Krisi errepublikanoa, Trump kontrolatu ezinda
Buruzagi errepublikanoak ikaratu dira, Donald Trump Etxe Zurirako hautagaia kontrolatu ezinda baitabiltza. Horrela, aldaketa erradikala eskatu diote presidentegaiari, azken egunetako adierazpen eta agerraldi tamalgarrien ondoren. Hala ere, handi-mandiak dena kontrolpean dagoela adierazi du.
Frustrazioa handia da buruzagi kontserbadoreen artean eta Trump presidentegai bezala mantentzea oraindik posible den zalantza dute; izan ere, alderdiarentzako hondamendia izan liteke.
NBC telebistak jakitera eman duenez, Reice Priebus Batzorde Nazional Errepublikanoko (RNC) presidentea, Rudy Giuliani New Yorkeko alkate ohia eta Newt Gingrich Ordezkarien Ganberako presidente ohia kanpaina bideratzeko lanean ari dira.
Barne-hauteskunde errepublikanoetan 16 aurkari gainditu ondoren, Trumpek "AEBko presidentea izateko trantsizioa" egin ez duela adierazi du Gingirchek Fox telebistan.
"Orain izaten ari den jokabidearekin ezin du Presidentetza irabazi", ohartarazi du Gingrichek. Haren kanpainarentzako "oso kaltegarria" izaten ari dela erantsi du.
Kanpainarekin ados ez dagoela azaltzeko Trumpi deitu zion Priebusek asteartean. Konkretuki, Iraken hildako soldadu estatubatuarraren guraso musulmanekin izandako liskarra aurpegiratu zion RNCko presidenteak handi-mandiari.
Trump ordezkatu
ABC telebistak azaldu duenez, frustrazioa oso handia da eta alderdiko goi-funtzionarioak Trump ordezkatzeko aukera aztertzen ari dira, handi-mandiak hautagaitzari uko egiten baldin badio. Prozedura aurreikusten du RNCren araudiak eta erabakia batzordeko 168 kideen eskuetan egongo litzateke.
Hala ere, presidentegai bat baztertzeko mekanismorik ez dago eta lehia utziko duela pentsatzeko keinurik ez du egin orain arte.
"Nire kanpainan batasun handia dago, baliteke sekula baino estuagoa izatea. Babes handia eskertu nahi dizuet guztiei", esan du Trumpek Twitter sare sozialean.
Khizr Khan, Humayun Khan kapitain musulmanaren aita, Ghazala Kahn emaztea aldamenean duela. Argazkia: EFE
Khan familiarekin istilua
Kahn familiarekin izandako istiluak oihartzun handiena izan du. AEBra Pakistanetik heldu ziren eta semea Irakeko gerran hil zen. Trumpen jokabidea aurreikustea ezinezkoa da eta hauteskunde-kanpaina batean orain arte ez da halakorik ikusi. Horrek errepublikanoen artean alarma sortu du.
Asteartean, handi-mandiak negarrez ari zen haurtxo bat eta haren ama bere hitzalditik kanporatu zituen Ashburnen (Virginia). Gainera, azaroko hauteskundeetan bere aurkako "iruzurra" gerta daitekeela ohartarazi du. Clinton "deabruarekin" alderatu du Trumpek.
Buruzagi errepublikanoek Trumpi babesa kendu behar diotela adierazi du Barack Obama AEBko presidenteak. Trump "zoritxarrez ez dago Etxe Zuriko maizterra izateko prest", ohartarazi du.
ohartarazi du. ohartarazi du. ohartarazi du. ohartarazi du.Zure interesekoa izan daiteke
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.