Lurrikara batek 413 hildako eta 2.500 zauritu utzi ditu Ekuadorren
Oraingoz 413 hildako eta 2.500 zauritu zenbatu dituztela jakitera eman du Rafael Correa Ekuadorreko presidenteak. 7,8 graduko lurrikara batek herrialdeko kostaldea astindu zuen larunbatean.
“Kopuruak gora egingo du hondakinen artean bilatzen jarraitzen dugulako”, adierazi du Correak Europatik itzuli ondoren.
Astindua larunbat arratsaldeko zazpiak jo baino bi minutu lehenago jazo zen (23:58 GMT ordua) Manabi probintzian, Cojimies eta Pedernales artean.
Ekuadorreko Eskola Politeknikoko Geofisika Institutuak azaldu duenez, astinduaren ondorengo orduetan 60 erreplika baino gehiago izan dira, hain zuzen ere, 2,5 eta 5,3 gradu bitartekoak.
Lurrikararen ondotik, Gobernuak larrialdi egoera ezarri du Esmeraldas, Manabi, Guayas, Santo Domingo de los Tsachilas, Los Rios eta Santa Elena probintzietan eta salbuespen egoera, berriz, herrialde osoan.
Gobernuak Indar Publikoetako 14.000 kide mobilizatu ditu lurrikararen ostean ezarritako salbuespen egoeraren harira. Oraingoz, Indar Armatuetako 10.000 kide eta 300 suhiltzaile joan dira ingurune kaltetuenera, hots, Pedernalesera eta Portoviejora. Gainera, lehenengoan beste 200 pertsona ere ari dira lanean. Horrez gain Polizia Nazionaleko beste 3.500 kide joan dira Manabi, Esmeraldas, Guayas eta Santa Elena guneetara.
Horrela gelditu da Guayaquil hiriko zubi bat lurrikararen ondorioz. Argazkia: EFE
Jorge Glas Ekuadorreko presidenteordeak prentsaurrean azaldu duenez, Estatuko erakunde guztiak "alerta gorenean" daude larrialdi egoerari aurre egiteko, eta Pedernalesera, lurrikararen epizentroaren tokira, ospitale mugikorra bidaliko dutela iragarri du.
Hasiera batean Ekuador, Kolonbia, Costa Rica, Panama eta Peruko kostaldeetan tsunami alerta ezarri badute ere, gutxira, bertan behera utzi dute abisua.
Lurrikara Kolonbian ere sentitu dute, hala, argi horniduran mozketak izan dira eta hainbat eraikinetan pitzadurak ireki dira.
Lurrikarak kalte material handiak eragin ditu. Argazkia: EFE
Radio Euskadi Ekuadorreko Quevedo hirian bizi den Eneko Urreta bilbotarrarekin hitz egin du. "Herrialde osoan sentitu da, hemen ere bai. Ni nagoen herri honetan etxe bat edo beste erori da, baina jendea onik dago. Bertakoek ez dute horrelako astindurik gogoratzen", azaldu du.
Espainiako Gobernuaren esanetan, ez dago kaltedunen artean espainiarrik dagoela esateko frogarik. Dena den, Espainiak Quiton eta Guayaquilen dituen kontsulatuak bertako agintariekin harremanetan jarri dira informazioa biltzeko, Espainiako Atzerri Ministerioaren iturriek berri eman dutenez.
Halaber, Espainiako Gobernuak bi telefono jarri ditu kaltedunen eskura: Espainiak Quiton duen kontsulatuko telefonoa -0995620291 Ekuadorretik deitzeko eta 00593995620291 Ekuador ez den herrialderen batetik deitzeko- eta Espainiak Guayaquilen duen kontsulatuko telefonoa -0984975394 Ekuadorretik deitzeko eta 00593984975394 Ekuador ez den herrialderen batetik deitzeko.
Lurrikararen eraginez euskaldunik kalteturik dagoen ikertuko du Jaurlaritzak
Josu Erkoreka Eusko Jaurlaritzaren bozeramaileak gaur adierazi duenez, Gobernuak protokoloa jarri du martxan lurrikararen eraginez euskal jatorriko norbait kalteturik dagoen jakiteko. Horretarako, Jaurlaritza ordezkaritza diplomatikoarekin eta Ekuadorreko kontsulatuarekin jarri da harremanetan
Ondorioz, tentuz jokatzeko eskatu du oraindik ezin baitateke baieztatu edo ezeztatu lurrikarako kaltetuen artean euskaldunik badagoen. Informazioa izan bezain laster jakinaraziko dutela gaineratu du.
Zure interesekoa izan daiteke
3.000 lagun baino gehiago ebakuatu dituzte, Ipar Katalunian izandako sute baten ondorioz
Eskualdeko segurtasun zerbitzuek jakinarazi dutenez, gas-bonbona baten leherketak eragin du ezbeharra. Sugarrak berehala zabaldu dira, eta hiru kanpin eta kirol portu bat harrapatu dituzte.
Lurrikaretatik zortzi egunera, hondakinen artetik bizirik atera dute gizon bat Venezuelan
Gizon bat bizirik atera dute hondakin artetik Venezuelan lurrikarak gertatu eta zortzi egunera. 100 lagun inguru aritu dira lanean gau eta egun, Hernan Gil-ekin kontaktua egin zutenetik, harengana iritsi eta handik ateratzeko. Ura pasa ahal izan diote eta une oro zaindu. Hala, 72 orduko operazioak izan zezakeen amaierarik onena izan du.
Lurrikaretatik astebetara, 2.295 hildako eta 11.200 zauritu baino gehiago zenbatu dituzte Venezuelan
Zazpi egun igaro diren arren, erreskate-taldeak ezin izan dira iritsi eroritako eraikin guztietara. Kasu askotan, senideak eta bizilagunak dira hondakinen artean lanean ari direnak, eta laguntza faltak eragindako haserrea zabaltzen hasi da.
Venezuelako polizia bat lurrikarak suntsitutako eraikinetatik dirua lapurtzen harrapatu duten unea
Lau polizia atxilotu dituzte astearte honetan Venezuelan, La Guairan eraitsitako eraikinen hondakinen artean "ondasun ekonomikoak" bereganatzea egotzita, bertako agintariek jakinarazi dutenez.
La Guairako portua gorputegi inprobisatu bihurtu da hildakoak identifikatzeko
Erreskate-lanek aurrera jarraitzen dute Venezuelan, baina gero eta pertsona gutxiago topatzen dituzte bizirik. Ospitaleetako gorputegiek gainezka egin dute eta, besteak beste, La Guairako portua gorputegi inprobisatu bihurtu da. Handik, Caracasera bidaltzen dituzte identifikatutako gorpuak.
Beste lurrikara bat izan da Venezuelan, 4,6 gradukoa
Jorge Rodriguez Venezuelako Parlamentuko presidenteak adierazi duenez, ez du kalterik eragin.
Gutxienez sei lagun hil dira Alemanian adingabeen zentro batean izandako tiroketa batean
Poliziak hainbat zauritu daudela ere jakinarazi du. Operazioan zehar hiru pertsona atxilotu dituzte; horietako bat tiroen ustezko egilea da. Agintarien arabera, tiroketa ustezko delitugilearen alabaren zaintzari buruzko liskar baten ondorioz izan da.
Venezuelako lurrikarak utzitako txikizioa, airetik ikusita
774 eraikin daude kaltetuta edo kolapsatuta, eta, horrek 12.721 familiari eragin die. Tokian nazioarteko 2.624 erreskatatzaile ari dira lanean, harrapatutakoak bilatu eta ateratzeko.
Dagoeneko 1.450 pertsona hil dira Venezuelan, lurrikaren ondorioz
Halaber, 3.150 pertsona zauritu dira, 774 eraikin daude kaltetuta edo kolapsatuta, eta, horrek, 12.721 familiari eragin die. Tokian nazioarteko 2.624 erreskatatzaile ari dira lanean, bizirik izan daitezkeen pertsonak bilatzeko.
Ordu erabakigarriak Venezuelan: bizirik egon daitezkeen pertsonen bilaketa areagotu dute
Mundu osoko salbamendu- eta erreskate-taldeek lanean jarraitzen dute, atsedenik gabe, hondakinen artean harrapatuta geratu diren pertsonen bila.