204 lagun deportatu ditu Europak 'lotsaren ituna'ren lehen egunean
Errefuxiatuak Turkiara kanporatzeko prozesua, giza eskubideen aldeko elkarteek "lotsaren ituna" deitu dutena, alegia, apirilaren 4 honetan abiatu du Europak. Zehazki, Greziako Lesbos eta Quios irletatik 204 lagun deportatu dituzte Turkiara.
Lehen bi ontziak Grezian 07:30 zirenean abiatu dira Lesbosetik (04:30 GMT), eta hirugarren bat Quios irlatik atera da 09:00etan (06:00 GMT). Lehen bi ontziak Dikiliko portura (Turkia) heldu dira 10:20 aldera (07:20 GMT).
Greziako albiste agentziak jakinarazi duenez, deportatu beste polizia daramatzate ontziok.
Turkiara eramandako lagunen artean Pakistango, Afrika iparraldeko, Bangladesheko, Sri Lankako, eta Kongoko herritarrak daude. Siriarrik, antza, ez.
Kanporatutako lagunetako bat, Turkiako Dikili portura heltzean. EFE
Lesbosen dagoen Ane Irazabal EiTB berriemaileak jakinarazi duenez, Ewa Moncure Frontexeko bozeramaileak adierazi du gaur ez dela deportazio gehiago egongo:
Istilurik ez da izan goizean. Lesbosen, manifestari talde bat batu da portuan eta ontziak atera direnean "lotsa" oihukatu dute.
Greziako Gobernuak atzo ohartarazi zuenez, errefuxiatuen oldarraldiak espero dituzte eta segurtasun neurriak jarriko dituzte hori saihesteko. Greziak eta Turkiak euren araudia moldatu behar izan behar dituzte ituna gauzatu ahal izateko. Greziako Parlamentuak ostiralean onartu zuen EB-Turkia ituna, 169 diputatuk alde bozkatuta.
Turkian ziren lehen siriarrak, Alemaniara
Bien bitartean, Turkian zeuden errefuxiatu siriarrak Europara bidaltzen hasi dira. Hala, 16 lagun Hanoverreko aireportura heldu dira gaur hegazkinez, Alemaniako Poliziak jakinarazi duenez.
Istanbuletik atera da hegazkina, eta eguerdian errefuxiatu kopuru bertsua duen beste hegazkin bat irtengo da 12:15 aldera.
Die Welt Alemaniako egunkariaren arabera, 16 lagunak Goettingengo harrera zentrora eraman dituzte autobusez.
'Lotsaren ituna'
ACNUR errefuxiatuen Nazio Batuen agentziaren eta giza eskubideen alde lanean ari diren elkarteen ustez, itunak ez du nahikoa berme legalik, eta "lotsagarria" dela salatu dute.
ACNURren datuen arabera, 3.300 errefuxiatu baino gehiago daude Lesbosen. 2.600 bat Morjako zentroan daude; horietatik gehienek, 2.000k asilo eskaerak egin dituzte.
k egin dituzte.Zure interesekoa izan daiteke
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".
Hamasek armagabetzeko akordioa berretsi du, baina Israel Gazatik erretiratzea jarri du baldintza gisa
Testuinguru horretan, talde palestinarrak berretsi du ez duela bere esku dagoen armamentua entregatuko Israel Gazako Zerrendatik erretiratu baino lehen.
AEBk Kuwaiten duen base militar baten aurkako erasoa aldarrikatu du Iranek
Irakeko Gobernuak ukatu egin du bere lurraldearen barruan erasoak baimendu izana, Estatu Batuetako presidenteak aste honetan ziurtatu ostean Saudi Arabiarekin batera eta Irakekin koordinatuta egin zituztela erasoak. Bestalde, Itsaso Gorria babesteko nazioarteko koalizio baten sorrera iragarri du Saudi Arabiak.
AEBk eta Saudi Arabiak Iranen aldeko miliziei eraso egin diete Iraken, drone bidezko eraso baten ondoren
Bonbardaketek Herri Mobilizazioaren Indarretako 20 kide hil eta 32 zauritu dituzte gutxienez, eta Irakek larrialdiko bilera deitu du tentsioak gora egin duelako.
Fujimorismoa itzuli da: Keiko Fujimorik presidente karguaren zina egin du
Alberto Fujimori presidente ohiaren (1990-2000) alabak laugarren saiakeran lortu du presidente izatea. Aurreko hauteskundeetan bigarren itzulian galdu zuen. Azken hamarkadan herrialdeak bizi izan duen ezegonkortasun politikoari aurre egin beharko dio, eta gobernatzeko akordioak lortu beharko ditu, ez baitu eta gehiengo osorik. Gainera, Keiko Fujimorik Trumpengana gerturatzeko asmoa duela iragarri du, eta horrek aldaketa ekar dezake politikan, Peruko ekonomiaren bazkide nagusia Txina baita.