Omenaldi ekitaldiak Bruselan, atentatuen lehen urteurrenean
Gaur goizean minutu bateko isilunea egin dute Bruselako Zaventem aireportuan eta Maelbeek metro geltokian, atentatuen lehen urteurrenean. Erasoetan 32 pertsona hil ziren.
Aireportuko ekitaldi horrek eman dio hasiera duela urtebeteko atentatuetan hildakoak gogoratzeko antolatutako ekitaldiei.
Hildakoen senide eta lagunek, egun horretan lan egin zuten larrialdi zerbitzuetako kideek, Belgikako errege-erreginek eta Charles Michel lehen ministroak minutu bateko isilunea gorde dute 07:58an (06:58 GMT), Bruselako aireportuan leherrarazi zituzten bi bonbetako lehenak eztanda egin zuen orduan. Zaventem aireportuko erasoan 16 pertsona hil ziren.
Belgikako errege-erreginak eta lehen ministroa. Argazkia: EFE
Horren aurretik, atentatu horietan hildako guztien izen-abizenak irakurri dituzte, banan-banan, eta Belgikako erregeak lore sorta bat utzi du leherketa izan zen tokian.
Omenaldiak iraun dituen 26 minutuetan, zirkulazioa eten dute aireportuan.
Bruselako aireportuko ekitaldia. Argazkia: EFE
Aireportutik Maelbeek metro geltokira joan dira. 16 pertsona hil ziren duela urtebete, 09:11n, leherrarazi zuten bonba baten ondorioz.
Bruselan 09:11k zirenean (08:11 GMT) minutu bateko isilunea egin dute Maelbeek metro geltokian, aurrez Zaventem aireportuan egin bezala. Isilunea egin aurretik, ordea, Belgikako erregeak lore sorta bat utzi du biktimen alde.
Metro geltokiko ekitaldian, biktimetako batek eta hildakoetako baten senide batek hitz egin dute, eta, gero, Rudi Vervoort Brusela eskualdeko ministro-presidenteak biktimak oroitzeko plaka bat inauguratu du.
Ekitaldi hori amaitutakoan, Belgikako errege-erreginak eta gainerako agintariak Europa auzora joan dira, Jean-Henri Compère artistak biktimen omenez egindako eskultura inauguratzera.
tzera.Zure interesekoa izan daiteke
Liam Conejo Ramos bost urteko haurra eta haren aita kartzelatik ateratzeko agindu du epaile batek
San Antonio Express-News egunkariak jasotzen duenez, datorren asteartean askatzea aurreikusten da.
Milaka israeldar eta 1948ko palestinar bildu dira Tel Aviven, hiri arabiarretan sufritzen duten indarkeria salatzeko
2025ean 252 arabiar israeldar hil zituzten komunitate arabiarretan, aurrekaririk gabeko zifra bat, hein batean, agintari eta polizia israeldarren pasibitatearen edo konplizitatearen ondorioz.
Milaka pertsona kalera atera dira Minneapolisen eta AEBko beste hiri batzuetan, ICEren eta Trumpen kontra
Astebete da agente federalek Alex Pretti erizaina tiroz hil zutela, eta orduan gertatu zen bezala, manifestazioez gain, greba deitu dute protesten deitzaileek. Bruce Springsteenek kontzertua eskaini du, eta irabazitakoa ICEk hildako herritarren familiei emango diela esan du.
Israelek 32 lagun, tartean 7 haur, hil ditu larunbat honetan Gazan
Israelgo Armadak Zerrendaren aurkako "eraso ugari" baieztatu ditu, eta Hamaseko eta Jihad Islamikoko lau "komandante eta beste terrorista batzuk" hil dituela esan du, eraso horiek non gertatu diren zehaztu gabe.
Aznar Epsteinen paperetan ageri da, pederastaren ordainketa baten eta bi paketeren hartzaile gisa
Argitaratutako azken dokumentuetan jasotzen denez, Epsteinek 1.050 dolar ordaindu zizkion Jose María Aznarren izenean bere bidaia-agenteari 2003ko urriaren 17an. Paketeei dagokienez, esplizituki bidali ziren presidente ohiaren izenean: lehenengoa, Moncloara, 2003ko irailean, eta bigarrena, FAES fundazioaren egoitzara, 2004ko maiatzean.
Delcy Rodriguezek amnistia orokorra proposatu du Venezuelan "zauriak sendatzeko"
Chavismoaren agintaldi osoari eragingo lioke, baina ez lituzke barkatuko hilketak, droga-trafikoa edo giza eskubideak urratzea egotzita zigortutako pertsonak.
Guterresek ohartarazi du Nazio Batuak "finantza-krisi" baten atarian daudela
Honako herrialde hauek dira zordun handienak: AEB, Txina, Errusia, Venezuela, Brasil, Argentina, Mexiko eta Iran. NBEk finantza-krisi larriari aurre egin behar dio, eta 1.570 milioi dolarreko marka ezarri du ordaindu gabeko zorretan.
Epsteinekin lotutako hiru milioi orrialde argitaratu ditu Trumpen Gobernuak, tartean 2.000 bideo eta 180.000 irudi
Epsteinen Artxiboen Gardentasun Legeak abenduaren 19a ezarri zuen New Yorkeko finantzarioarekin lotutako dokumentu guztiak argitaratzeko epe gisa, eta, beraz, Trumpen Administrazioak teknikoki legea urratu du.
Milaka zuzik Eskoziako Lerwick herriko kaleak argitu dituzte Up Helly Aa jaialdi bikingoan
Jaialdi hau urtero ospatzen da Eskoziako Shetland uharteetan, Gabonetako denboraldiaren amaiera ospatzeko. Ekitaldirik ikusgarriena Lerwickeko kaleetan zehar egiten den zuzi-prozesioa da, bikingoen itsasontzi baten erreplika bati zuziak jaurtita amaitzen dena.
Kevin Warshek jaso du Trumpen babesa Erreserba Federalean (Fed) Jerome Powell ordezkatzeko
AEBko Senatuak izendapena berretsi behar du orain, Etxe Zuriak AEBko Banku Zentralari egindako presioen testuinguruan. Erakunde horren independentzia, ordea, funtsezkoa da inflazioa kontrolatzeko eta enplegua bultzatzeko.