35 dira jada Bruselako atentatuetan hildakoak
Martxoaren 22an Bruselako Zaventem aireportuan eta Maelbeek metro geltokian izandako atentatuetan 35 lagun hil ziren, azken orduetan zaurituta zeuden lau lagun hil baitira. Belgikako Gobernuak emandako biktimen azken balantzea da honakoa.
"Zaurituta zeuden lau lagun ospitalean zendu dira. Medikuek eginahalak egin dituzte. Animo familia guztiei", adierazi du Maggie De Block Belgikako Osasun ministroak Twitterren.
Aireportua, zabaltzekotan
Bruselako Zaventem aireportua itxita egongo da astelehen honetan, martxoaren 22an 14 hildako utzi zituen atentatua gertatu eta astebetera. Dena dela, aireportua berriro zabaltzeko lanean hasi dira jada, eta baliteke asteartean zati bat zabaltzea.
Aireportuko arduradunek ohar batean jakinarazi dutenez, terminalaren "goitik beherako miaketa" amaitu dute dagoeneko, eta zerbitzu batzuk berriro zabaltzeko "balizko aukerak" aztertzen ari dira orain. Ez dute erabaki noiz irekiko dute berriro, asteartean simulakroa egingo dute, jardueraren zati bati berriro heltzeko modurik ote dagoen erabakitzeko.
"Aireportuaren zati bat zabaltzeko prozesu batzuk berhartu behar dira eta hori ez da posible txikitutako azpiegiturekin", ohartarazi dute.
Polizia andana izan da aireportua zaintzen. EFE
Zaventemgo aireportuaren arabera, ostegunean ekin zieten "behin-behineko" instalazio batzuk eraikitzeari. Azpiegiturok "aparteko segurtasun neurriak" dituzte, Gobernuak "hala eskatuta".
"Asteartean egingo dugu behin-behineko azpiegituren eta suteen kontrako segurtasun neurrien ikuskatzea. Aireportuko 800 langileek simulakroa egingo dute", adierazi dute oharrean.
Estatutik Bruselara joan behar ziren 33 hegaldi, bertan behera
Espainiako Estatutik Bruselako Zaventem aireportura astelehen honetan aurreikusita zeuden 42 hegaldietatik 33 bertan behera geratu dira, Aenak ohar batean jakinarazi duenez.
Iberiak Liejako aireportura bideratuko ditu bere hegaldiak, Vuelingek, berriz, Lillekora (Bruselatik 30 km-ra).
Zure interesekoa izan daiteke
Emakume batek hondakinen artean izan du umea Venezuelan
Emakumea erreskatatzen ari zirenean hasi zen erditzen, kaosaren eta hondamendiaren erdian. Erreskate-taldeen lanari esker, ama eta jaioberria bizirik atera zituzten. Gertakari horrek itxaropena piztu du, tragediaren kontrapuntua baita; erreskate-taldeak erlojuaren aurka ari dira lanean, lurrikarak izan ostean hondakinen artean harrapatuta geratu diren pertsonak bizirik erreskatatzeko.
Erlojuaren aurka bila ari dira Venezuelan, lurrikararen ostean bizirik atera direnak erreskatatzeko
Ameriketako Estatu Batuek (AEB) laguntza taldeak eta baliabide logistikoak zabalduko dituzte Venezuelan bi lurrikara bortitzek eragindako kalteei aurre egiteko. Ehunka hildako eta milaka zauritu zenbatu dituzte jada.
Bi lurrikara gogorrek Venezuela astindu dute eta, gutxienez, 235 hildako eta 4.300 zauritu utzi dituzte
Venezuelako agintariek larrialdi egoera ezarri dute, eta nazioarteari laguntza eskatu diote. AEBko Zerbitzu Geologikoaren arabera, hildakoen kopurua 10.000 eta 100.000 artekoa izan liteke.
Honela jazo dira Venezuelako lurrikarak: bi seismo, minutu bat baino gutxiagoan
Dardara indartsu horiek 280 eraikin ingururi eragin diete, batez ere La Guaira estatuan, eskualde kaltetuena izan baita. Horrez gain, kalte handiak izan dira Caraballedako eta Hondartza Handiko eremuetan. Lurrikara bortitzen ondoren, 30 erreplika izan dira, bereziki La Guaira, Caracas eta Yaracuy estatuak astindu dituztenak.
Euskal jatorriko emakume bat hil da eta beste bi euskal herritar daude desagertuta Venezuelako lurrikaren ostean
Hainbat orduz bila aritu ostean, Alazne Solabarrietaren familiak haren heriotza baieztatu du. Bestalde, Bilboko Venezuelarren Plataformak euskal jatorriko beste emakume baten desagerpenaren berri eman du. Gainera, EITBk jakin ahal izan du ez dagoela 67 urteko bizkaitar jatorriko gizon baten berririk.
Mikel Moreno, Caracasen bizi den euskal herritarra: "Eroritako eraikin, zubi eta zuhaitz asko ikusi ditugu"
Mikel La Guairan zegoen lurrikara hasi denean, eta, Agustin, Caracasen. Mikelek etxera itzultzea erabaki du, hiriburura. Ordubetean egiten den ibilbidea osatzeko, ordea, bost ordu behar izan ditu. Ez du ikusitakoa ahaztuko. Erreplikak behin eta berriz nabaritzen dituzte, eta nazioarteko laguntza eskatu dute egoerari aurre egiteko.
Venezuelarekin bat egin du munduak, eta gobernu askok laguntza eskaini dute lurrikaren ostean
Albistearen berri izan orduko mundu osoko gobernu eta erakundeek babesa eta laguntza eskaini diete Venezuelako gobernuari eta herritarrei.
Agustin Otxotorena, Venezuelan bizi den euskal herritarra: "Egunak argitzen duenean, gauza latzak ikusiko ditugu"
Agustin Otxotorena Venezuelan bizi den euskaldunari elkarrizketa egin diote Egun Onen, bertan izan diren lurrikarak direla eta. Dioenez, hainbat eraikin erori dira, baina oraindik gaua da han, hortaz, ezin dute balantzerik egin oraindik.
Europa itolarrian, beroaren ondorioz
Kontinenteak egunak daramatza ezohiko tenperatura altuak jasaten. Beroari aurre egiteko egokituta ez dauden herrialdeak dira gehienak eta herritarrak ahal duten moduan ari dira egun hauek igarotzen. Okerrena, gainera, etortzeko dago herrialde horietan.
Brexitak irabazi eta 10 urtera, "rejoin": dimisioak, ekonomia ahula eta independentismoaren gorakada Erresuma Batuan
Hamarkada bat pasa da Erresuma Batua EBtik atera zenetik, eta tarte horretan Keir Starmer dimisioa emango duen seigarren lehen ministroa da; ekonomiak ez du suspertzea lortu, eta independentismoak indarra hartu du Eskozian, Galesen eta Ipar Irlandan.