NBEk laguntza humanitarioa bertan behera utzi du Sirian
Nazio Batuen Erakundearen (NBE) Giza Eskubideen aldeko Koordinazio Bulegoak jakitera eman duenez, laguntza humanitarioa banatzeko ekintza guztiak "bertan behera" utzi dituzte, atzo Alepon kamioi-ilara bati eraso egin ostean.
"Ez dakigu zehatz zer gertatu zen atzo, baina, oraingoz, Sirian laguntza humanitarioa banatzen duten konboi guztiak geratzea erabaki dugu", esan du prentsaurrekoan Jens Laerke NBEren Giza Eskubideen aldeko Koordinazio Bulegoaren bozeramaileak.
Hainbat pertsona hil dira Errusiako edo Siriako hegazkinei egotzitako bonbardaketan. Hori horrela, Errusiak eta AEBk Sirian adostutako su-etena bukatutzat jotzen dute askok.
Siriari Laguntzeko Nazioarteko Taldea gaur bertan bilduko da New Yorken, nazioarteko goi-kargudunek urtean behin egiten duten bileran, NBEren egoitzan.
"Oso une garrantzitsua izango da taldeko kideek akordioaren bat bila dezaten", esan du Mark Toner AEBko Estatu bozeramaileak. AEBk eta Errusiak, zein Europako eta Persiar golkoko hainbat herrik osatzen dute taldea.
Ilargi Gorriko langile bat hil da erasoan
Alepon laguntza banatzen ari zen kamioi-ilaran zihoan Ilargi Gorriko langile bat hil dela baieztatu du Gurutze Gorriaren Nazioarteko Batzordeak. Halaber, erasoan beste hainbat zibil hil eta zauritu direla esan dute.
Alepon laguntza humanitarioa banatzera zihoan kamioi-ilara. EFE.
Bestalde, laguntza humanitarioa banatzen ari ziren 18 kamioi errausturik gelditu dira, eta, ondorioz, mila pertsona bizirauteko laguntza barik gelditu dira.
AEBk Errusiari egotzi dio erasoa
AEBk Errusiari egotzi dio erasoa, eta Errusiako Gobernuarekin elkarlanean jarraitzea aztertuko du. Izan ere, AEBren ustez, Errusiako Gobernuak “argi eta garbi” esan beharko du Sirian su-etena nahi duen.
Bien bitartean, Errusiako Armada erasoa aztertzen ari da, eta “horren inguruko iritzia informazio guztia bildu ostean” emango dutela esan du Dimitri Peskov Kremlineko bozeramaileak.
Zure interesekoa izan daiteke
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.
Mila eraikin baino gehiago berkuntzarik gabe geratu dira Kieven, Errusiak egindako bonbardaketa baten ondorioz, -20 gradurainoko tenperaturak direnean
Darnitsia eta Dniprovski auzoetako etxeak dira. Energia-instalazioen aurka Errusiak egindako lehen erasoa da, joan den ostegunean energiaren aurkako bonbardaketetan aldi baterako su-etena ezarri zuenetik.