Legean aldaketak egin nahi ditu Theresa Mayk, terrorismoari aurre egiteko
Theresa May Erresuma Batuko lehen ministroak terrorismoaren aurkako estrategian aldaketak egiteko asmoa agertu du gaur; hain zuzen ere, terrorismoagatiko espetxe-zigorrak gogortzea eta Internet erregulatzeko araudia sendotzea izan ditu hizpide. Modu horretan erantzun dio atzo gauen Londres erdigunean izandako atentatuari, zeinaren ondorioz hamar pertsona hil ziren (zazpi biktima eta hiru erasotzaile).
"Ezin dezakegu egin gauzek bere horretan jarraitu ahal izango balute bezala. Uste dugu aurre egin behar dugun mehatxuaren joera berri baten aurrean gaudela, terrorismoak terrorismoa elikatzen baitu, eta erantzuleek beste batzuei kopiatuta eramaten dituzte aurrera euren asmoak", baieztatu du Mayk Downing Streeten eman duen mintzaldian.
Lehen ministroak lau esparru zehatz aipatu ditu. Lehendabizikoa: atentatu horiek iradokitzen dituen "ideologia ankerra" borrokatzea da. Erlijio islamiarraren "perbertsiotzat" jo du, eta, bere aburuz, "pentsamolde hori ezin daiteke gailendu indar militarra erabilita soilik".
Bigarrena: estremistek Interneten duten lekua murriztea. "Ezin dezakegu utzi ideologia horrek garatzeko behar duen espazio segurua izan dezala. Horixe da, hain zuzen ere, Internetek eta Interneteko zerbitzuak eskaintzen dituzten enpresa handiek ekartzen dietena", adierazi du. "Gobernu demokratiko aliatuekin batera elkarlanean aritu behar dugu ziberespazioa arautuko duten nazioarteko itunak erdiesteko", erantsi du.
Hirugarren esparrua estremismoa identifikatu eta Erresuma Batuko gizartetik kanporatzeko neurriak sustatzea da, eta laugarrena, terrorismoaren aurkako estrategia hobetzea da, nahiz eta "sendoa" izan, gainbegiraketa bat behar duela uste baitu "mehatxuan izan diren aldaketak-eta". Hartara, terrorismoagatiko espetxe-zigorrak gogortzearen alde agertu da, baita zigor arinenen kasuan ere.
Bestalde, Mayk nabarmendu nahi izan du Erresuma Batuko alderdi nagusiek hauteskunde-kanpaina astelehenera arte bertan behera uztea erabaki izana, Londresen bart izan diren erasoen aurrean errespetua erakusteko.
Zure interesekoa izan daiteke
‘Melissa’ urakanak Jamaikan eragindako suntsipena
Melissa urakanak suntsipena eragin du Jamaika uhartean, eta gutxienez 28 hildako dira jada. Urakanak "aurrekaririk gabeko" hondamendia eragin duela adierazi dute Jamaikako agintariek. Horrela geratu da uhartea, Melissaren astinduaren ondoren.
6,3 graduko lurrikara batek Afganistan iparraldea astindu du
Lurrikararen ondorioz, 27 hildako eta 700 zauritu baino gehiago izan dira, baina bilaketa- eta erreskate-lanek aurrera jarraitzen dute, eta ez da baztertzen datozen orduetan hildakoen kopuruak gora egitea.
Trumpek esan du ez duela uste AEBk Venezuelaren kontrako gerrarik egingo duenik, baina ez du planei buruz hitz egin nahi izan
"Zer erantzun diezaioket horrelako galdera bati? Ba al dago Venezuelan eraso bat egiteko planik? Nork esango luke hori? Halakorik balego, esan egingo nizukeela uste duzue, zintzoki? Bai, planak ditugu. Oso plan sekretuak ditugu", esan du 'Air Force One' hegazkinean. "Begira, ikusiko dugu Venezuelarekin zer gertatzen den", adierazi zuen, eta Venezuelako Gobernuak "milaka pertsona bidali zituen kartzeletatik, erakunde mentaletatik eta mendekotasun zentroetatik".
2007tik aurrera jaiotakoei erretzea debekatu die Maldivetako Gobernuak, horrelako erabaki bat hartu duen lehen herrialdea bihurtuz
Debekua aitzindaria da munduan, eta "ohitura ez osasungarriak desagerraraztea eta belaunaldi osasungarria eraikitzea" du helburu, presidenteak azaldu duenez.
Hamasek beste hiru gorpu entregatu dizkio Israeli
Bestalde, Israelek gazatarren 225 gorpu itzuli ditu, horietako asko abusuen eta torturen zantzuekin.
Poliziak ez du Londres iparraldeko tren batean izandako erasoa terrorismoarekin lotzeko zantzurik sumatu
Britainiarrak dira erasoaren bi egileak, eta "ez du terrorismoarekin zerikusirik", esan du prentsaurrekoan Garraoi Poliziaren buru John Lovelessek. Zauritutako hamar lagunetatik bi egoera kritikoan daude, "hiltzeko arriskuan".
Israelek Hezbollahko buruzagi bat hil du Libano hegoaldean egindako erasoetan
Gainera, Israelgo indarrek erasoak areagotzeko mehatxua egin dute, Beiruti milizia xiitaren armagabetzean porrot egin izana leporatu ostean.
Egiptok badu bere museo ‘faraonikoa’
Hainbat urtez atzeratu ostean, eta 20 urteko lanen ondoren, gaur zabaldu ditu ateak Egiptoko ikono kultural berriak. Mila milioi dolarreko kostua izan du, eta gainkostu eta arazo politikoak tarteko, asko atzeratu da. Azken egunotan ahoz aho dabilen Pariseko Louvre museoaren bikoitza da tamainaz, 500.000 metro kuadro ditu. Bertan aurkitu daitezkeen altxorren artean, Tutankamon faraoiaren bilduma handi bat dago. Honako museoa zibilizazio bakar bati eskainitako munduko arkeologia-konplexurik handiena da.
Ukrainak kontraerasoa egin du Pokrovsken, eta tropen inguraketari buruzko informazioa gezurtatu du
Hainbat helikopterotan sartu dira errusiarrek harrapatutzat eman dituzten Pokrovskeko guneetan.
550.000 siriar itzuli dira Turkiatik beren herrialdera, Al-Assad erori zenetik
"2024ko abenduaren 8az geroztik, 550.000 siriar bueltatu dira, beren borondatez, segurtasun osoz eta ohorea galdu gabe", argitaratu du Yerlikaya ministroak X. sare sozialean.