Belgikako Poliziak Mohamed Abrini eta beste lau pertsona atxilotu ditu
Belgikako Fiskaltzak baieztatu duenez, Mohamed Abrini atxilotu dute ostiral honetan Bruselan. Salah Abdeslami azaroaren 13an Parisen izan ziren atentatuak prestatzen lagun ziola uste dute eta martxoaren 22ko erasoetan Bruselako aireportutik ihes egitea lortu zuen “kapeladun gizonezkoa” ote den ikertzen ari dira.
Horrez gain, Thierry Werts Fiskaltzaren bozeramaileak jakinarazi du Naim Al Hamed (Osama Krayem omen da bere ezizena) ere atxilotu dutela. Khalid El Bakraoui Bruselako metroan lehergailu bat zartarazita bere burua hil zuen jihadistarekin atentatua baino lehen harremana izan zuela uste dute.
Ministerio Publikoaren arabera, Abriniren DNA aztarnak Bruselako Schaerbeek auzoko etxebizitza batean topatu dituzte. Aireportuko eta metroko erasoak burutu zituzten ekintzaileen etxean, hain zuzen ere.
Guztira, ostiral honetan egindako polizia-operazioetan bost pertsona atzeman dituzte.
Bruselako atentatuetan 32 lagun hil ziren.
Ikerketa
Naim Al Hamed goizean atxilotu dute, Herve B. M. izeneko beste gizonezko batekin batera. Salah Abdeslamek alokatutako ibilgailu bat jaso zuen Naim Al Hamedek 2015eko urria 3an, Alemanian, eta Belgikara eraman zuen, Fiskaltzaren arabera.
Khalid El Brakouirekin harremanetan egon zen gizonezkoa Brusela erdiguneko saltoki batean izan zen eta aireportuko atentatuak egiteko poltsak bertan erosi zituen.
Abriniri dagokionez, Bruselako Anderlecht auzoan atzeman dute. Berarekin batera beste bi lagun ere atxilotu dituzte.
Abriniren aztarna digitalak eta DNA arrastoak Schaerbeek auzoko puntu ezberdinetan eta Parisko erasoetan erabilitako ibilgailu baten topatu zituzten.
Azaroaren 11n gasolindegi batean, Parisko noranzkoan, grabatu zuten segurtasun-kamerek. Salah Abdeslamekin zegoen.
Frantzian egiten ari diren ikerketaren arabera, etxebizitza bat alokatu zuten biek Alfortvillen, Paris kanpoaldean, atentatuak izan baino egun batzuk lehenago, eta bertan hartu zuten ostatu erasotzaileetako batzuek.
Nolanahi ere, Belgikako Fiskaltzaren bozeramaileak azpimarratu du ikerketak irekita jarraitzen duela eta Mohamed Abrinni Bruselako aireportutik ihes egin zuen hirugarren ekintzailea den edo ez argitzeko dagoela.
Bihartik aurrera gaurko polizia-operazioaren inguruko xehetasun gehiago emango dituztela iragarri du.
Zure interesekoa izan daiteke
Liam Conejo Ramos bost urteko haurra eta haren aita kartzelatik ateratzeko agindu du epaile batek
San Antonio Express-News egunkariak jasotzen duenez, datorren asteartean askatzea aurreikusten da.
Milaka israeldar eta 1948ko palestinar bildu dira Tel Aviven, hiri arabiarretan sufritzen duten indarkeria salatzeko
2025ean 252 arabiar israeldar hil zituzten komunitate arabiarretan, aurrekaririk gabeko zifra bat, hein batean, agintari eta polizia israeldarren pasibitatearen edo konplizitatearen ondorioz.
Milaka pertsona kalera atera dira Minneapolisen eta AEBko beste hiri batzuetan, ICEren eta Trumpen kontra
Astebete da agente federalek Alex Pretti erizaina tiroz hil zutela, eta orduan gertatu zen bezala, manifestazioez gain, greba deitu dute protesten deitzaileek. Bruce Springsteenek kontzertua eskaini du, eta irabazitakoa ICEk hildako herritarren familiei emango diela esan du.
Israelek 32 lagun, tartean 7 haur, hil ditu larunbat honetan Gazan
Israelgo Armadak Zerrendaren aurkako "eraso ugari" baieztatu ditu, eta Hamaseko eta Jihad Islamikoko lau "komandante eta beste terrorista batzuk" hil dituela esan du, eraso horiek non gertatu diren zehaztu gabe.
Aznar Epsteinen paperetan ageri da, pederastaren ordainketa baten eta bi paketeren hartzaile gisa
Argitaratutako azken dokumentuetan jasotzen denez, Epsteinek 1.050 dolar ordaindu zizkion Jose María Aznarren izenean bere bidaia-agenteari 2003ko urriaren 17an. Paketeei dagokienez, esplizituki bidali ziren presidente ohiaren izenean: lehenengoa, Moncloara, 2003ko irailean, eta bigarrena, FAES fundazioaren egoitzara, 2004ko maiatzean.
Delcy Rodriguezek amnistia orokorra proposatu du Venezuelan "zauriak sendatzeko"
Chavismoaren agintaldi osoari eragingo lioke, baina ez lituzke barkatuko hilketak, droga-trafikoa edo giza eskubideak urratzea egotzita zigortutako pertsonak.
Guterresek ohartarazi du Nazio Batuak "finantza-krisi" baten atarian daudela
Honako herrialde hauek dira zordun handienak: AEB, Txina, Errusia, Venezuela, Brasil, Argentina, Mexiko eta Iran. NBEk finantza-krisi larriari aurre egin behar dio, eta 1.570 milioi dolarreko marka ezarri du ordaindu gabeko zorretan.
Epsteinekin lotutako hiru milioi orrialde argitaratu ditu Trumpen Gobernuak, tartean 2.000 bideo eta 180.000 irudi
Epsteinen Artxiboen Gardentasun Legeak abenduaren 19a ezarri zuen New Yorkeko finantzarioarekin lotutako dokumentu guztiak argitaratzeko epe gisa, eta, beraz, Trumpen Administrazioak teknikoki legea urratu du.
Milaka zuzik Eskoziako Lerwick herriko kaleak argitu dituzte Up Helly Aa jaialdi bikingoan
Jaialdi hau urtero ospatzen da Eskoziako Shetland uharteetan, Gabonetako denboraldiaren amaiera ospatzeko. Ekitaldirik ikusgarriena Lerwickeko kaleetan zehar egiten den zuzi-prozesioa da, bikingoen itsasontzi baten erreplika bati zuziak jaurtita amaitzen dena.
Kevin Warshek jaso du Trumpen babesa Erreserba Federalean (Fed) Jerome Powell ordezkatzeko
AEBko Senatuak izendapena berretsi behar du orain, Etxe Zuriak AEBko Banku Zentralari egindako presioen testuinguruan. Erakunde horren independentzia, ordea, funtsezkoa da inflazioa kontrolatzeko eta enplegua bultzatzeko.