Kubak Iraultza plazan omenduko du gaur Fidel Castro
Gaur Fidel Castrori omenaldia egingo diote Habanako Iraultza plazan. 90 urte zituela ostiralean hil zen Fidel Castroren errautsak Iraultza plazako Jose Martiren memorialean jarri dituzte ikusgai.
Omenaldi ekitaldia arratsaldeko zazpietan hasiko da (Euskal Herrian goizaldeko ordubata denean), eta Kubako zein nazioarteko ordezkariek protagonismoa izango dute. Raul Castroren Gobernuak omenaldiaren inguruko xehetasunak eman ez baditu ere, Kubako presidenteak hitzaldia ematea espero da.
Nazioarteko hainbat buruzagi gaurko omenaldian izango dira, besteak beste, Nicolas Maduro Venezuelako presidentea, Evo Morales Boliviako presidentea, Daniel Ortega Nikaraguako presidentea, Rafael Correa Ekuadorko presidentea eta Enrique Peña Nieto Mexikoko presidentea.
AEBk ez du ordezkaritzarik bidaliko eta Errusiako, Frantziako, Erresuma Batuko eta Alemaniako buruzagiak ez dira joango. Dena den, azken lau herrialde horiek ordezkaritza bat bidaliko dute.
Europatik, Alexis Tsipras Greziako lehen ministroa eta Juan Carlos I.a Espainiako errege emeritua bertan izango dira. Bestalde, Euskal Herritik, Arnaldo Otegik omenaldian izango zela baieztatu bazuen ere, azkenean ez du Habanara bidaiatu Biarritzeko aireportuan hegazkinera igotzea eragotzi diotelako, Naiz atariaren arabera, Ameriketako Estatu Batuetako aire eremua sartzea debekatuta duelako.
Afrikatik, Robert Mugabe Zimbabweko buruak, Teodoro Obian Ekuatore Gineako presidenteka eta Jacob Zuma Hegoafrikako presidenteak parte hartuko dute ekitaldian.
Iluntzeko omenaldiaren ondoren, Fidel Castroren errautsak Santiagora, Kubako bigarren hirira, eramaten hasiko dira asteazkenean.
Larunbatean iritsiko dira errautsak Santiagora eta Antonio Macedo plazan omenaldia egingo diote. Egun bat geroago, igande goizeko zazpietan Santa Ifigenia hilerrian lurperatuko dute, Jose Marti ehortzita dagoen eremu berean.
n eremu berean. n eremu berean. n eremu berean.Albiste gehiago mundua
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.
Israelgo bahituen senideek borroka areagotu dute grebekin eta manifestazioekin
Milaka pertsonak hainbat autobide blokeatu dituzte bart Israelen, Bahituen eta Desagertuen Familien Foroak deitutako greba egunean. Manifestariek "su-eten akordio bat" eskatu dute, "Gazan bahitutakoak askatu eta gerrari amaiera emateko". Protestaren parte gisa, Israel eta Palestinaren arteko mugan kanpaldi bat egingo dutela iragarri dute senideek.
Ukrainako bakea, fase erabakigarrian: Trump Zelenskirekin bilduko da Putinekin egon ostean
Financial Times hedabide britainiarrak jakinarazi duenez, Errusiaren eskakizunek baldintzatuko dute batzarra: Donetsk eta Luhansk, bake akordioa bermatzeko. Gainera, Ukrainako presidentea ez da bakarrik egongo Etxe Zurian, Von der Leyenekin eta beste buruzagi europar batzuekin batera bertaratuko baita.
Bolivian hauteskunde historikoak dituzte gaur: ia 20 urte geroago baliteke eskuinak agintea eskuratzea
Batasun Aliantzako Samuel Doria Medina enpresaria da inkesten buru, eta oso gertu du Aliantza Libreko Jorge Tuto Quiroga oposizioko kide eta presidente ohia (2001-2002).
Desnutrizioak 250 hildako baino gehiago eragin ditu dagoeneko Gazan, ostiralean hildako 11 lagunak barne
Gazako Osasun Ministerioak emandako datuen arabera, horietatik 108 haurrak dira.
Zelenskiren, Trumpen eta Putinen arteko goi-bilera bat antolatzen laguntzeko prest agertu da Europa
Hala adierazi dute Von der Leyen, Macron, Meloni, Merz, Starmer, Stubb eta Tusk buruzagiek Trumpen eta Putinen arteko goi-bileraren ostean.
320 hildako baino gehiago Pakistanen, eurite bortitzek sortutako uholdeetan
Gutxienez 320 pertsona hil dira Pakistaneko iparraldean, euriteek bat-batean uholdeak eraginda. Khyber Pakhtunkhwa probintzia kolpatuena izan da, biktima gehienak eta dozenaka desagertu baitaude. Agintariek erreskate lanetan jarraitzen dute, milaka kaltetuk laguntzaren zain dauden bitartean.
Trumpek eta Putinek akordiorik gabe itxi dute Ukrainari buruzko Alaskako goi-bilera
Horren ostean, Trump eta Zelenski Washingtonen bilduko dira astelehenean, Alaskan izandako goi-bileraren inguruko xehetasun guztiak hizpide izateko asmoz.
Ben Gvir israelgo ministro ultranazionalistak Marwan Barghouti buruzagi palestinarra bisitatu du espetxean mehatxatzeko
"Ez duzue irabaziko", ohartarazi dio Ben Gvirrek 2002tik kartzelan dagoen Barghoutiri, Israelgo auzitegi batek Bigarren Intifadan bost hilketatan parte hartzeagatik zigortu ostean. "Israelgo nazioarekin sartzen dena, gure seme-alabak eta gure emakumeak hiltzen dituena, lurretik ezabatuko dugu", erantsi du Israelgo ministro polemikoak.