'Brexit'aren negoziazioa 'lehenbailehen' hastea eskatu diote Londresi
Europar Batasunetik ateratzeko baldintzak negoziatzen "lehenbailehen" hastea eskatu diote gaur EBko sortzaileek Erresuma Batuari. Gainera, 27 kidez osatuta egongo den eta "malguagoa" izango den Batasun berriko nondik norakoak zehazten hasi dira.
"Prozesu horrek ahalik eta azkarren hasi behar du Europaren etorkizunean zentratu ahal izan gaitezen", adierazi du Frank-Walter Steinmeier Alemaniako Kanpo ministroak, Europar Batasunaren sorkuntzan parte hartu zuten herrialdeetako (Frantzia, Italia, Luxenburgo, Herbehereak eta Belgika) homologoekin izan duen bileraren bukaeran.
Modu horretan, aipatu sei ministroek David Cameron Erresuma Batuko lehen ministroak atzo egindako adierazpenei aurre egin nahi izan diote. Izan ere, hark atzo adierazi zuen urrian kargua utziko zuela, eta bere ondorengoak negoziatu beharko zuela Erresuma Batuaren irteera.
"Nolabaiteko premia"
Jean-Marc Ayrault Frantziako Kanpo arazoetako titularrak, Erresuma Batuan beste lehen ministro bat izendatzeko denbora apur bat beharko dela adierazi ostean, azpimarratu du "nolabaiteko premia" dagoela prozesua martxan jar dadin, eta 'Brexit'ari buruzko erreferendumaren gaineko erantzukizuna bere gain hartu dezala eskatu dio Cameroni.
Bere aburuz, EBko kide baten irteera arautzen duen Lisboako hitzarmeneko 50. artikulua abian jartzean atzerapena egoteak ondorio "ekonomikoak, finantzarioak eta politikoak" ekarriko lituzke. Aipatu artikulua Batasunetik atera nahi duen herrialdeak bakarrik jar dezake abian.
Proiektu komuna birplanteatzeko beharrizanari dagokionez, ados azaldu dira EBk malguagoa izan behar duela esatean, hau da, herrialde guztiak integratuagoak egon behar direla zioten tesi federalistak alde batera utzi eta bakoitzaren araberakoagoa izango den Batasunari ateak irekitzea.
Beste ondorio batzuk
'Brexit'aren beste ondorioetako bat, kasu honetan batasuneko esparruan, Jonathan Hill britainiarraren dimisio ematea izan da. Finantza Zerbitzuen komisarioa zen, eta Europaren aldeko sutsua. Europar Batasunean lan egiten duten britainiarren artean kargurik garrantzitsuena zuena zen.
Albiste gehiago mundua
Alemaniak iragarri du Israel helmuga duen arma esportazioen zati bat eten egingo duela "oraingoz"
Aurrekaririk gabeko erabakia da Alemanian. Bestalde, Herbehereetan atzera bota dituzte ontzi militarren piezak Israelera esportatzeko hiru lizentzia, eta Norvegiak esan du Israelgo inbertsioetan egingo dituzten aldaketak iragarriko dituztela datorren astean.
Hamasek Israeli ohartarazi dio erasoaldia hedatzeak bahituak "sakrifikatzea" esan nahi duela
Israelgo kabineteak Gazako Zerrendan bere erasoaldi militarra zabaltzea erabaki ostean iritsi da talde islamistaren komunikatua. Hamasek ohartarazi duenez, "zibilen aurkako krimen basatiagatik duen erantzukizun legala saihesteko ahalegin zakarra da".
Mugarik Gabeko Medikuek eskatu dute Gazako Fundazio Humanitarioaren banaketa-guneak desegiteko: "Tranpa hilgarriak dira"
Mugarik Gabeko Medikuak (MSF) gobernuz kanpoko erakundearen txosten baten arabera, Gazarako Fundazio Humanitario estatubatuarraren elikagaiak banatzeko zentroak "hilketa orkestratuak eta deshumanizazioa" egiteko lekuak dira, eta horiek ixteko deia egin du. Israelek horren esku utzi zuen Gazan laguntza humanitarioa banatzeko ardura, hainbat hilabetez erabat blokeatuta egon ondoren.
Gaza inbaditzeko plana "berehala gelditzeko" eskatu du NBEk
Nazio Batuen Erakundeko Giza Eskubideetarako goi mandatariak salatu duenez, Netanyahuren erabakia Nazioarteko Justizia Gortearen irizpenaren kontrakoa da.
Gutxienez zazpi pertsona atxilotu dituzte Israelen, Gazako inbasioaren aurkako protestetan
Israelgo agintariek gutxienez zazpi pertsona atxilotu dituzte ostegun honetan Gazako Zerrendan inbasio militarraren aurka egindako manifestazioetan, eta zalditeria eta ur-kanoiak erabili dituzte protesta jendetsuak sakabanatzeko. Jerusalemen, bizirik atera direnen eta bahituta daudenen senideak izan dira protestetan, eta akordio bat eskatu dute horiek askatzeko eta Israelek Palestinako enklabearen kontra egindako erasoaldia amaitzeko, besteak beste.
Gaza Hiria okupatzeko Netanyahuren plan militarra onartu du Israelgo Gobernuak
Gainera, inbasioa amaitzeko bost printzipio proposatu ditu: besteak beste, zerrenda desmilitarizatzea eta "administrazio zibil alternatibo" baten gobernua ezartzea.
Corbieres mendiguneko sute handia kontrolpean dute, baina ez dute itzali
Asteartean piztu zen, eta pertsona bat hil du: sugarrek setiatuta bere etxea uzteari uko egin zion emakume bat. Sutea 1949. urtetik Frantzian izan den larriena da.
Hamas: "Netanyahu gerra kriminalak nahi duena genozidio estrategiarekin aurrera jarraitzea da"
"Netanyahuk erasoa zabaltzeko dituen asmoek, zalantzarik gabe, gatibuak gainetik kendu eta sakrifikatu nahi dituela berresten dute, bere interes pertsonalak eta muturreko agenda ideologikoa asetzeko", ohartarazi du erakunde palestinarrak.
Netanyahuk esan du ez dutela Gaza anexionatuko, baina lurralde palestinarraren erabateko kontrola bereganatuko dutela
Israelgo lehen ministroaren esanetan, "segurtasunagatik" egiten dute, eta "geroago" gobernua "indar arabiarren" esku utziko luketela.
Frantziako hegoaldean piztutako suteak jadanik "ez du aurrera egiten", baina oraindik ez dago kontrolpean
Corbieres mendigunean asteartean piztutako sutea 1949. urtetik Frantziako Estatuan izan den handiena da, 16.000 hektarea baino gehiago kiskali baititu. Christian Pouget Aude departamenduko prefetak ohartarazi du oraindik ikusteke dagoela hektarea horietatik zenbat diren nekazal lursailak. "Uste dugu 900 hektarea inguru direla", esan du, lehen estimazio batean.