Trump: 'Obama Estatu Islamikoaren sortzailea da'
Donald Trump AEBko Alderdi Errepublikanoaren hautagaiak mitin batean adierazi duenez, Barack Obama egungo presidentea "Estatu Islamikoaren sortzailea da".
Floridan egindako mitin batean, Trumpek salatu du Obamak nazioarteko terrorismoaren aurka egindako lana, eta esan du azken hori Estatu Islamikoaren sortzailea dela; halaber, hautagaiak nabarmendu du Hillary Clinton Alderdi Demokrataren hautagaia ere izan zela talde terrorista horren sorreran.
"Estatu Islamikoak errespetua zor dio Obama presidenteari. Obamak sortu zuen Estatu Islamikoa, eta Clintonen laguntza izan zuen", esan zuen Trumpek. Bitartean, hautagai errepublikanoaren jarraitzaileak oihuka zeuden, eta Clinton kartzelan sartzea galdegiten ari ziren.
Hillary Clintonen aurkako akusazio gehiago
Trumpek, Floridan egindako mitinean, azken mitinetan izan duen tonu erasokorrari eutsi dio. AEBko prentsaren gainean, esan du "iruzurra" egiten duela, eta "Hillary Clinton lizuna bezain lizuna" dela.
"Ikusi atzokoa (asteartekoa), adibidez", esan zuen, jarraitzaileen aurrean; egun horretako mitinean, eskatu zien Konstituzioaren Bigarren Zuzenketaren aldekoei Hillary Clintonen aurka egiteko. Bigarren Zuzenketan armak izateko eskubidea dago bilduta, eta, hortaz, batzuek ulertu dute biolentziarako deia modukoa izan dela adierazpena.
"Bigarren Zuzenketa babestu behar dugu, erasoak ari da pairatzen", esan du Trumpek orain; gerora, azpimarratu du Obamak ez duela esaten Orlandon (Florida) eta San Bernardinon (Kalifornia) atentatuak egin dituzten erradikal islamikoak "terroristak" direnik, eta esan du bere ustez Clintonek gauza bera egingo duela.
"Clintonek ez du esan nahi, Obama presidentea ez amorrarazteko; izan ere, hala egingo balu gauza txarrak berari gertatu lekizkioke, alegia, Clintoni", baieztatu du Trumpek.
Alderdi Errepublikanoaren hautagaiaren iritziz, "ikaragarria" da Omar Mateenen aita Hillary Clintonen asteleheneko mitin batean egon izana; hain zuzen, Omar Mateen 49 lagun hil zituen ekainean Orlandoko taberna batean.
"Hillary Clinton gustatzen zaio, ez duelako ezer esaten erradikal islamikoen aurka", adierazi zuen Trumpek.
AEBko hainbat hedabidek Seddique Mateen bertan egon zela zabaldu ostean, Clintonen taldeak esan zuen ez zutela Mateen gonbidatu, eta ekitaldian sartzeko edonork zuela aukera, sarrera eskatuz (3.000 sarrera banatu zituzten).
"Ez genuen gonbidatu pertsona hori, eta ekitaldia amaitu arte ez genekien, kanpainan gaudenok, bertan zegoela", esan du kanpainaren bozeramaile batek.
Alderdi Errepublikanoaren barruan, "bere iritzia" duen kide bat
Trumpek, zeinak berriro jo zuen bere burua "Alderdi Errepublikanoaren barruan, bere iritzia duen kidetzat”, ez zuen berez ezer adierazi asteartean armei buruz esandakoaren gainean: "Bide batez, Clintonek Auzitegi Goreneko epaileak hautatzea lortzen badu, ez dugu ezer egiterik; hala ere, Bigarren Zuzenketaren alde daudenek baliteke zerbait egiteko aukera izatea, ez dakit", nabarmendu zuen Trumpek asteartean.
Alderdi Demokratako hainbat ordezkarik arbuiatu zuten adierazpena, Clintonek berak ere; hautagaiak esan duenez, bere arerioak "marra gainditu du", eta hitzok "ondorio ikaragarriak" izan litzakete.
Albiste gehiago mundua
Netanyahuk Gaza osorik bereganatu eta milioi bat palestinar inguru lekualdatu nahi ditu bost hilabetean
Israelgo lehen ministroak Segurtasun kabinetea bilduko du gaur arratsaldean, Gaza erabat okupatzeko duen asmoaz jarduteko, eta Jerusalem egunkariak dagoeneko xehetu du bileran aztertuko duten proposamenetako bat.
Trumpen muga-zerga berriak indarrean sartuta, hauspotu egin da gerra komertziala
Gaurtik, oro har, % 15eko muga-zergak ezarriko dira Estatu Batuen merkataritza-bazkide gehienen produktuen gainean, tartean, Europar Batasunekoen gainean.
Putin eta Trump datozen egunetan bilduko dira, Kremlinen arabera
AEBko presidenteak, bestalde, esan du azken bileran ez zela "aurrerapauso erabakigarririk" eman, eta adierazi du Errusiak ez duela amore eman.
Albiste izango dira: Trumpen muga-zergak, alertak beroagatik eta Edurne eta Zeledon Txikiren jaitsiera
Gaurkoan albiste izango direnen laburpena, bi hitzetan.
Washingtonek Mosku zigortzeko asmoa du, Putinen eta Witkoffen arteko bilera "emankorra" izan dela onartu arren
Zigorra ostiralean bertan ezartzekotan dago Trump. Hala ere, bigarren mailako zigorrak izango lirateke, hau da, hirugarren estatuei aplikatzen zaizkien zeharkako neurriak, Errusiarekin merkataritzan aritzeko inoren asmoa kentzeko. Ildo horretan, Trumpek agindu bat sinatu du Indiako produktuen gainean % 25eko muga-zergak ezartzeko, Errusiako petrolioa erosten du eta. AEBko agintariak Putinekin datorren astean biltzeko asmoa du.
Sute ikaragarri batek hildako bat utzi eta 16.000 hektarea kiskali ditu Frantzian
Gainera, bederatzi suhiltzaile zauritu dira, horietako bat larri, eta 13 herritar, horietako bat ere larri. Sua hasi eta hurrengo egunean, lehen zantzuen arabera eskualdeko errepide batean egindako arduragabekeria baten ondorioz, sugarrek aurrera egiten jarraitzen dute, haize bortitzak lagunduta.
Hiroshimako bonbardaketa atomikotik 80 urte, gatazka globalek ilundutako giroan
Japoniako Hiroshimak hirian AEBko Armadak egindako bonbardaketa atomikoaren 80. urteurrena izan da asteazken honetan, gaur egungo gatazken itzalpean eta 'hibakusha' bizirauleen aldarrien artean, arma horiek berriro erabil ez daitezen. Biktimen senideek, 120 herrialde eta eskualdetako politikari nazional eta diplomatikoen ordezkariek parte hartu dute omenaldian.
Trumpek berriz estutu du Europarekin duen gerra komertziala, eta % 35eko muga-zerga ezarriko diola mehatxu egin dio
AEBko presidenteak mehatxu egin dio Europar Batasunari uztailaren amaieran hitzartutako % 15eko tasa % 35era igotzeko, Bruselak AEBn 600.000 milioi dolar inbertitzeko hartatuko konpromisoa bete ezean.
Netanyahuk atzeratu egin du Gaza osorik okupatzeko gaurko deitu duen bilera
Gazaren erabateko okupazioan aurrera egin asmoz, Segurtasun Kabineteak bilera zuen egitekoa astearte honetan. Hala iragarri du Israelgo lehen ministroak, baina, azkenean, hitzordua bertan behera geratu dela baieztatu du Israelgo Haaretz egunkariak jakinarazi duenez.
Kremlinek tentsioa murriztu nahi du Etxe Zuriarekin: "Gerra nuklear batean ezin da irabazlerik egon"
Dmitri Peskov Errusiako presidentearen bozeramaileak gogorarazi du Putin dela atzerri politika markatzen duena eta AEBko buruzagiarentzat baleko solaskide bakarra, Dmitri Medvedevi erreferentzia argia eginez.