Greziaren aurkako ardatza osatzea egotzi diete Portugal eta Espainiari
Alexis Tsipras Greziako lehen ministroak "Atenasen kontrako ardatza" eratzea egotzi die Espainiari eta Portugali. Haren esanetan, Graziako gobernua botatzen saiatu dira, eta Eurotaldearekin zabaldutako negoziazioak porrotera eramaten ahalegindu.
"Espainiak eta Portugalek gidatutako botere ardatz baten aurrean gaude, eta nabariak diren arrazoi politikoak tarteko, Espainia eta Portugal negoziazioak porrotera eramaten ahalegindu dira", adierazi du Tsiprasek Syrizako batzorde zentralaren aurrean egindako hitzaldian.
"Bere egitasmoa gu higatzea da, gure Gobernua eraistea eta gu baldintzarik gabeko errendizio batera eramatea; gure lana fruituak ematen hasi baino lehen eta Greziaren adibideak beste herrialde batzuei eragin baino lehen", baieztatu du.
Greziaren erreskatea lau hilabetez luzatzeko eurotaldearekin lortutako akordioa azpimarratu du Tsiprasek eta garaipen horren adibide gisa jarri ditu Angela Merkel Alemaniako kantzillerraren alderdiko diputatuek egindako kritikak. "Denok ikusi ahal izan dugu Merkelen alderdiaren barruan kritika gogorrak izan direla, Greziari kontzesio onartezinak egin zaizkionaren seinale", nabarmendu du.
Troika eta memoranduma iragana direla baieztatu du buruzagi greziarrak. "Galdutako duintasuna berreskuratu dutela sentitzen dute herritarrek. Krisi humanitarioa da negoziazioetako auzi garrantzitsuena. Nazioartean eta Europan aliatuak egin ditugu krisia gainditzeko. Presio jasanezina pairatu badugu ere, hainbat ezezko eman ditugu", arrazoitu du.
Bestalde, Yanis Varoufakis Greziako Finantza ministroak Skai telebista kateari azaldu dioenez, ez dago inolako likidezia arazorik, nahiz eta ez duen ezohiko zerga bat ezartzea baztertu. "Aurrekontuen oreka mantentzeko aparteko zerga bat ezarri behar badut egin egingo dut, baina dirua dutenek ordaindu beharko dute ez ordaintzeko adina dirurik ez dutenek", azpimarratu du.
Espainiak eta Portugalek Greziaren aurkako "ardatza" eratzea ukatu dute
Espainiako Ekonomia Ministerioak Greziaren aurkako "ardatza" eratu izana ukatu egin du eta "barne politikako baldintzek" Espainiak eurotaldean izandako jarreran ez dutela eraginik izan nabarmendu du.
Ministerioko iturriek jakinarazi dutenez, "Espainiako Gobernuak Greziarekin akordioa lortzea bultzatu du, malgutasuna, elkartasuna eta errespetua kontuan hartuta".
Bestalde, Portugalen agintean dagoen PSD alderdiak "errudunak" aurkitu nahia egotzi dio Alexis Tsipras Greziako lehen ministroari.
"Syrizaren baitako asaldurek eta zailtasunek ez dute istorioak asmatzea justifikatzen", deitoratu du Marco Antonio Costa PSDko bozeramaileak kazetarien aurrean.
tarien aurrean.Albiste gehiago mundua
Israelek dio bahituak askatzeko "akordio integral" bat nahi duela Hamas erantzunaren zain dagoen bitartean
Hamasek onartutako azken proposamenak erantzunik gabe jarraitzen du eta AEBek "bilera handia" iragarri dute Etxe Zurian.
Mikel Ayestaran: "Ez dago inolako aldaketarik Benjamin Netanhayuren Gobernuaren estrategian"
Israelgo Segurtasun Kontseiluaren bileraren ondoren, ez dirudi Netanyahuren Gobernuak Gazako okupazioa gelditzeko asmorik duenik. Erabaki horrek haserre handia sortu du bahituen familien artean. Gaur ehunka mila pertsona atera dira Israelgo kaleetara manifestazio jendetsuetan, baina ez masiboetan.
Astelehenean bonbardatu zuen ospitalean “Hamasen kamera bat” zegoela argudiatu du Israelek, ebidentziarik aurkeztu gabe
Israelgo Armadak "hasierako ikerketa" bat aurkeztu du astelehenean gertatutakoaren inguruan, baina ez du ebidentziarik eskaini bere defentsa frogatzeko. Erasoetan, 20 pertsona hil zituzten, tartean bost kazetari.
Netanyahuren aurkako protesta jendetsua Tel Aviven
Milaka pertsona kalera atera dira Israelgo Gobernuari presioa egiteko eta bahituak askatzea ekarriko duen Gazarako su-eten akordioa sinatzea eskatzeko. Egunean zehar, Israelgo hainbat hiritan martxak egin dituzte eta herrialdeko errepide garrantzitsuenetako batzuk blokeatu dituzte. Orain arte izandako mobilizaziorik jendetsuenak izan dira gaurkoak.
Hiru hildako eta 10 zauritu inguru utzi ditu Kajiki tifoiak Vietnamen
Kajiki tifoia "oso indartsu eta arriskutsutzat" jo dute Vietnamgo agintariek. Nghe An eta Ha Tinh probintzien artean jo du lurra, 90 eta 117 km/h arteko haizeekin eta 150 km/h-ko ufadekin.
Hondar-ekaitz ikusgarri batek Arizonako Phoenix hiria estali du
Ekaitzarekin batera, tximista ugari eta 110 km/h-tik gorako haize-boladak izan dira. AEBtako aireportu garrantzitsuenetakoa den Sky Harbor Nazioarteko Aireportuan hainbat hegaldi bertan behera utzi behar izan dituzte.
Mikel Ayestaran: "Ez dago itxaropen handirik bahituak askatzeko negoziazioen inguruan"
Israelgo Segurtasun Kontseiluaren gaurko bileran bi gai nagusi izango dituzte mahai gainean: Gazako hiriaren inbasioa eta bahituak askatzeko negoziazioak. Nahiz eta Hamasek bitartekarien azken proposamena onartu, Netanyahuk baldintzak aldatu ditu eta bahitu guztiak batera askatzea eta Hamas armagabetzea eskatzen ditu. Familiek badakite euren azken aukera dela, eta hainbat protesta deitu dituzte gaurko.
Sozialistek ez dute Bayrouren konfiantza mozioa babestuko, eta Frantziako Gobernuaren etorkizuna kolokan jarri dute
Aurrerakoiak eta ultraeskuindarrak irailaren 8an ados jarriz gero, Exekutiboak dimisioa aurkeztu beharko du.
Helikoptero bat urmael batean erori da Frantzian, sute bat itzaltzeko ura hartzen ari zenean
Istripua Rosporden herrian gertatu da, Frantziako Finistere departamentuan, sute bat itzaltzeko lanetan ari zen helikoptero bat ura kargatzera joan denean. Maniobra egiten ari zela biraka hasi da eta azkenean uretara erori da. Zorionez, bi bidaiariak onik atera dira.
Gazan kazetarien hilketengatik justizia eskatu du NBEk
Gutxienez 245 kazetari palestinar hil dituzte Gazan 2023ko urriaren 7an gerra hasi zenetik, bertako Gobernuaren arabera.