago" iraun dezakeela adierazi du.
Hezbollah talde xiitak hainbat jaurtigai bota ditu Israelgo iparraldera Libanotik, eta Israelgo armadak eraso horiei erantzun die, Libanoko lurraldearen kontra bonbardaketak eginez, Beirut hegoaldeko auzoetan, besteak beste.
Israelgo Defentsa Indarrek jakitera eman dutenez, gauerdia pasatxo zenean aktibatu dituzte alertak herrialdearen iparraldean. Aire Armadak jaurtigai bat atzeman du, gutxienez, eta ez da biktimarik eta kalterik izan, baina beste suziri batzuk erori dira eremu irekietan.
Ordu batzuk geroago, Hezbollahk bere gain hartu du erasoa, Haifa hegoaldean, Al Jazeera hedabideak zabaldutako ohar batean jakinarazi denez. Taldeak ziurtatu du "bidezko defentsan" eta Ali Khamenei aiatolaren heriotzari erantzuteko ari dela.
Bestalde, Israelgo Armadak adierazi du gogor erantzuten ari dela, Libano osoan Hezbollahren helburuen aurkako bonbardaketak eginda. Gainera, Israelek areagotu egin ditu Ghadir ibai inguruko erasoak, Beiruteko hegoaldeko aldirietan.
Israelek eta Ameriketako Estatu Batuek (AEB) Iranen aurka egindako oldarraldiaren ostean hasi dira erasoak eta 200 hildako baino gehiago utzi dituzte, Khamenei eta hainbat goi-agintari militar barne. Ordutik, Iranek Israelen eta AEBren aliatuen aurkako erasoekin erantzun du, eta hamar bat hildako eragin ditu gutxienez.
Gutxienez 20 hildako Teheranen goizaldean izandako erasoetan
Gutxienez 23 pertsona hil dituzte Teheranen, AEBk eta Israelek goizaldean egindako erasoetan, Mehr albiste agentziak zabaldutako informazioaren arabera.
Era berean, Iran hegoaldeko eskola baten aurkako erasoan hildakoen kopurua eguneratu du Osasun Ministerioak. Azken kontaketaren arabera, gutxienez 180 lagun hil dituzte eraso horretan.
Asteburuan Israelek eta Ameriketako Estatu Batuek (AEB) Iranen aurka erasoaldia hasi zutenetik, gutxienez 200 pertsona hil dira, larunbateko azken balantzearen arabera.
Trantsizioa, Iranen
Testuinguru horretan, Donald Trump AEBko presidenteak nazioarteko hedabideei egindako elkarrizketetan esan du Iranen trantsizioa egiteko hainbat aukera daudela mahai gainean.
Era berean, proposatu du Irango herritarrek bere gobernua ordezkatzeko mobilizatzeko aukera izan dezaten, erasoaldi militarra amaitu ondoren.
Beste adierazpen batean, Irango etorkizun politikorako "hiru aukera oso on" dituela adierazi du agintariak, baina ez du horren inguruan ezer zehaztu.
Zure interesekoa izan daiteke
Ukrainak eta Errusiak hiru egunez etengo dituzte erasoak, AEBko ordezkaritzaren bisita amaitu arte
AEBko ordezkariak, Steve Witkoff eta Jared Kushner, larunbat goizean iritsi dira Moskura, AEBko hegazkin militar berezi batean. Kremlinekin harremanetan jartzea eta, aurreikuspenen arabera, Ukrainako gerrari amaiera emateko proposamen bat aurkeztea dute helburu.
Nolakoa da NBEk planteatzen duen munduko mapa berria?
Nazio Batuen Erakundearen Batzar Nagusiak erabaki du mapamundiaren egungo diseinua erabiltzeari uztea kontinenteen tamainarekiko leialagoa den beste bat erabiltzen hasteko. Mapa berrian, adibidez, Afrika handiagoa izango litzateke.
Bizirik erreskatatu dituzte Nepalgo tunel batean harrapatuta geratu ziren bi langile, eta bizirik gehiago daudela esan dute
Uholdeak gertatu eta hamar egunera, bi gizonak tunelaren sarreratik 170 metrora aurkitu dituzte, erreskate taldeek barrutik zetozen ahotsak entzun ostean. Familien ustez, "miraria" izan da.
Mileik zigorrak iragarri ditu Malvinetan lan egiten duten enpresentzat eta base militar berri bat Suaren Lurraldean
Argentinako presidenteak artxipelagoaren inguruko estrategia gogortu du, eta Donald Trumpek gai horretan AEBren orain arteko neutraltasuna berrikustea proposatu du; Erresuma Batuak, bere aldetik, berretsi du uhartedi horrekin duen konpromisoa "erabatekoa eta mugiezina" dela.
Gloria Steinem ikono feminista hil da, 92 urte zituela
Idazle eta kazetariak bularreko minbizia izan zuen 80ko hamarkadan, eta 2021ean Komunikazio eta Giza Zientzien Asturiasko Printzesa Saria irabazi zuen Espainian.
Nepal, astebete geroago: 1.250 hildako eta 4.200 lagun baino gehiago agertu barik
Nepalgo Poliziak odol eta DNA laginak eskatu dizkie desagertuen senideei, ehunka gorpu identifikatzeko.
Von der Leyenek eta Ruttek "presio handiagoa" egingo diote Moskuri Leipzigeko erasoaren ostean
Europako Batzordearen presidenteak uste du horrelako gertakariak "normaltasun berria" direla, eta europarrek "aurrerapausoa ematea" eskatzen dutela.
Zelenskik ohartarazi du Errusiako aire-espazioa "oso arriskutsua" dela hegazkinentzat
Ukrainako presidenteak adierazi du Errusiako aire-espazioa de facto itxiko dela; izan ere, drone bidezko erasoak areagotu egin dira eta ezin da segurtasuna bermatu. Bien bitartean, hogeita zazpiak eguerdian bilduko dira erantzun bateratu bila, Moskuk Alemaniako aireportu batean atzo egindako "sabotaje-saiakera" dela eta.
Bruselaren arabera, ez dago frogarik Ceutako krisia atzerriko aktore estatalen desinformazioak eragin zuela ziurtatzeko
Hala ere, Errusiak sare sozialetan krisia dela eta probetxua ateratzeko saiakerak egin dituela atzeman duela baieztatu du erakundeak.
Alemaniak Errusia jo du Leipzigeko aireportuaren aurkako erasoaren erantzuletzat
Aireportu hori armak bidaltzeko gune neuralgikoa da, Ukrainako gerrarekin lotutakoak barne.