Tsipras: 'Ez da Europari ezetz esatea, xantaiari bizkar ematea baizik'
Igandeko erreferendumean "ezetz" bozkatzeko eskatu du gaur ere Alexis Tsipras Greziako lehen ministroak, eta azpimarratu du "ezezko" botoa ez dela Europari "ez" esatea, "xantaiari" bizkar ematea baizik.
"Denek uler dezatela. Jokoan dagoena ez da Grezia eurogunetik atera ala ez erabakitzea, proposatu diguten akordio ez jasangarria 'xantaiapean' onartzeko prest gauden ala ez ebaztea baizik", adierazi du Greziako lehen ministroak herritarrei zuzendutako telebistako hitzaldian.
Ildo horretan, atzo Nazioarteko Diru Funtsak (NDF) argitaratutako txostena izan du hizpide, zeinaren arabera, Greziarentzako irtenbide bakarra zorraren %30a "barkatzea" eta 20 urteko "graziako aldia" ezartzea den. "Hartzekodunek ez zuten inoiz aukera hori mahai gainean jarri negoziazioetan", gaineratu du Tsiprasek.
Lasaitasunez botoa emateko eta bozketa prozesuan bestearen iritzia errespetatzeko dei egin du Tsiprasek.
"Astelehenean denok batuta egongo gara. Ezetza ez da Europari ezetz esatea. Ultimatumei, xantaiei eta zatiketari ezetz esateko dei egiten dizuet. Eman dezagun botoa lasaitasunez eta argumentuak erabilita, ez gaitzespenekin", gaineratu du.
Igandeko erreferendumari begira, azken inkestek garaipen estua iragartzen diote baietzaren aldekoei. Inkesten arabera, hiritarren % 44,8 baietzaren alde daude eta % 43,3, ostera, kontra. Bien bitartean, oraindik botoa erabaki gabe dutenen portzentajea % 11,8koa da.
Zure interesekoa izan daiteke
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".