FARCen aurkako bonbardaketarik ez egiteko agindua, bertan behera
Juan Manuel Santos Kolonbiako presidenteak bertan behera utzi du FARCen kanpalekuen kontra bonbardaketarik ez egiteko eman zuen agindua, gerrillariek gaur 11 soldadu hil izanari erantzuteko.
Santosek segurtasun kontseiluaren ostean emandako prentsaurrekoan azaldu duenez, gaurko "erasoa nahita egindakoa" da, eta "horrek aldebakarreko su-etenerako konpromisoa urratzen" du.
Era berean, erasoa "gaitzesgarri" dela eta ez dela "zigorrik gabe geratuko" hitzeman du: "Pisuzko neurriak exijitzen ditu eta ondorioak izango ditu".
Horren harira, Kolonbiako Armadak ez omen ditu etengo "gizartea babesteko edo kontrol militarrerako ekintzak", eta mezua igorri dio FARCI: ez dela presionatzen utziko aldebiko su-etena aldarrikatzeko.
FARCek 10 militar hil ditu
FARCek gutxienez 10 militar kolonbiar hil eta beste sei zauritu ditu Cauca departamentuan, herrialdearen hego-ekialdean, iturri ofizialek jakitera eman dutenez.
Hildakoak bederatzi soldadu eta azpiofizial bat dira, Kolonbiako Indar Armatu Iraultzaileen erasoa pairatu dutenak.
FARCek abenduaren 20ean aldebakarreko su-eten mugagabea deklaratu zuenetik izan den eraso bortitzena da gaurkoa. 2012ko azarotik Habanan Gobernuarekin egiten ari diren negoziazioen baitan aldarrikatu zuen FARCek su-etena.
Gainera, Juan Manuel Santos Kolonbiako presidenteak FARCen kanpalekuen kontrako bonbardaketak bertan behera uzteko neurria 30 egunez luzatuko zuela iragarri eta astebetera izan da erasoa.
Gobernuaren "inkoherentziarengatik"
FARCek adierazi du Kolonbiako Gobernuaren "inkoherentziaren" ondorio dela erasoa, "operazio militarrak egiten ari delako su-etenean dagoen gerrilla baten kontra".
Felix Antonio Muñoz Lascarro Pastor Alape buruzagi gerrillaria "kezkatuta" agertu da, hala ere, gertakariengatik.
"Segada bat, kontrasegada bat edo eraso hutsa izan, berdin du, garrantzitsuena da kolonbiar batzuk hil direla, eta gelditu beharra dagoela. Ezin da ulertu bake prozesuan gerrillak su etena aldarrikatzen duenean, gerrilla horren kontrako operazioak egitea", berretsi du Alapek.
Alape da Kolonbiako Gobernuarekin negoziatzen ari den gerrillari nagusietako bat, eta dolua helarazi nahi izan die hildakoen senideei, baina gogoeta egiteko exijitu du, gerra gelditzeko eta su-etena aldebikoa izan dadin.
ng> izan dadin.Albiste gehiago mundua
BRICSek multilateralismoa babestu dute eta gerrak, zigorrak eta muga-zergak gaitzetsi dituzte
'Rio de Janeiroko Adierazpena' izeneko dokumentua adostu dute igande honetan Brasilgo hirian bildu diren garapen bidean dauden herrialdeen BRICS taldeko buruzagiek. Dokumentu horretan islatuta utzi dute "munduko hainbat tokitan gaur egun dauden gatazkengatik eta nazioarteko ordenaren polarizazio eta zatiketa egoeragatik" duten kezka.
70 dira dagoeneko Texasko uholdeetan hildakoak, tartean 21 haur, eta dozenaka daude desagertuta
Uda Camp Mystic kanpamentu kristauan pasatzen ari ziren hamaika adingabe eta gazte oraindik desagertuta daude. Estatuko meteorologia zerbitzuak datozen orduetan euri jasa gehiago izango direla ohartarazi du, eta baliteke gainezka egitea.
Irango buruzagi gorena berriro agertu da jendaurrean, Israelekin gerra hasi zenetik lehen aldiz
Ali Khamenei islamaren adar xiitako fededunen ospakizun baten bezperan agertu da, Teheranen.
Dalai-lamak 90 urte bete ditu, bere ondorengoa aukeratzeko prozesua abiatuta
Aukeratze prozesu hori ilusioz bizi dute gurean bizi diren budistek ere. Prozesua mistikoa da, luze jo dezake, eta dalai-lama berria izan daitekeen haurrari, besteak beste, objektuen proba egiten zaio.
Israelentzat “onartezinak” dira Hamasek su-etenari egin nahi dizkion aldaketak, baina negoziatzen jarraituko du
Laguntza humanitarioa berriro Nazio Batuen Erakundeak kudeatzea da talde islamistak egindako eskakizunetako bat.
27 neskato-begiralek osatutako talde bat desagertuta dago oraindik, Texasen izandako uholde larrien ondorioz
Dagoeneko 52 lagun hil dira Texasko erdialde-hegoaldea astindu duten uholde larriengatik. Ehunka pertsona erreskatatu dituzte kanpalekuetan, baina Hunt herrian, Guadalupe ibaiaren ondoan kanpatuta zegoen eskola-talde bat aurkitu ezinda dabiltza.
Dalai-lamak, Tibeteko budisten buruzagi espiritualak, 90 urte bete ditu
Munduko buruzagi erlijioso garrantzitsuenetakoak ekitaldi jendetsua egin du bere etxebizitzan, Indiako iparraldean, lagun ugariz inguratuta, tartean Richard Gere aktorea. 14. dalai-lamak 130 urte baino gehiago bizitzeko itxaropena du, eta Txinako inposaketei aurre egiten jarraituko duela hitzeman du.
Muskek America Party sortu du, AEBri "askatasuna itzultzeko" alderdi politikoa
“Batzuentzat alderdi bakarrekoa” den “bi alderdiko sistema” deuseztatzea da horren helburua, eta “lege liskartsuen aurrean boto erabakigarria” izan nahi du.
Miguel Uribe senatariaren aurkako atentatuaren ustezko egile intelektuala atxilotu dute
"Hilketa saiakera, armak legez kanpo eramatea eta delituak egiteko adingabeak erabiltzea" egotzita atxilotu dute atentatuaren ustezko egile intelektuala.
Paristarrak eta turistak Sena ibaian bainatzen hasi dira berriro
Mende bat geroago, paristarrak eta turistak Sena ibaian bainatzen hasi dira, berriro, Eiffel dorretik gertu. Uztailaren 5a eta abuztuaren 31 bitartean izango da bertan bainatzeko aukera, eta hiru gune egokitu dituzte horretarako: hirigune historikoaren parean (udaletxe ondoan), mendebaldean Eiffel dorrera begira eta hego-ekialdean, Bercyn. Parisko Olinpiar Jokoak eta Paralinpiar Jokoak izan eta urtebetera heldu da albistea, duela urtebete, hainbat gorabeheraren ondorioz, uraren kalitatea zalantzan jarri ostean.