Frantziako Gobernuak dekretuz onartuko du lan-erreforma
Azken hilabeteotan Frantzian hautsak harrotu dituen lan-erreforma dekretuz onartuko du François Hollanderen Gobernuak, Asanblada Nazionalean bozketarik egin gabe. Langileen mobilizazio ugari eragin ditu egitasmoak, aurkeztu zen egunetik.
Parlamentuan babesik ez duela ikusita, Manuel Valls lehen ministroari erreforma dekretuz onartzeko argi berdea eman dio Exekutibo frantziarrak. Diputatu sozialisten artean ere, ez du erabateko babesik proposamenak.
Hala, erreforma dekretuz eta bozketarik egin gabe onartu ahal izateko, Konstituzioaren 49.3 artikulua erabiliko du Gobernuak: babes nahikoa ez duten proposamenak dekretuz onartzea ahalbidetzen du artikulu horrek, betiere, oposizioak, 48 orduren buruan, zentsura-moziorik aurkezten ez badu. Legeak ezartzen duen prozedura jarraituz, ministroen ezohiko batzarra deitu beharko luke, orain, Hollanderen exekutiboak, lan-kode berria aurrera ateratzeko.
Vallsek berretsi duenez, "orekatua eta koherentea" da onartuko duten testua. Oposizioaren jarrera kritikatu du lehen ministroak, "konpromisoz" jokatu beharrean, ekimena blokeatzera bideratu dituelako indarrak. "Herriak aurrera egin behar du", esan du Vallsek.
Zentsura-mozioa
Sindikatu guztien haserrea piztu du lan-erreformak. Testuaren bigarren artikulua da polemika gehien piztu duena: horren arabera, enpresa hitzarmenak hitzarmen kolektiboen gainetik egongo dira.
Oposizioko taldeak, dagoeneko, hasi dira erantzuna prestatzen, eta zentsura-mozioa lantzen ari direla jakinarazi dute.
Zure interesekoa izan daiteke
Maria Corina Machado ez da Oslora joango Bakearen Nobel saria jasotzera
Nobel Akademiaren zuzendariak Norvegiako NRK hedabideari jakinarazi dionez, ez dakite Machado non dagoen, baina "Norvegian ez dago".
Mundua Oslora begira dago Machadok Nobel saria zuzenean jasoko ote duen zain
Antolatzaileek esan dutenez, uneotan ezin dute zehaztu Bakearen Nobel sariaren ekitaldira Machado noiz eta nola iritsiko den jakiteko.
Frantziako Asanblea Nazionalak Gizarte Segurantzako aurrekontua onartu du
Sebastien Lecornuk urte amaierako lehen azterketa gainditu du, nahiz eta orain testua Senatuan bozkatu beharko duten. Garaipenak, hala ere, 2026rako kontu orokorrak onartzeko bidea erraztuko dio.
Donald Trump, Europako agintariei buruz: "Ahulak direla uste dut, ez dakite zer egin"
Elkarrizketa egin diote AEBko presidenteari Politico hedabide espezializatuan, eta aho-bizarrik gabe hitz egin du. Ukrainako gerrari buruz, Zelenskik "esnatu" egin beharko duela uste du.
Bertan behera utzi dute Maria Corina Machadok Osloko Nobel Institutuan eman beharreko prentsaurrekoa, eta zalantzan dago saria jasotzeko izango egongo ote den
Venezuelako oposizioburuak Norvegiako hiriburura joan egingo dela ziurtatu dio Nobel Institutuari. Hala izango balitz, Machado 2024ko abuztua ezkero lehenengoz agertuko litzateke jendaurrean. Bakearen Nobel Batzordearen buruak bidaia "arriskutsua" dela esan du, Nicolas Maduroren Gobernuak Machadoren aurka har ditzakeen errepresaliak direla eta.
Zelenskik berretsi du ez duela lurralderik lagako eta bake planaren beste berrikuspen bat prestatzen ari da
Zelenskik azaldu duenez, Donald Trumpen administrazioak aurkeztutako planaren hasierako 28 puntuetatik Kieventzat guztiz onartezinak ziren zortzi puntua erretiratu dituzte, Kievek eta Washingtonek Genevan, Abu Dabin eta Miamin egin dituzten bileretan.
Dinosauroen aztarnategi handiena aurkitu dute Bolivian
Paleontologo talde batek 16.000 dinosauro lorratz baino gehiago identifikatu ditu Carreras Pampa aztarnategian, Torotoro Parke Nazionalean. Dinosaurook oinez, korrika eta igerian ibili ziren, duela milioika urte kostaldea izandako lurraldean.
Japoniak tsunami alerta kendu du, eta ohartarazi du beste lurrikara bat egon daitekeela
Japoniak tsunami alerta bertan behera utzi du astelehen honetan herrialdearen iparraldea astindu zuen 7,5 graduko lurrikararen biharamunean, baina agintariek alerta berezia aktibatu dute datozen egunetan ezohiko lurrikara bat izateko arriskua baitago.
Zelenskik eta E3ko liderrek aurrerapauso gutxirekin amaitu dute Londresko bilera, "une kritiko" honetan
Ukrainako presidenteak "bakerako urrats txikiak" izan direla esan du, hala ere, eta laster AEBri Trumpen planaren bertsio berrikusia itzultzea espero duela. Bileraren ostean, Ukrainako presidentea Bruselara joan da, bilera izango baitu asteartean Von der Leyenekin, Costarekin eta Rutterekin.
Paramountek Warner Bros erosteko 108.400 milioiko eskaintza oldarkorra egin du, eta Netflixen eskaintza gainditu
Ostiralean jakinarazi zen Netflixek Warner Bros. Discovery erosi zuela 82.700 milioi dolarren truke, eta astelehen honetan Paramount Skydancek eskaintza gainditzen duen EEP oldarkorra aurkeztu du.