Europako Kontseiluak eurozonaldeko goi-bilera deitu du astearterako
Donald Tusk Europako Kontseiluko presidenteak eurozonaldeko buruzagien goi-bilera deitu du astearterako, 16:00etan GMT orduan, Europako hainbat iturrik jakinarazi dutenez. "Euroaren goi-bilera deitu dut astearte arratsalderako, galdeketaren osteko egoera aztertzeko", esan du Tuskek.
Frantzia-Alemania batzarra
Bestalde, François Hollande Frantziako presidenteak eta Angela Merkel Alemaniako kantzillerrak bilera egingo dute astelehen arratsaldean Eliseoan Greziako erreferendumaren ondorioez hitz egiteko, Eliseoak berri eman duenez.
Frantziako presidentetzak ohar bidez jakinarazi duenez, solasaldiaren ondotik afari-bilera egingo dute bi buruzagiek. Greziako auziari konponbide iraunkorra emateko Frantzia eta Alemania egiten ari diren lankidetzaren baitan kokatu behar da asteleheneko bilera.
Greziaren inguruan jarrera bateratua hartzeko borondatea erakutsi dute Parisek eta Berlinek, are gehiago, aste honetan Greziaren inguruko iritzi ezberdinak agerian gelditu direnean.
Emmanuel Macron Frantziako Ekonomia ministroak azpimarratu du astelehenetik aurrera Grezia eta hartzekodunen arteko negoziazioei berrekin beharko zaiela Grezia eurotik ateratzea saihesteko. Negoziazio horietan Greziarentzako konpromisoa bilatzea izango da helburua, erreformak, jasangarria izango den zorra eta finantza egoeraren eboluzioa oinarri hartuta. "Hala ere, guk ere gure aldetik zerbait jarri beharko dugu", gaineratu du.
Halaber, astearterako ezohiko Europako goi-bilera deitzeko eskatu dute Merkelek eta Hollandek.
Bestalde, Eurotaldeko Finantza ministroak aste honetan batzartuko dira Greziako galdeketaren inguruan eztabaidatzeko. Hala ere, bilera ez da astelehen honetan izango.
Rajoyk ere premiazko bilera deitu du
Bestalde, gaurko galdeketaren emaitzak aztertzeko Gai Ekonomikoetarako Ordezkaritza Batzordea deitu du biharko Mariano Rajoy Gobernuko presidenteak.
Exekutiboaren hainbat iturrik jakinarazi dutenez, bilera goizeko lehen orduan izango da, eta erreferendumaren emaitzak izango dituzte aztergai.
Rajoyk baietzaren garaipena defendatu du azken egunotan. Dena dela, Greziarentzat egoera konplikatua izango dela adierazi du.
Zure interesekoa izan daiteke
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.
Ukrainar soldaduek emakume bat erreskatatu dute urrutiko agintearekin kontrolatutako robot bati esker
77 urteko emakumea onik ateratzea lortu dute robot baten laguntzarekin. Etxeraino eraman dute, eta onik iritsi da bertara.
Kubako Gobernuaren erantzuna, Trumpek "berehala" esku-hartzeko mehatxua egin ostean: "Ez gaitu kikilduko"
"Iranekin amaitu eta ia berehala", Kubaren "kontrola" hartzeko mehatxua egin zuen ostiralean AEBetako buruak. Era berean, Kubaren zein haren laguntzaileen kontrako zigor berriak iragarri zituen.
Saif Abukeshek ekintzailea 'shock' egoeran dago eta gose greba hasi du
Global Sumud Flotillako ekintzaileak legez ordezkatzen dituen Israelgo Adalah erakundeak baieztatu du Shikmako atxilotze zentroan (Ashkelon hirian) daudela Thiago Avila brasildarra eta Saif Abukeshek. Bestalde, salatu du kartzelan daudenetik tratu txarrak jasaten ari direla bi ekintzaileak, bai eta "galdeketa ilegalak" ere.