Belgikak aske utzi du Fayçal Cheffou, froga nahiko ez izateagatik
Belgikako Fiskaltza Federalak gaur jakinarazi duenez, Fayçal Cheffou aske utzi du haren aurkako behar bezain beste froga ez izateagatik. Susmoen arabera, Cheffou zen Bruselako aireportuko hirugarren terrorista, kapela beltza zeraman gizonezkoa, hain zuzen ere.
"Fayçal Cheffou atxilotzera eraman gintuzten zantzuak ez dira indartu martxan dauden jardunbideetan", adierazi du Ministerio Publikoak ohar baten bidez.
Hori jakitera eman aurretik, astelehen honetan bertan, Belgikako Poliziak "kapeladun gizonaren" aurkako atxilotze-agindua eguneratu du. Horren aurrean, Belgikako hedabideek joan zen ostegunean atxilotu eta Fayçal Cheffou gisa identifikatu zuten susmagarria ez dela "kapeladun gizona" interpretatu dute.
"Polizia gizon hau identifikatzen saiatzen ari da. 2016ko martxoaren 22an Brusela- Zaventem aireportuan izandako atentatuan parte hartu zuen susmoa dago", zioen Poliziak atentatuak izandako egunean bertan (asteartean) argitaratu zuen bilatzeko eta atxilotzeko aginduak. Agindu hori gaur bertan eguneratu dute, segurtasuneko kamerek hartutako irudiak gaineratzeko.
35 hildakoak dagoeneko
Martxoaren 22an Bruselako Zaventem aireportuan eta Maelbeek metro geltokian izandako atentatuetan 35 lagun hil ziren, azken orduetan zaurituta zeuden lau lagun hil baitira. Belgikako Gobernuak emandako biktimen azken balantzea da honakoa.
"Zaurituta zeuden lau lagun ospitalean zendu dira. Medikuek eginahalak egin dituzte. Animo familia guztiei", adierazi du Maggie De Block Belgikako Osasun ministroak Twitterren.
Aireportua, % 20an
Brusela-Zaventem aireportua bere gaitasunaren % 20an arituko da, Arnaud Feist aireportuko kontseilariaren arabera. Feistek berretsi egin du "lehentasun nagusia" bidaiarien eta langileen segurtasuna dela.
Asteartean, aireportuak proba-fasea abiatuko du behin behineko instalazioetan, gainerako instalazioaren segurtasun azterketa sakonagoa -ez dute data zehaztu- egin aurretik. L'Echo egunkariak jaso duenez, Feistek adierazi du asteazkenean irekitzea "onena" litzatekeela.
Alabaina, Feistek ohartarazi du 40.000 bat bidaiarik erabili ahal izango dutela, alegia, sasoi honetan ibiltzen diren pertsonen % 20 inguru. Ehuneko ehunean aritzeko, oraindik, "hainbat hilabete" beharko dituzte.
Bruselako aireportua, bonbak eztanda egin eta berehala. Irudia: EiTB
Zure interesekoa izan daiteke
Liam Conejo Ramos bost urteko haurra eta haren aita kartzelatik ateratzeko agindu du epaile batek
San Antonio Express-News egunkariak jasotzen duenez, datorren asteartean askatzea aurreikusten da.
Milaka israeldar eta 1948ko palestinar bildu dira Tel Aviven, hiri arabiarretan sufritzen duten indarkeria salatzeko
2025ean 252 arabiar israeldar hil zituzten komunitate arabiarretan, aurrekaririk gabeko zifra bat, hein batean, agintari eta polizia israeldarren pasibitatearen edo konplizitatearen ondorioz.
Milaka pertsona kalera atera dira Minneapolisen eta AEBko beste hiri batzuetan, ICEren eta Trumpen kontra
Astebete da agente federalek Alex Pretti erizaina tiroz hil zutela, eta orduan gertatu zen bezala, manifestazioez gain, greba deitu dute protesten deitzaileek. Bruce Springsteenek kontzertua eskaini du, eta irabazitakoa ICEk hildako herritarren familiei emango diela esan du.
Israelek 32 lagun, tartean 7 haur, hil ditu larunbat honetan Gazan
Israelgo Armadak Zerrendaren aurkako "eraso ugari" baieztatu ditu, eta Hamaseko eta Jihad Islamikoko lau "komandante eta beste terrorista batzuk" hil dituela esan du, eraso horiek non gertatu diren zehaztu gabe.
Aznar Epsteinen paperetan ageri da, pederastaren ordainketa baten eta bi paketeren hartzaile gisa
Argitaratutako azken dokumentuetan jasotzen denez, Epsteinek 1.050 dolar ordaindu zizkion Jose María Aznarren izenean bere bidaia-agenteari 2003ko urriaren 17an. Paketeei dagokienez, esplizituki bidali ziren presidente ohiaren izenean: lehenengoa, Moncloara, 2003ko irailean, eta bigarrena, FAES fundazioaren egoitzara, 2004ko maiatzean.
Delcy Rodriguezek amnistia orokorra proposatu du Venezuelan "zauriak sendatzeko"
Chavismoaren agintaldi osoari eragingo lioke, baina ez lituzke barkatuko hilketak, droga-trafikoa edo giza eskubideak urratzea egotzita zigortutako pertsonak.
Guterresek ohartarazi du Nazio Batuak "finantza-krisi" baten atarian daudela
Honako herrialde hauek dira zordun handienak: AEB, Txina, Errusia, Venezuela, Brasil, Argentina, Mexiko eta Iran. NBEk finantza-krisi larriari aurre egin behar dio, eta 1.570 milioi dolarreko marka ezarri du ordaindu gabeko zorretan.
Epsteinekin lotutako hiru milioi orrialde argitaratu ditu Trumpen Gobernuak, tartean 2.000 bideo eta 180.000 irudi
Epsteinen Artxiboen Gardentasun Legeak abenduaren 19a ezarri zuen New Yorkeko finantzarioarekin lotutako dokumentu guztiak argitaratzeko epe gisa, eta, beraz, Trumpen Administrazioak teknikoki legea urratu du.
Milaka zuzik Eskoziako Lerwick herriko kaleak argitu dituzte Up Helly Aa jaialdi bikingoan
Jaialdi hau urtero ospatzen da Eskoziako Shetland uharteetan, Gabonetako denboraldiaren amaiera ospatzeko. Ekitaldirik ikusgarriena Lerwickeko kaleetan zehar egiten den zuzi-prozesioa da, bikingoen itsasontzi baten erreplika bati zuziak jaurtita amaitzen dena.
Kevin Warshek jaso du Trumpen babesa Erreserba Federalean (Fed) Jerome Powell ordezkatzeko
AEBko Senatuak izendapena berretsi behar du orain, Etxe Zuriak AEBko Banku Zentralari egindako presioen testuinguruan. Erakunde horren independentzia, ordea, funtsezkoa da inflazioa kontrolatzeko eta enplegua bultzatzeko.