Vallsen lan erreformaren aurka mobilizazioak, Ipar Euskal Herrian
Frantziako lan kodearen erreformaren aurka mobilizazioak egingo dituzte gaur Ipar Euskal Herrian. Besteak beste, tren zerbitzu guztietan lanuzte handiak iragarri dira.
Sindikatu nagusi gehienek eta ikasleen sindikatuek deitu dituzte mobilizazioak. Euren esanetan, lege-proiektuaren ondorioz, asteko 35 orduko lanaldiak amaituko lirateke, orduak jaitsi egingo lirateke eta kanporatzeak erraztu egingo lirateke. Sindikatuek salatu dute Sarkozy bera ausartu ez zena egiten ari direla Hollande eta Valls.
Guztira, Manuel Vallsen Exekutibo sozialistaren lan erreforma proiektuaren aurkako hiru protesta egingo dituzte hilabete honetan.
Gaurko protesta martxoaren 31ko manifestazio handiaren eta greba orokorraren ataria da. Martxoaren 12an ere mobilizazioak egingo dituzte langileek, aste honetan eta hurrengoan izango diren aldebiko negoziazioetan Gobernuari presioa egiteko.
Zazpi sindikatuk testua atzera botatzea eskatuko dute gaur eta martxoaren 31n (CGT, FO, FSU, Solidario, UNEF, UNL eta FIDL). Bien bitartean, martxoaren 12ko protesta CFDT, CFE-CGC, CFTC, Unsa eta Fage ikasleen federazioak deitu dute. Ipar Euskal Herrian greba deia egin dutenen artean, LAB sindikatua dago. Eñaut Aramendi sindikatu abertzaleko ordezkariak Euskadi Irratian salatu duenez, "erreforma oso kaltegarria dela langileentzat".
Hala ere, euren arteko haustura dagoenik baztertu dute sindikatuek. Oraindik ofizialki aurkeztu ez duten egitasmo baten aurkako “apurkako ekintza” dela azaldu dute. Lan erreforma proiektuak martxoaren 24an onartu behar du Ministroen Kontseiluak.
Atzerapena
Hasiera batean, lege-proiektua gaur onartu behar zuten, baina babes falta ikusita, erabakia bi aste atzeratzea erabaki zuen Exekutiboak, sindikatuekin eta patronalarekin negoziatzeko denbora gehiago emateko.
Era berean, Asanblada Nazionalean eta Senatuan babes handiagoa lortu nahi du Gobernuak, apirilean eta maiatzean, hurrenez hurren.
"Gorren arteko elkarrizketa"
Baina oraingoz, Le Figaro egunkariak gaur nabarmendu duenez, “gorren arteko elkarrizketa” bat baino ez da izan. Hala, CFDT, FO eta CGTko buruzagiak proiektuaren aurka agertu ziren astelehenean, Vallsen aurrean.
Sozialisten sektore kritikoena eta sindikatuak kontra ditu Vallsen Gobernuak. Martine Aubry (sozialista kritikoa) Lan ministro ohiak 35 orduko lanaldia ezarri zuela gogorarazi beharra dago.
Gaurko lanuzteek SNCF tren konpainiako eta RATP metropoli garraioko langileen grebarekin bat egingo dute. Soldaten eta pentsioen egoera eskatuko dute SNFCko eta RATPko beharginek.
Zure interesekoa izan daiteke
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.
Espainiako Gobernuak diesela 20 zentimo jaitsiko du irailean, uztailean prezioak gora egin ostean
KPIa lau hamarren igo da uztailean, % 3,6raino Espainia osoan, erregaien eta elektrizitatearen garestitzeak bultzatuta. EAEn, hazkundea bost hamarrenekoa izan da, % 3,7raino. Nafarroan, aldiz, zazpi hamarrenekoa, % 3,4ra arte.
HLREk Megapark merkataritza-gunea saldu dio NEPI Rockcastleri, 254 milioi euroren truke
Akordio honek, NEPI Rockcastlek Europako merkataritza-zentroen sektorean duen presentzia indartuko du, eta Bizkaian erreferentziazko aktibo nagusietako bat gehituko dio bere merkataritza-ondareari.
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.