Heriotza zigorra Mursirentzat, 2011ko kartzela-ihesaldiagatik
Mohamed Mursi Egiptoko presidente ohiari behin-behineko heriotza zigorra ezarri diote 2011ko iraultzan izandako kartzela-ihesaldiagatik. Iturri judizialen arabera, Hosni Mubarak orduko presidentea erorarazi zuen horrek. Gainera, Jairat al Shater Anaia Musulmanen buruzagiordeak ere zigor bera jaso du, "nazioarteko armadekin" konspiratzeagatik.
Iturri horren arabera, muftiari (herrialdeko agintari erlijiosoari) bidaliko diote epaia, Egipton ohikoa duten legez. Horrek ebazpen ez loteslea azalduko du eta behin-betiko epaia ekainaren 2an helduko da.
Presidente ohiak Wadi al Natrun kartzelatik ihes egin zuen Anaia Musulmanen beste buruzagi batzuekin batera, 2011ko urtarrilaren 28an. 18 egunez, erakunde horretako buruek kartzela inguratu zuten, Hosni Mubarak boteretik atera zuen iraultzak iraun zuen bitartean.
Mursiri 20 urteko kartzela-zigorra ezarri zioten aurretik, bere agintaldiaren azken egunetan, 2013ko uztailean, manifestarien atxiloketa eta tortura eskatzeagatik. Presidente ohiarekin batera, erakunde islamikoaren beste 105 partaidek ere zigor bera jaso dute. Erakunde horren parte izan zen Mursi, baina aldentzen joan zen presidente izateko hautagai moduan ezarri zutenean.
Al Shaterri dagokionez, beste hainbat kiderekin batera zigortu zute, Hamas palestinarrekin konspiratu zuelakoan, herrialdea ezegonkortzeko.
Egiptoko presidente ohiaren aldekoek salatu dutenez, karguek ez dute oinarri errealik eta arrazoi politikoak bultzatuta aritu dira. Gainera, Mursik ez du epaitegiaren autoritatea onartu.
Albiste gehiago mundua
Gazako Zerrendako Gobernuak ohartarazi du hegoaldea "gainpopulatuta" dagoela jada
"Gazako hiriaren okupazioak krisi humanitario berri bat sortzea du helburu, ia 700 eguneko genozidioak iraun duen tragediari gehituta", azpimarratu du Gazako Gobernuak.
Kazetarien protesta Londresen, Israelek Gazan kazetarien aurka egindako erasoak gaitzesteko
Azken orduetan Israelen bonbardaketen ondorioz bost kazetari hil direla salatu dute, eta guztira orain arte 200 baino gehiago hil direla gogorarazi dute. Gainera, gutuna igorri diote Starmer lehen ministroari, kazetarien segurtasuna bermatzeko behar diren neurriak hartzeko eskatuz.
Alemania derrigorrezko soldadutza berreskuratzear da
Alemaniako Gobernuak borondatezko erreklutamendu sistema berria aurkeztu du. Hala ere, ez dute baztertu derrigorrezko soldaduska ezartzea —2011n kendu zuten—, sistema berriaren bidez ez badute soldadu nahikorik lortzen.
Harrika hartu dute Milei Buenos Airesen, hauteskunde-ekitaldi batean
Eraso egin zioten Javier Milei Argentinako presidenteari, hauteskunde karabanan zebilela, Lomas de Zamora herrian; oposizio peronistaren "gotorlekuan", alegia. Manifestariek harriak eta beste objektu batzuk jaurti zizkioten presidenteari.
Global Sumud Flotilla, Palestinaren alde ontziak mundu osoan mugiaraziko dituen ekimena
Ekimenak dozenaka itsasontzi, 44 herrialde eta milaka boluntario biltzen ditu Israelek Gazan egiten ari den blokeoa salatzeko eta "giza eskubideak defendatzen dituzten" portuak aldarrikatzeko.
Beste gorpu bat aurkitu dute Sena ibaian, duela bi aste beste lau aurkitu zituzten lekutik gertu
Fiskaltzak ikerketa abiatu du biktima horrek beste laurekin zerikusia duen argitzeko. Dagoeneko susmagarri bat atxilotu dute.
Gutxienez bi haur hil dira Minneapolisen, eskola katoliko batean izandako tiroketan
Minneapolisko poliziaburuak emandako datuen arabera, armatutako gizon bat eraikinaren kanpoaldetik tiroka hasi da, leihotik, elizako bankuetan eserita zeuden haurren aurka. Zortzi eta hamar urteko bi haur hil dira, eta 17 pertsona zauritu dira, horietatik 14 umeak ziren eta bi oso larri daude. Erasotzaileak bere buruaz beste egin du, eta Robin Westman izenez identifikatu dute.
Kayed Hammad, kazetari gazatarra: "Kazetariak Israelgo Armadaren jomuga nagusietakoak dira, milizianoak baino gehiago"
Kayed Hammadek, orain ia 2 hilabete Gazako infernutik Espainiara heltzea lortu zuen kazetariak, hitz egin digu, etsipenak jota. Haren ustez, nabarmen argia da Gazako kazetariak Israelgo armadaren jomuga direla, eta Nasser Ospitalearen aurkako eraso bikoitza ez zela akatsa izan. Berak ez omen zuen kazetari txalekorik erabiltzen, seguruago sentitzen zelako jantzi gabe ibiltzen.
Israelek dio bahituak askatzeko "akordio integral" bat nahi duela; Hamas, ordea, erantzunaren zain
Hamasek onartutako azken proposamenak erantzunik gabe jarraitzen du, eta AEBk iragarri du "bilera handia" egingo dela, Etxe Zurian.
Mikel Ayestaran: "Ez dago inolako aldaketarik Benjamin Netanhayuren Gobernuaren estrategian"
Israelgo Segurtasun Kontseiluaren bileraren ondoren, ez dirudi Netanyahuren Gobernuak Gazako okupazioa gelditzeko asmorik duenik. Erabaki horrek haserre handia sortu du bahituen familien artean. Manifestazio jendetsuak izan dira gaur Israelgo kaleetan, ehunka mila pertsona atera dira; hala ere, ekintzak ez dira masiboak izan.