Bi hildako 6,4ko indarra hartu duen sismo batek Kos uhartea astindu ostean
Richter eskalan 6,4 graduko indarra hartu duen lurrikara batek gutxienez bi hildako, hiru zauritu larri eta kalte material handiak eragin ditu Kos Greziako uhartea astinduta, Yorgos Kyritsis bertako alkateak adierazi duenez.
Hildakoak taberna batean zeuden sismoa izan denean, 01:30ean (22:30 GMT), eta lokaleko sabaia gainera erorita hil dira.
Giorgios Kyritsis Kos hiriko alkateak baieztatu du bi hildako, hainbat zauritu eta kalte material handiak izan direla, ANA albiste-agentziak zabaldu duenez. Hildakoak, horren arabera, 39 urteko turkiar bat eta 27 urteko suediar bat dira.
Reutersek aipatutako iturriek diotenez, gainera, gutxienez 100 pertsona zauritu dira uhartean. ANAk zehaztu du horietako bost larri daudela, eta helikopteroz eraman dituztela Kreta uhartera.
Lurrikarak kalte material handiak eragin ditu etxebizitza askotan, eta ikara zabaldu du herritarren artean; asko etxetik irten dira, errepliken beldur.
Uhartearen heren bat argindarrik gabe gertatu da dardara izan ostean. Rodas uhartean ere sentitu dute lurrikara, eta hipozentroa 10 kilometroko sakoneran kokatu dute, Rodas eta Kos uharteen artean, Atenasko Geodinamika Institutuak zabaldu duenez.
Kalteak, Askatasunaren Plazako meskitan. Argazkia: EFE
Lehen balantzearen arabera, San Nicolas eliza eta Askatasunaren Plazan dagoen meskitaren zati bat eraitsi dira, eta Aia Paraskeviren elizak kalte handiak jasan ditu.
Ezbeharraren ostean, hainbat ministro bertaratu dira uhartera, besteak beste, Nektarios Santorini Merkataritza Nabigazioaren ministroa. Santoriniren esanetan, Kos uharteko aireportua normaltasunez ari da orain, baina portuan kalte handiak eragin ditu sismoak, eta, hori dela eta, bi ferry handik gertu dauden bi uhartetan porturatu behar izan dute.
ERT telebista publikoan egindako adierazpenetan, Santorinik lasaitasunerako mezua zabaldu du, eta, baieztatu duenez, jada ez dago arriskurik, eta herritarrek ez dute beldurrik izan behar.
Lurrikara turismoak gora egiten duen sasoiaren hasieran izan da. Hango zenbait kazetarik esan dute turistak nahiko lasai daudela, gertatutakoa gorabehera.
Ameriketako Estatu Batuetako Geologia Zerbitzuaren hitzetan, lurrikarak 6,7ko magnitudea hartu du. Sismo handiaren ondotik, 5,1 graduko erreplika izan da, Leros uhartetik 26 bat kilometro iparraldera, hipozentro berean, eta, geroago, 4,6, 4,5 eta 5,7 beste hiru izan dituzte, lehen lurrikaratik ez oso urrun.
Dardara Mugla Turkiako probintzian ere sentitu dute, eta ez omen du kalte handirik eragin, baina zenbait eraikinetan kalte txikiren bat izan da.
Zure interesekoa izan daiteke
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".
Hamasek armagabetzeko akordioa berretsi du, baina Israel Gazatik erretiratzea jarri du baldintza gisa
Testuinguru horretan, talde palestinarrak berretsi du ez duela bere esku dagoen armamentua entregatuko Israel Gazako Zerrendatik erretiratu baino lehen.
AEBk Kuwaiten duen base militar baten aurkako erasoa aldarrikatu du Iranek
Irakeko Gobernuak ukatu egin du bere lurraldearen barruan erasoak baimendu izana, Estatu Batuetako presidenteak aste honetan ziurtatu ostean Saudi Arabiarekin batera eta Irakekin koordinatuta egin zituztela erasoak. Bestalde, Itsaso Gorria babesteko nazioarteko koalizio baten sorrera iragarri du Saudi Arabiak.
AEBk eta Saudi Arabiak Iranen aldeko miliziei eraso egin diete Iraken, drone bidezko eraso baten ondoren
Bonbardaketek Herri Mobilizazioaren Indarretako 20 kide hil eta 32 zauritu dituzte gutxienez, eta Irakek larrialdiko bilera deitu du tentsioak gora egin duelako.
Fujimorismoa itzuli da: Keiko Fujimorik presidente karguaren zina egin du
Alberto Fujimori presidente ohiaren (1990-2000) alabak laugarren saiakeran lortu du presidente izatea. Aurreko hauteskundeetan bigarren itzulian galdu zuen. Azken hamarkadan herrialdeak bizi izan duen ezegonkortasun politikoari aurre egin beharko dio, eta gobernatzeko akordioak lortu beharko ditu, ez baitu eta gehiengo osorik. Gainera, Keiko Fujimorik Trumpengana gerturatzeko asmoa duela iragarri du, eta horrek aldaketa ekar dezake politikan, Peruko ekonomiaren bazkide nagusia Txina baita.