Ban Ki-moon: 'Hemen dauden batzuek basakeriak egin dituzte Sirian'
NBEren Batzorde Nagusiak goi mailako elkarrizketak abiarazi ditu gaur, Sirian sarraskia bukatzeko eta diplomaziari heltzeko deia eginez, AEBren eta Errusiaren arteko tentsioa areagotu den arren.
30 bat ordezkarik hitza hartu dute NBEren Batzar Nagusian, baina Ban Ki-moon idazkari nagusiak egin du hitzaldirik gogorrena, erabili ohi dituen hitz xamurrak alde batera utzita, kargua uzteko hilabete gutxi falta zaizkion honetan.
"Gaur, areto honetan, badago gatazka siriarrean zibilen aurkako gehiegikeriak egin, pentsatu, finantzatu eta erraztu dituen herrialderik", salatu du.
Idazkari nagusia NBE osatzen duten 193 herrialdeetako ordezkarien aurrean aritu da. Horietako askok ezustean hartu dute horren hitzaldi gogorra, "eskuetan odola" dutenei ere zuzendu baitzaie NBEren ordezkariak.
"Leku gehiegitan ikusten ditugu konstituzioak berridatzi, hauteskundeak manipulatu eta botereari eusteko bestelako ekintzak etsi-etsian egiten dituztenak", esan du.
Idazkari nagusiak bezala, baina xamurrago, hitz egin du Barack Obamak ere. AEBko presidenteak berretsi duenez, ez da Siriako gatazka konponduko duen "garaipen militarrik" izango; beraz, "diplomaziaren lan gogorra" beharko da "indarkeriarekin bukatzeko".
"Errusia, indarkeriaren bidez, galdutako handitasuna berreskuratzen saiatzen ari da", Obamaren esanetan.
Damaskok Ban Ki-moon kritikatu du
Damaskoko Gobernuak Ban Ki-moon NBEren idazkari nagusiaren aurka egin du, horrek egindako hitzaldi gogorraren ostean, nazioarteko erakundea "bidezko konponbideak" bilatzeko bidetik desbideratzeagatik.
"NBE, Ban Ki-moonen garaian, urrundu egin da nazioarteko arazoen konponbideak bilatzeko bidetik", esan du ohar baten bidez Siriako Gobernuaren Kanpo Arazoetarako Ministerioak, SANA albiste-agentziaren arabera.
Horrez gain, Ban Ki-moon bertan egon denean, NBEk ez duela inolako arazorik konpondu salatu du, eta "herri zapalduen akusazioak eta kexak" baino ez dira egon, horren iritzian, erakundeak egindakoaren aurka.
"Siriako herriak ez du Ban Ki-moonen sermoirik behar. Saudi Arabiaren kontra egiten zuen txosten bat kendu du, dolar mordo baten truke", gaineratu du Siriako ministerio horrek.
Zure interesekoa izan daiteke
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.
Mila eraikin baino gehiago berkuntzarik gabe geratu dira Kieven, Errusiak egindako bonbardaketa baten ondorioz, -20 gradurainoko tenperaturak direnean
Darnitsia eta Dniprovski auzoetako etxeak dira. Energia-instalazioen aurka Errusiak egindako lehen erasoa da, joan den ostegunean energiaren aurkako bonbardaketetan aldi baterako su-etena ezarri zuenetik.