Hauteskunde eguna Ipar Irlandan, gobernagarritasuna xede dutela
Ipar Irlandako 1,2 milioi biztanlek bozkatzeko aukera dute gaur, osteguna, protestante eta katolikoen arteko Gobernua blokeatu ostean deitutako hauteskunde autonomikoetan.
Hauteslekuak 08:00etan (gurean) ireki dituzte, eta 23:00ak arte izango dira zabalik. Botoen zenbaketa, aldiz, ostiraleko 09:00etan abiatuko dute eta lehenengo emaitzak larunbatean izango dira prest.
Azken inkesten arabera, Alderdi Unionista Demokratikoak (DUP) eta Sinn Feinek (IRAren alderdi politikoa) jasoko dituzte boto gehien eta haien komunitateen ordezkaritza lortuko dute berriz, hau da, unionista-protestantea eta abertzale-katolikoa.
2011ko maiatzeko hauteskundeetan lortutako 38 eserlekuak berreskuratu nahi ditu DUPek eta, Sinn Feinen helburua tartea murriztu eta 28 eserlekutik gora izatea da.
Halere, hauteskunde hauetan jaitsi egin dute lor daitezkeen ordezkari kopurua, 108tik 90era, eta hautagaiak bost dira, sei izan beharrean, Ipar Irlanda osatzen duten 18 zirkunskripzioetan.
Arlene Foster unionistak ministro kargua galdu zuen, Gobernuan zuen ondoko kargudunak -Martin McGuinness- dimisioa eman eta gero, urtarrilaren 9an, energia berriztagarriekin lotutako ustelkeria kasu baten berri izan zuenean.
McGuinnessen dimisioak ondorioak eragin zituen, besteak beste, hauteskundeak aurreratu zituzten. Hauteskundeak, gainera, McGuinness IRAren komandante ohia eta buru errepublikano historikoa barik egingo dituzte, eta horrek ere baldintzatu ditu.
Britainia Handiko eta Irlandako gobernuek ohartarazi dutenez,, gobernatzeko itunik lortu ezean, baliteke Ipar Irlandako autonomia bertan behera utzi eta Londresetik kudeatzea.
Zure interesekoa izan daiteke
‘Melissa’ urakanak Jamaikan eragindako suntsipena
Melissa urakanak suntsipena eragin du Jamaika uhartean, eta gutxienez 28 hildako dira jada. Urakanak "aurrekaririk gabeko" hondamendia eragin duela adierazi dute Jamaikako agintariek. Horrela geratu da uhartea, Melissaren astinduaren ondoren.
6,3 graduko lurrikara batek Afganistan iparraldea astindu du
Lurrikararen ondorioz, 27 hildako eta 700 zauritu baino gehiago izan dira, baina bilaketa- eta erreskate-lanek aurrera jarraitzen dute, eta ez da baztertzen datozen orduetan hildakoen kopuruak gora egitea.
Trumpek esan du ez duela uste AEBk Venezuelaren kontrako gerrarik egingo duenik, baina ez du planei buruz hitz egin nahi izan
"Zer erantzun diezaioket horrelako galdera bati? Ba al dago Venezuelan eraso bat egiteko planik? Nork esango luke hori? Halakorik balego, esan egingo nizukeela uste duzue, zintzoki? Bai, planak ditugu. Oso plan sekretuak ditugu", esan du 'Air Force One' hegazkinean. "Begira, ikusiko dugu Venezuelarekin zer gertatzen den", adierazi zuen, eta Venezuelako Gobernuak "milaka pertsona bidali zituen kartzeletatik, erakunde mentaletatik eta mendekotasun zentroetatik".
2007tik aurrera jaiotakoei erretzea debekatu die Maldivetako Gobernuak, horrelako erabaki bat hartu duen lehen herrialdea bihurtuz
Debekua aitzindaria da munduan, eta "ohitura ez osasungarriak desagerraraztea eta belaunaldi osasungarria eraikitzea" du helburu, presidenteak azaldu duenez.
Hamasek beste hiru gorpu entregatu dizkio Israeli
Bestalde, Israelek gazatarren 225 gorpu itzuli ditu, horietako asko abusuen eta torturen zantzuekin.
Poliziak ez du Londres iparraldeko tren batean izandako erasoa terrorismoarekin lotzeko zantzurik sumatu
Britainiarrak dira erasoaren bi egileak, eta "ez du terrorismoarekin zerikusirik", esan du prentsaurrekoan Garraoi Poliziaren buru John Lovelessek. Zauritutako hamar lagunetatik bi egoera kritikoan daude, "hiltzeko arriskuan".
Israelek Hezbollahko buruzagi bat hil du Libano hegoaldean egindako erasoetan
Gainera, Israelgo indarrek erasoak areagotzeko mehatxua egin dute, Beiruti milizia xiitaren armagabetzean porrot egin izana leporatu ostean.
Egiptok badu bere museo ‘faraonikoa’
Hainbat urtez atzeratu ostean, eta 20 urteko lanen ondoren, gaur zabaldu ditu ateak Egiptoko ikono kultural berriak. Mila milioi dolarreko kostua izan du, eta gainkostu eta arazo politikoak tarteko, asko atzeratu da. Azken egunotan ahoz aho dabilen Pariseko Louvre museoaren bikoitza da tamainaz, 500.000 metro kuadro ditu. Bertan aurkitu daitezkeen altxorren artean, Tutankamon faraoiaren bilduma handi bat dago. Honako museoa zibilizazio bakar bati eskainitako munduko arkeologia-konplexurik handiena da.
Ukrainak kontraerasoa egin du Pokrovsken, eta tropen inguraketari buruzko informazioa gezurtatu du
Hainbat helikopterotan sartu dira errusiarrek harrapatutzat eman dituzten Pokrovskeko guneetan.
550.000 siriar itzuli dira Turkiatik beren herrialdera, Al-Assad erori zenetik
"2024ko abenduaren 8az geroztik, 550.000 siriar bueltatu dira, beren borondatez, segurtasun osoz eta ohorea galdu gabe", argitaratu du Yerlikaya ministroak X. sare sozialean.