'Brexit'aren aukerak aurrera egin du inkestetan
Referendumerako zortzi egun falta direnean, 'Brexit'ak aurrera egin du inkestetan. Gainera, EBtik ateratzeko aukerari babesa emateko eskatu die The Sun egunkariak irakurleei.
The Times, The Guardian eta The Daily Telegraph egunkariek argitaratu dituzten inkestek Erresuma Batua Europar Batasunetik ateratzeko kanpaina (Brexit) garaile jotzen dute referendumean. Europako blokean jarraitu ala ez erabaki behar dute britainiarrek ekainaren 23an. 1973an bat egin zuten EBrekin.
‘Brexit’aren indarrak urduritasuna eraman du burtsa nagusietara.
The Times-en inkesta YouGov enpresak egin du. ‘Brexit’i % 46ko babesa ematen dio azterketak, hiru puntuko gorakada iragan asteko inkestarekin alderatuta. Bitartean, EBn jarraitzearen aldekoak % 39 dira soilik.
ICMk The Guardian-entzat egindako inkestak ere antzeko emaitza aurreikusten du. Bi kanpainen arteko aldea sei puntukoa dela dio azterketak. ‘Brexit’ak % 53ko babesa jaso du. David Cameron lehen ministroak babesten duen aukerak, ostera, % 47koa.
Hirugarren inkesta ORB enpresak egin eta The Daily Telegraph-ek argitaratu du. EBtik alde egiteko aukerak % 49ko babesa jasoko du, aurrekoan baino bi puntu gehiago. Cameronen kanpainak, aldiz, ez du aldaketarik eta babesa % 48an kokatu da.
Etorkinak
EBn jarraitzeko aukerak hilabeteak eman ditu buruan, baina iragan astean ‘Brexit’ak aurrera egin zuen inkestetan, etorkinen arazoa eztabaidagai nagusia bihurtu zenean.
Gainera, ‘Brexit’aren aldeko kanpainak The Sun egunkariaren bultzada jaso du. Azalean EBtik alde egiteko boza ematea eskatzen die egunkariak irakurleei, editorialean.
The Sun Erresuma Batuko egunkaririk salduena da, batez ere langileen artean. ‘Brexit’ari babesa ematen dion lehen egunkaria da, baina beste batzuek ere datozen egunetan gauza bera egitea espero da.
itea espero da. itea espero da.Zure interesekoa izan daiteke
Iranek AEBren azken bake proposamenari erantzun dio
Bertako hedabideen arabera, Irango Islamiar Errepublikak eskatu du negoziazioen lehen fasean gatazkaren amaiera bideratzeko, xehetasun gehiagorik eman ez badu ere.
Abukeshek eta Avila deportatu dituztela baieztatu du Flotillak, Israelen atxilotuta "sei egun gogor" igaro ostean
Israelgo Atzerri Gaietarako Ministerioak iragarri du Abukeshek eta Avila deportatu dituztela, eta "probokatzaile profesional" deitu die.
Israelek Thiago Avila eta Saif Abukeshek aktibistak gaur bertan askatu, eta deportatu egingo dituzte
Israelgo inteligentzia zerbitzuak Adalah giza eskubideen aldeko erakunde eta laguntza legala ematen duen taldeari jakinarazi dionez, bi ekintzaileak "gaur bertan" askatuko dituzte, eta zaintzapean jarraituko dute, deportatuak izan arte. Adalahk egoera gertutik jarraitzen ari dela esan du, "askatzea gauzatzen dela, eta datozen egunetan deportazioa gertatzen dela ziurtatzeko".
Laboristen gainbehera Ingalaterran, Eskozian eta Galesen; populistak eta independentistak nagusi
Ingalaterran, Nigel Farageren Reform UK alderdia nagusitu da iparraldean eta erdialdean; Eskozian, SNP bosgarren agintaldia lortzeko moduan geratu da, eta Galesen, Plaid Cymruk aurrekaririk gabeko garaipena lortu du.
Europar Batasuna, nazioartean ahots bakarraren bila
Gerra hain gertu dauden eta aliantzak aldatzen ari diren honetan, Europak bere ingurura begiratzen du baina baita bere barrura ere. Izan ere, munduan izango duen lekua besteen baitan baino gehiago, bere esku dagoelako.
Putinek eta Zelenskik su-etena adostu dute maiatzaren 9tik 11rako
Era berean, herrialde bakoitzak 1.000 preso askatuko ditu.
EBren berrarmatzea: Alemaniak Europako armadarik handiena izan nahi du
Europar Batasuna berrarmatzeko moduaz eztabaidatzen ari da, AEBk kontinentean duen presentzia militarra murrizteko mehatxua egin ostean. Ane Irazabal EITBk Berlinen duen korrespontsalak egoeraren gakoak aztertu ditu EITBk ekoitzitako “Europa norabide bila” erreportaje sortako atal honetan.
AEBk eta Iranek elkarri eraso egin dioten arren, su-etenak indarrean jarraitzen duela ziurtatu du Trumpek
AEBko presidentearen arabera, bere Administrazioak Iranekin "negoziatzen" jarraitzen du Ekialde Hurbileko gatazkari amaiera emango dion akordioa lortzeko. Iranek, bere aldetik, "garaipena laster" ospatuko duela iragarri du, eta, aldi berean, Ormuzko itsasartearen "jabetza" aldarrikatu du.
Su-etena urratuta, Israelek Libano bonbardatu eta gutxienez hiru pertsona hil ditu
Israelgo eta Libanoko ordezkariek bake elkarrizketen hirugarren txanda egingo dute Washingtonen (AEB) maiatzaren 14an eta 15ean, AEBko Estatu Departamentuko funtzionario batek ostegun honetan jakitera eman duenez.
Energia nuklearra, berriztagarriak… Europa norabide bila ari da, energia-mendekotasunari aurre egiteko
Energia-mendekotasuna da Europar Batasunak aurrean duen erronka nagusietako bat. Kontsumitzen duen energiaren % 57 kanpotik dator, eta % 43 baino ez da Europan ekoizten. Frantzian, energia nuklearraren auzia eztabaida handia sortzen ari da, eta iritzi kontrajarriak eragin ditu. EITB ekoitzitako "Europa norabide bila" erreportaje-sortak aztertu duen gaietako bat da.